ଭୁବନେଶ୍ୱର: ରାଜ୍ୟରେ ଦିନ ଦିନ ବଢ଼ି ଚାଲିଛି କରୋନା ଆକ୍ରାନ୍ତଙ୍କ ସଂଖ୍ୟା । ଏବେ ଏହି ସଂଖ୍ୟା ୬୦ରେ ପହଂଚିଥିବା ବେଳେ ୧୯ ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ତେବେ ଏହି କରୋନା ସ୍ଥିତି ନେଇ ଜନସ୍ୱାସ୍ଥ୍ୟ ନିର୍ଦ୍ଦେଶକ ଅଜିତ ମହାନ୍ତି ପ୍ରତିକ୍ରିୟା ରଖିଛନ୍ତି ।
ସେ କହିଛନ୍ତି, ଯେଉଁ ଡାକ୍ତରମାନେ କରୋନା ରୋଗୀଙ୍କ ଚିକିତ୍ସା କରୁଛନ୍ତି ସେମାନଙ୍କୁ ପ୍ରର୍ଯ୍ୟୟକ୍ରମେ ସ୍ୱାସ୍ଥ୍ୟ ଯାଂଚ କରାଯାଉଛି । ଆବଶ୍ୟକ ପଡିଲେ ଡାକ୍ତର, ନର୍ସ ଓ ସ୍ୱାସ୍ଥ୍ୟକର୍ମୀଙ୍କୁ ୧୫ ଦିନିଆ କ୍ୱାରେଣ୍ଟିନ୍ରେ ରଖାଯିବ ବୋଲି ସେ କହିଛନ୍ତି । ଏଥିସହ ଅବରୋଧ ଅଂଚଳରେ ରହୁଥିବା ବ୍ୟକ୍ତିଙ୍କ ସଂସ୍ପର୍ଶରେ ଯେଉଁମାନେ ଆସିଛନ୍ତି ସେମାନଙ୍କୁ ସର୍ଭିଲାନ୍ସରେ ରଖାଯାଇଛି ।
ସେ ଆହୁରି କହିଛନ୍ତି ଯେ, ଅନ୍ୟ ରାଜ୍ୟ ଅପେକ୍ଷା ଓଡ଼ିଶା ନିରାପଦରେ ରହିଛି । କିନ୍ତୁ ଯେକୌଣସି ପରିସ୍ଥିତିରେ ମଧ୍ୟ ସ୍ଥିତି ବଦଳିପାରେ ସେ କଥା କହିହେବନି । କରୋନା ଚେନ୍କୁ ଭାଙ୍ଗିବା ହେଉଛି ସବୁଠାରୁ ବଡ ଚ୍ୟାଲେଂଜ ।
ଭୁବନେଶ୍ୱରରେ ୪୬ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ଅନେକଙ୍କ ନିଜାମୁଦ୍ଦିନ ଲିଙ୍କ ରହିଛି । ଭୁବନେଶ୍ୱର ଓ ଭଦ୍ରକ କରୋନା ରେଡ୍ ଜୋନ୍ରେ ଅଛି । ୨୮ ଦିନ ପରେ ସ୍ଥିତି ସୁଧରିଲେ ଅରେଂଜ ଜୋନ୍କୁ ଆସିବ । ରାଜ୍ୟରେ ଟେଷ୍ଟି ସୁବିଧା ବଢ଼ୁଛି । ପୋଲିଂ ମେଥଡରେ ଅଧିକ ପରୀକ୍ଷା କରାଯାଉଛି ବୋଲି ଜନସ୍ୱାସ୍ଥ୍ୟ ନିର୍ଦ୍ଦେଶକ ଅଜିତ ମହାନ୍ତି କହିଛନ୍ତି ।
Comments are closed.