ଗଛରେ ପିଟିହେଲା କାର, ଦୁର୍ଘଟଣାରେ ଶିକ୍ଷକ ନାରାୟଣ ସାହୁଙ୍କ ମୃତ୍ୟୁ

ଜି ଉଦୟଗିରି:ଫୁଲବାଣୀ ରୁ ଜି ଉଦୟଗିରି ଆସୁଥିବା ବେଳେ ଭଞ୍ଜପଦର ପାଖରେ ଭାରସାମ୍ୟ ହରାଇ ଗଛରେ ପିଟି ହେଲା କାର । ଘଟଣା ସ୍ଥଳରେ ଶିକ୍ଷକ ନାରାୟଣ ସାହୁଙ୍କ ମୃତ୍ୟୁ ହୋଇଥିବା ଜଣାପଡିଛି । ଏହା ସହ ଗୁରୁତର ଶିକ୍ଷକ ସାନ୍ତୁନୁ ଆଚାର୍ଯ୍ୟ ଙ୍କୁ ଟିକାବାଲି ମେଡ଼ିକାଲ କୁ 108 ଯୋଗେ ଅଣାଯାଇଥିଲା। କିନ୍ତୁ ସାନ୍ତୁନୁଙ୍କର ଅବସ୍ଥା ଅତି ଗୁରତର ହେବାରୁ ଆମ୍ବୁଲାନ୍ସ ଯୋଗେ ବ୍ରହ୍ମପୁର ସ୍ଥାନାନ୍ତର କରାଯାଇଛି। ଗାଡିଟି କ୍ଷିପ୍ର ଗତିରେ ଯାଉଥିବା ବେଳେ ଭାରସାମ୍ୟ ହରାଇ ଗଛରେ ପିଟି ହୋଇଥିବାର ଅନୁମାନ କରାଯାଉଛି ବୋଲି ଟିକାବାଲି ପୋଲିସ କହିଛି।