ପୁରୀ: ସ୍ୱାଧୀନତା ଦିବସକୁ ନେଇ ସାରା ଦେଶରେ ନାହିଁ ନଥିବା ଉତ୍ସାହ। ଏହାକୁ ପାଳନ କରିବା ପାଇଁ ସାରା ଦେଶରେ ହୋଇଚି ବ୍ୟାପକ ପ୍ରସ୍ତୁତି। ଅନ୍ତର୍ଜାତୀୟ ବାଲୁକା ଶିଳ୍ପୀ ମାନସ କୁମାର ସାହୁ ୭୯ତମ ସ୍ୱାଧିନତା ଦିବସ ଉପଲକ୍ଷ ବାଲୁକା ସ୍ୟାଣ୍ଡ ଆନିମେସନ ପ୍ରସ୍ତୁତ କରିଛନ୍ତି। ଏହି ସ୍ୟାଣ୍ଡ ଆନିମେସନଟି ଅପରେସନ ସିନ୍ଦୂରର ବିଜୟ ଗାଥାକୁ ଆଧାର କରି କରାଯାଇଛି। ଏହା ସାରା ବିଶ୍ୱ ପାଇଁ ଏକ ଉଦାହରଣ ପାଲଟିଛି।
ଆମ ଦେଶର ସୁରକ୍ଷା ପାଇଁ ବୀର ଯବାନ ମାନେ ନିଜ ଜୀବନକୁ ବାଜି ଲଗାଇ ଦେଉଛନ୍ତି। ତାଙ୍କର ବୀର ଗାଥାକୁ ବାଲୁକା ଆନିମେସନରେ ଦର୍ଶାଇଛନ୍ତି ବାଲୁକା ଶିଳ୍ପୀ ମାନସ ସାହୁ। ଏହି ବାଲୁକା ଆନିମେସନଟିକୁ ପ୍ରସ୍ତୁତ କରିବାକୁ ମାନସ ସାହୁଙ୍କୁ ୨ ଘଣ୍ଟା ସମୟ ଲାଗିଥିଲା। ଏହି ଆନିମେସନ ପୁରୀରେ ଥିବା ମାନସ ସାହୁଙ୍କ ସ୍ୟାଣ୍ଡ ଆର୍ଟ ଇନଷ୍ଟିଟ୍ୟୁଟରେ ପ୍ରସ୍ତୁତ କରାଯାଇଛି।
ଅନ୍ୟପଟେ ବାଲୁକା ଚିତ୍ରକଳା ମାଧ୍ୟମରେ ସାରା ଦେଶବସୀଙ୍କୁ ସ୍ଵାଧୀନତା ଦିବସ ଶୁଭେଚ୍ଛା ଦେଇଛନ୍ତି ବାଲୁକା ଚିତ୍ର ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ। ପୁରୀ ବେଳାଭୂମିରେ ଅପରେସନ ସିନ୍ଦୂର ଥିମ୍ ରେ ହୋଇଛି ବାଲୁକା ଚିତ୍ରକଳା। ଭାରତ ମାନଚିତ୍ରରେ ରହିଛି ସିନ୍ଦୂରର ପ୍ରତିକୃତି। ଶତ୍ରୁ ପକ୍ଷ ଉପରେ ବିମାନ ଆକ୍ରମଣର ଝଲକ ମଧ୍ୟ ରହିଛି ଏହି ବାଲୁକା ଚିତ୍ରକଳାରେ।
Comments are closed.