ମୁମ୍ବାଇ:ପୁଣି ଚର୍ଚ୍ଚାକୁ ଆସିଲା ବିବେକ ଅଗ୍ନିହୋତ୍ରୀଙ୍କ ଫିଲ୍ମ ‘ଦ କଶ୍ମୀର ଫାଇଲ’ । ଉକ୍ତ ଫିଲ୍ମକୁ ଲାଗ ଲାଗ ୨ଟି ସଫଳତା ମିଳିଛି । ଦିନକ ପୂର୍ବରୁ ବିବେକ ଅଗ୍ନହୋତ୍ରୀ ନିଜ ସୋସିଆଲ ମିଡିଆ ଆକାଉଣ୍ଟରେ ସୂଚନା ଦେଇ କହିଥିଲେ, ‘ଦ କଶ୍ମୀର ଫାଇଲ’ ସ୍ୱିଜରଲାଣ୍ଡ ଅନ୍ତର୍ଜାତୀୟ ଫିଲ୍ମ ମହୋତ୍ସବର ଅଫିସିଆଲ କାଟେଗାରୀ ପାଇଁ ମନୋନୀତ ହୋଇଛି ।
ଏବେ ଦ କାଶ୍ମୀର ଫାଇଲକୁ ନେଇ ଆଉ ଏକ ଖୁସି ଖବର ସେୟାର କରିଛନ୍ତି ନିର୍ଦ୍ଦେଶକ ବିବେକ ଅଗ୍ନିହୋତ୍ରୀ । ସେ କହିଛନ୍ତି, ଆଇଏମଡିବି ପକ୍ଷରୁ ତାଙ୍କୁ ଏକ ପୁରସ୍କାର ମିଳିଛି ଏବଂ ଏହି ପୁରସ୍କାର ତାଙ୍କୁ ଦ କଶ୍ମୀର ଫାଇଲ ପାଇଁ ମିଳିଥିବା ସେ କହିଛନ୍ତି ।
ବିବେକ ଅଗ୍ନିହୋତ୍ରୀ ଏହାର ଫଟୋ ସେୟାର କରିଛନ୍ତି ଯେଉଁଥିରେ ସେ ଆଇଏମଡିବି ଲୋଗୋ ଥିବା ଏକ ଟ୍ରଫି ଧରି ଛିଡ଼ା ହୋଇଛନ୍ତି । ଏହି ଟ୍ରଫି ତାଙ୍କୁ ଦ କାଶ୍ମୀର ଫାଇଲ ପାଇଁ ମିଳିଥିବା କହିଛନ୍ତି । ଏହି ଫିଲ୍ମ ୨୦୨୨ର ସବୁଠାରୁ ଲୋକପ୍ରିୟ ଫିଲ୍ମ ହୋଇପାରିଛି । ବିବେକ ଟ୍ରଫିର ୩ଟି ଫଟୋ ସେୟାର କରିଛନ୍ତି । ଗୋଟିଏ ଫଟୋରେ ସେ ଏକ ସାର୍ଟିଫିକେଟ ଦେଖାଇଛନ୍ତି ।
ଏହି ଫଟୋ ଆଇଏମଡିବିକୁ ଟ୍ୟାଗ କରିବା ସହ ଲେଖିଛନ୍ତି, ଆଇଏମଡିବି ପକ୍ଷରୁ ମିଳିଥିବା ଏହି ଅମୂଲ୍ୟ ଆୱାର୍ଡ ପାଇ ମୁଁ ବହୁତ ଖୁସି । ୨୦୨୨ ର ସବୁଠାରୁ ଲୋକପ୍ରିୟ ଫିଲ୍ମ ମାନ୍ୟତା ଦେଇଥିବାରୁ ଧନ୍ୟବାଦ । ଏହା ପ୍ରକୃତରେ ଲୋକଙ୍କର ଫିଲ୍ମ ।’ ବିବେକ ଏହି ଫଟୋରେ ଫିଲ୍ମରେ ଲିଡ ରୋଲରେ ଅଭିନୟ କରିଥିବା ଦର୍ଶନ କୁମାର ପ୍ରତିକ୍ରିୟା ରଖି ତାଳି ମାରିବାର ଫଟୋ ସେୟାର କରିଛନ୍ତି ।
Comments are closed.