ଭୁବନେଶ୍ୱର: ଅଭିନବ ଉପାୟରେ ଚୋରା ବନ୍ଧୁକ ବ୍ୟବସାୟ ଠାବ କରିବାରେ ସକ୍ଷମ ହୋଇଛି କମିସିନରରେଟ ପୋଲିସ। ବେପାରି ସାଜି କଟକ ଚଉଳିଆଗଞ୍ଜ ପୋଲିସ ର ସ୍ପେସିଆଲ ସ୍କାଡ଼ ଦୀର୍ଘ ୧୦ ଦିନରୁ ଉର୍ଦ୍ଧ୍ବ ହେବ ଏହି ବନ୍ଧୁକ ବେପାରି ଉପରେ ନଜର ରଖିଥିଲା। କିନ୍ତୁ ଆଜି ଏହି ରାକେଟ ର ୪ ଜଣଙ୍କୁ ଧରିବାରେ ସକ୍ଷମ ହୋଇଥିଲେ।
ସୂଚନାନୁସାରେ, ସେମାନଙ୍କ ଠାରୁ ୫ଟି ବନ୍ଧୁକ ୫୦ରାଉଣ୍ଡ ଗୁଳି ୮ଟି ମୋବାଇଲ ଫୋନ ସହ ଏକ ହୁଣ୍ଡାଇ କାର କୁ ଜବତ କରିଛି ଚଉଳିଆଗଞ୍ଜ ପୋଲିସ। ସେଥିମଧ୍ୟରୁ ଜଣେ ସାର୍ଫ ସୁଟର ହୋଇଥିବା ବେଳେ ଅନ୍ୟ ତିନିଜଣ ଙ୍କ ନାମରେ କଟକ ଭୁବନେଶ୍ୱର ସମେତ ରାଜ୍ୟର ବହୁ ଥାନାରେ ଏମାନଙ୍କ ନାମରେ ଏକାଧିକ ମାମଲା ଥିବା ଜଣାପଡିଛି।
ବିପୁଳ ପରିମାଣ ରେ ଗୁଳି ଓ ବନ୍ଧୁକ ଜବତ ଘଟଣା ।ବିହାର ରାଜ୍ୟ ରୁ ଆସୁଥିଲା ଗୁଳି ଓ ବନ୍ଧୁକ।କଟକ, ଜଗତସିଂହପୁର, ଢେଙ୍କାନାଳ, ପୁରୀ ଆଦି ଅଞ୍ଚଳ ରେ ବିକ୍ରି ହେଉଥିଲା । ଗିରଫ ଅଭିଯୁକ୍ତ ମଧ୍ୟରେ ସୁଧୀର ହେଉଛି ତପୁ ଗ୍ୟାଙ୍ଗ ର ସାର୍ଫ ସୁଟର ।ବାହାର ରାଜ୍ୟ ଚାଲାଣ ଉପରେ ଅଧିକ ଫୋକୋସ ରଖାଯିବ ବୋଲି କହିଛନ୍ତି କଟକ ଡିସିପି।
Comments are closed.