ମୁମ୍ବାଇ: ଚଳିତ ବର୍ଷ ଅକ୍ଟୋବର-ନଭେମ୍ବରରେ ଟି୨୦ ବିଶ୍ୱକପ କ୍ରିକେଟ ଅଷ୍ଟ୍ରେଲିଆରେ ଖେଳାଯିବ । ଭାରତ ୨୩ ଅକ୍ଟୋବରରେ ପାକିସ୍ତାନ ବିପକ୍ଷରେ ତାର ଅଭିଯାନ ଆରମ୍ଭ କରିବ । ଟିମ ଇଣ୍ଡିଆର ଚୂଡାନ୍ତ ଏକାଦଶ ନେଇ ଆଲୋଚନା ଚାଲିଥିବା ବେଳେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ୬ଜଣ ଖେଳାଳି ବାଛିଛନ୍ତି । ବାକି ୫ଜଣଙ୍କୁ ଚୟନ କରିବା ଦାୟିତ୍ୱ ସେ ପ୍ରଶଂସକଙ୍କ ଉପରେ ଛାଡି ଦେଇଛନ୍ତି । ସେ ତାଙ୍କ ଅଫିସିଆଲ ଆପରେ ଏ ସମ୍ପର୍କରେ ଉଲ୍ଲେଖ କରିଛନ୍ତି । ସଚିନ ତାଙ୍କ ଟିମରେ ଖରାପ ଫର୍ମରେ ଥିବା ବିରାଟ କୋହଲିଙ୍କୁ ସୁଯୋଗ ଦେଇଛନ୍ତି । ଓପନରରେ ଅଧିନାୟକ ରୋହିତ ଶର୍ମାଙ୍କୁ ସେ ରଖିଥିବା ବେଳେ ଅନ୍ୟ ଜଣଙ୍କ ସ୍ଥାନ ଖାଲି ରଖିଛନ୍ତି । ତୃତୀୟ ଓ ଚତୁର୍ଥରେ ବିରାଟ କୋହଲି ଓ ସୂର୍ଯ୍ୟକୁମାର ଯାଦବ ରହିଛନ୍ତି । ୫ମ, ୭ମ, ୯ମ ଓ ୧୧ତମ ସ୍ଥାନ ଖାଲି ରଖିଛନ୍ତି । ଅଲରାଉଣ୍ଡର ହାର୍ଦ୍ଦିକ ପାଣ୍ଡ୍ୟାଙ୍କୁ ୬ଷ୍ଠ, ଭୁବନେଶ୍ୱର କୁମାରଙ୍କୁ ୮ମ ଏବଂ ୧୦ ସ୍ଥାନରେ ଯଶପ୍ରୀତ ବୁମରାହ ରହିଛନ୍ତି ।
Comments are closed.