ଭୁବନେଶ୍ବରରେ ଏନଏସଜି ବ୍ଲାକ୍ କ୍ୟାଟ୍ କମାଣ୍ଡୋ ଟିମ୍

ଭୁବନେଶ୍ବର : ରାଜଧାନୀ ଭୁବନେଶ୍ବରରେ ଏନଏସଜି ବ୍ଲାକ କ୍ୟାଟ୍‌ କମାଣ୍ଡୋଙ୍କ ରାଲି । ଅକ୍ଟୋବର ୨ ତାରିଖରୁ ଆରମ୍ଭ ହୋଇଥିବା ଅଜାଦୀ କା ଅମୃତ ମହୋତ୍ସବ ଅବସରରେ କାର୍ ରାଲିରେ ବାହାରିଛନ୍ତି ଏନଏସଜି କମାଣ୍ଡୋ । ଦିଲ୍ଲୀର ଲାଲକିଲ୍ଲାରୁ ଆରମ୍ଭ ହୋଇଥିବା ଏହି ଏନଏସଜି କାର୍‌ ରାଲି ଆଜି ଭୁବନେଶ୍ବରରେ ପହଞ୍ଚିଛି । ଏହି ଅବସରରେ ପୋଲିସ ମୁଖ୍ୟାଳୟରେ ସ୍ବତନ୍ତ୍ର କାର୍ଯ୍ୟକ୍ରମ ଆୟୋଜନ କରାଯାଇଥିଲା । ପୋଲିସ ଡିଜି ଅଭୟ ଏନଏସଜି କମାଣ୍ଡୋଙ୍କୁ ସମ୍ବର୍ଦ୍ଧିତ କରିଥିଲେ । ଦେଶପ୍ରେମର ବାର୍ତ୍ତା ନେଇ ସହରରୁ ସହର ପରିଭ୍ରମଣ କରୁଛନ୍ତି ଏନଏସଜି ଟିମ୍ । ଦେଶର ୧୨ଟି ରାଜ୍ୟର ୧୮ଟି ସହର ଦେଇ ଏହି ରାଲି ଯାଇଛି । ଏଥିରେ ୪୯ ଜଣ କମାଣ୍ଡୋ ୭ହଜାର ୫୦୦ କିଲୋମିଟର ରାଲିରେ ବାହାରି ଲୋକଙ୍କୁ ସଚେତନତାର ବାର୍ତ୍ତା ଦେଉଛନ୍ତି । ଆଜି ଭୁବନେଶ୍ବରରେ ପହଞ୍ଚିବା ପରେ ଏହି ଏନଏସଜି ଟିମକୁ ସ୍ବାଭତ ସହ ସମ୍ବର୍ଦ୍ଧିତ କରାଯାଇଥିଲା । ଭୁବନେଶ୍ବର ପରେ ଗୋପାଳପୁର ଦେଇ ହାଇଦ୍ରାବାଦ ଯିବ ଏହି ଏନଏସଜି ଟିମ୍ ।