ମଧ୍ୟପ୍ରଦେଶ: ସାଧାରଣତଃ ଲୋକମାନେ ନିଜ ଭାଗ୍ୟର ତାଲା ଖୋଲିବା ପାଇଁ ମନ୍ଦିରରେ ମାନସିକ ରଖିଥାନ୍ତି । କିନ୍ତୁ ମଧ୍ୟପ୍ରଦେଶରେ ଏପରି ଏକ ଅନନ୍ୟ ମନ୍ଦିର ଅଛି ଯେଉଁଠାରେ ଶତ୍ରୁମାନଙ୍କ କୌଶଳ ଦୁର୍ବଳ କରିବାକୁ ମାନସିକ ରଖିଥାନ୍ତି ଲୋକେ । ନିଜର ମାନସିକ ପୂରଣ କରିବା ପାଇଁ ଏହି ମନ୍ଦିରରେ ଲୋକେ ତାଲା ଲଗାଇଥାନ୍ତି, ଯାହାଦ୍ୱାରା ମାନସିକ ପୂରଣ ହୋଇଥାଏ ବୋଲି ଲୋକଙ୍କ ବିଶ୍ୱାସ ।
ମଧ୍ୟପ୍ରଦେଶର ବିଦିଶାସ୍ଥିତ ବେଟୱାଠାରେ ରହିଛି ତାଲା ବାଲା ମାତା ମନ୍ଦିର । ଏଠାରେ ଲୋକମାନେ ସେମାନଙ୍କର ଶତ୍ରୁମାନଙ୍କୁ ଦୁର୍ବଳ କରିବା ମନ୍ଦିର ବେଢାରେ ଥିବା ବଉଳ ଗଛରେ ତାଲା ଝୁଲାଇଥାନ୍ତି । ଶ୍ରଦ୍ଧାଳୁ ଶତ୍ରୁର ନାମ ଉଚ୍ଚାରଣ କରି ଏହି ବଉଳ ଗଛରେ ତାଲା ପକାଇଥାନ୍ତି । ପରେ ଏହାର ଚାବିକୁ ମାଆଙ୍କ ଆଗରେ ରଖିଥାନ୍ତି । ମନ୍ଦିରର ପୁରୋହିତ ନାଭାଲ ମହାରାଜ କୁହନ୍ତି ଯେ, ପ୍ରାୟ ୩୦ ବର୍ଷ ପୂର୍ବେ ମନ୍ଦିରରୁ ମାଆ ବାହାରି ଏହି ବଉଳ ଗଛ ତଳେ ଆସି ରହିଥିଲେ । ଏହା ପରେ ଏଠାରେ ଦେବୀ ମାଆଙ୍କ ମୂର୍ତ୍ତି ସ୍ଥାପନ କରାଯାଇଥିଲା ।
ଆରମ୍ଭରେ, ଯେତେବେଳେ ଲୋକମାନେ ତାଲା ପକାଇଲେ, ସେମାନଙ୍କର ଇଚ୍ଛା ପୂରଣ ହେଲା । ଯେଉଁ କାରଣରୁ ଏହି ବିଶ୍ୱାସ ଦିନକୁ ଦିନ ବଢିବାକୁ ଲାଗିଲା । ପ୍ରତ୍ୟେକ ଶନିବାର, ମଙ୍ଗଳବାର ଏବଂ ଗୁରୁବାର ଏହି ବଉଳ ଗଛରେ ତାଲା ଲଗାଇଲେ ମାନସିକ ପୂରଣ ହୋଇଥାଏ ବୋଲି ଲୋକଙ୍କ ବିଶ୍ୱାସ । ସେବେଠାରୁ ଏହି ମନ୍ଦିରରେ ପ୍ରବଳ ଭିଡ଼ ଜମୁଛି । କେବଳ ସ୍ଥାନୀୟ ଲୋକେ ନୁହଁନ୍ତି, ଭୋପାଳ, ସାଇରୋଞ୍ଜ, ଲାଟେରୀ, ଶ୍ୟାମଶାବାଦ ଏବଂ ସାଗର ଆଦି ଅଞ୍ଚଳରୁ ଲୋକେ ଏହି ମାନସିକ ନେଇ ଏଠାକୁ ଆସିଥାନ୍ତି । ଶ୍ରଦ୍ଧାଳୁ ଗଛରେ ତାଲା ପକାଇବା ପରେ ଏହାର ଚାବିକୁ ମାଆଙ୍କ ଆଗରେ ରଖନ୍ତି, ଯାହାଦ୍ୱାରା ମାଆ ଶ୍ରଦ୍ଧାଳୁଙ୍କ ମାନସିକ ତାଲା ଖୋଲି ପୂରଣ କରିଥାନ୍ତି । ପରେ ଆମେ ଚାବିକୁ ଗୋଟିଏ ସ୍ଥାନରେ ରଖୁ ।
