ଏହି ଦିନଠାରୁ ବନ୍ଦ ହୋଇଯିବ କଲ୍‌ ଫରୱାର୍ଡିଂ ସେବା, ସରକାର ନେଲେ ବଡ଼ ନିଷ୍ପତ୍ତି

ନୂଆଦିଲ୍ଲୀ: ଏପ୍ରିଲ ୧୫ ତାରିଖଠାରୁ ଦେଶରେ ବନ୍ଦ ହୋଇଯିବ ୟୁଏସଏସଡି(USSD) କୋଡ୍ ମାଧ୍ୟମରେ କଲ୍ ଫରୱାର୍ଡ ସୁବିଧା। ଅନଲାଇନ୍ ତଥା ନକଲି କଲ୍ ମାଧ୍ୟମରେ ଜାଲିଆତି ବନ୍ଦ କରିବାକୁ ସରକାର ଏହି ନିଷ୍ପତ୍ତି ନେଇଛନ୍ତି। ଦେଶରେ ଅନ୍‌ଲାଇନ୍‌ ଠକେଇ ମାମଲା କ୍ରମାଗତ ଭାବେ ବୃଦ୍ଧି ପାଉଛି। କିନ୍ତୁ ଏବେ ସରକାର ଦ୍ରୁତ ଗତିରେ ବଢୁଥିବା ଅନଲାଇନ୍ ଠକେଇର ମୁକାବିଲା ପାଇଁ ଏହି ବଡ଼ ନିଷ୍ପତ୍ତି ନେଇଛନ୍ତି। ମୋବାଇଲ୍‌ ବ୍ୟବହାରକାରୀ ଆଉ ଉଠେଇ ପାରିବେନି ଏହି ସୁବିଧା।

ଟେଲିକମ୍ ବିଭାଗ କହିଛି ଯେ USSD (ଅଣସଂଗଠିତ ସପ୍ଲିମେଣ୍ଟାରୀ ସର୍ଭିସ୍ ଡାଟା) ଆଧାରିତ କଲ୍ ଫରୱାର୍ଡିଂ ସୁବିଧା, ଯାହା ବିନା ସର୍ତ୍ତରେ କଲ୍ ଫରୱାର୍ଡିଂ ସେବା ପାଇଁ ଜଣାଶୁଣା, *401 ସେବା କିଛି ଭୁଲ ଉଦ୍ଦେଶ୍ୟରେ ବ୍ୟବହୃତ ହେଉଛି। ତେଣୁ ମୋବାଇଲ୍ ଫୋନରେ *401 ଡାଏଲ୍ କରି କଲ୍ ଫରୱାର୍ଡର ସୁବିଧା ବନ୍ଦ କରିବାକୁ ସରକାର ଦେଶର ସମସ୍ତ ଟେଲିକମ୍ କମ୍ପାନୀଗୁଡିକୁ କହିଛନ୍ତି। ଟେଲିକମ୍ ବିଭାଗ ଏୟାରଟେଲ ଏବଂ ଜିଓ ସମେତ ସମସ୍ତ ଟେଲିକମ୍ କମ୍ପାନୀକୁ USSD କୋଡ୍ ବ୍ୟବହାର କରି କଲ୍ ଫରୱାର୍ଡିଂ ସେବା ବନ୍ଦ କରିବାକୁ ସରକାର ନିର୍ଦ୍ଦେଶ ଦେଇଛନ୍ତି।

ଯଦି କୌଣସି ମୋବାଇଲ୍ ବ୍ୟବହାରକାରୀ *401 ଡାଏଲ୍ କରି ଏକ ଅଜ୍ଞାତ ନମ୍ବରକୁ କଲ୍ କରନ୍ତି, ତେବେ ବ୍ୟବହାରକାରୀଙ୍କ ମୋବାଇଲରେ ଗ୍ରହଣ କରାଯାଇଥିବା ସମସ୍ତ କଲ୍ କିମ୍ବା ମେସେଜ୍ ଅନ୍ୟ ବ୍ୟବହାରକାରୀଙ୍କ ଫୋନକୁ ପଠାଯିବ। ଠକମାନେ ଏହି ସୁବିଧାର ଅବୈଧ ସୁବିଧା ନେଉଥିଲେ। ତେଣୁ ନିର୍ଦ୍ଦେଶ ଅନୁଯାୟୀ ଏପ୍ରିଲ୍ ୧୫, ୨୦୨୪ ପରେ ଆପଣଙ୍କ ସ୍ମାର୍ଟଫୋନରେ କଲ୍ ଫରୱାର୍ଡିଂ ସେବା ବନ୍ଦ ହୋଇଯିବ।

*401 ହେଉଛି ଏକ USSD କୋଡ୍। USSD ହେଉଛି ଏକ ସଂକ୍ଷିପ୍ତ କୋଡ୍ ଯାହା ମୋବାଇଲ୍ ବ୍ୟବହାରକାରୀମାନେ ଫୋନର ବାଲାନ୍ସ କିମ୍ବା IMEI ନମ୍ବର ଜାଣିବା ପାଇଁ ଡାଏଲ୍ କରନ୍ତି। ସରଳ ଭାଷାରେ କହିଲେ, USSD ଏଭଳି ଏକ ଫିଚର୍‌ ଯାହା ସାହାଯ୍ୟରେ ଏକ କୋଡ୍ ଡାଏଲ୍ କରି କୌଣସି ନମ୍ବରରେ ଅନେକ ସେବା ସକ୍ରିୟ ଏବଂ ନିଷ୍କ୍ରିୟ କରାଯାଇପାରିବ। IMEI ନମ୍ବର ମଧ୍ୟ USSD କୋଡ୍‌ରୁ ହିଁ ଜଣାପଡ଼ିଥାଏ।

USED ​​କୋଡ୍ ମାଧ୍ୟମରେ IMEI ନମ୍ବର ମଧ୍ୟ ଚିହ୍ନଟ ହୁଏ। କଲ୍ ବ୍ୟବହାର, ଫୋନ୍ ବାଲାନ୍ସ ଯାଞ୍ଚ, କଲର୍ ଟ୍ୟୁନ୍ ସେଟ୍ କରିବା, UPI ଚଳାଇବା ଏବଂ IMEI ନମ୍ବର ଜାଣିବା ପାଇଁ USSD ମୋବାଇଲ୍ ବ୍ୟବହାରକାରୀଙ୍କ ଦ୍ୱାରା ବ୍ୟବହୃତ ହୁଏ। ଠକମାନେ USSD କୋଡ୍ *୪୦୧# ମାଧ୍ୟମରେ ଅନଲାଇନ୍ ଠକେଇ କରୁଛନ୍ତି।