ସୋସିଆଲ ମିଡିଆରେ ଅନେକ ଅଜବ ଭିଡ଼ିଓ ଦେଖିବାକୁ ମିଳିଥାଏ । ଯାହାକୁ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି । ଏବେ ସେମିତି ଏକ ଭିଡ଼ିଓ ସୋସିଆଲ ମିଡ଼ିଆରେ ଘୂରି ବୁଲୁଛି, ଯେଉଁଥିରେ ଜଣେ ମହିଳା ଗରମ ତେଲ କଡ଼େଇରେ ପୁରୁଣା ସିଡ଼ି ଛାଣି ନିଜର ଦକ୍ଷତା ଦେଖାଇଛନ୍ତି । ଏହାକୁ ଦେଖି ଲୋକେ ଚକିତ ହୋଇଯାଇଛନ୍ତି ।
ଭାଇରାଲ ଭିଡ଼ିରେ ଦେଖିବାକୁ ମିଳିଛି ଯେ, ଜଣେ ମହିଳା କାଠ ଚୁଲିରେ ଏକ କଡ଼େଇ ବସାଇ ତେଲ ଗରମ କରୁଛନ୍ତି । ପରେ ସେଥିରେ ଗୋଟେ ଗୋଟେ କରି ପୁରୁଣା ସିଡ଼ି ପକାଇ ଛାଣୁଛନ୍ତି । ଏହାକୁ ଦେଖି ଲୋକେ ଆଶ୍ଚର୍ଯ୍ୟ ହୋଇଯାଇଛନ୍ତି । ଅନେକ ଲୋକ ଭୟ କରିବାକୁ ଲାଗିଲେ ଯେ, ସେ ଏଥିରୁ କ’ଣ ତିଆରି କରିବେ । ଆଉ କିଛି ଲୋକ ଭାବିଲେ ମହିଳା ଜଣକ ସିଡିକୁ ଖାଇବେ ବୋଧେ । ମାତ୍ର ମହିଳାଙ୍କ ଉଦ୍ଦେଶ୍ୟ ଥିଲା ପୁରା ଅଲଗା । ସେ ଛଣା ହୋଇଥିବା ସିଡିରୁ ସୁନ୍ଦର ୱାଲ୍ ହ୍ୟାଙ୍ଗ୍ ତିଆରି କରିଲେ । ଏହାକୁ ଦେଖି ଲୋକମାନେ ତାଙ୍କ କଳାକୁ ପ୍ରଶଂସା କରିବାକୁ ପଛାଇଲେ ନାହିଁ ।
ଆଜିର ଯୁଗରେ କିଛି ଗୀତ ଶୁଣିବାକୁ ହେଲେ ଅନ୍ଲାଇନ୍ରେ ହାତ ପାହାନ୍ତାରେ ମିଳି ଯାଉଛି । କିନ୍ତୁ ବହୁ ପୂର୍ବରୁ କ୍ୟାସେଟ୍ର ଏକ ଯୁଗ ଥିଲା । ପରେ ସିଡି ପ୍ଲେୟାର ବଜାରକୁ ଆସିଥିଲା । ଏବେ ଏହି ସିଡିଗୁଡ଼ିକ କେବଳ ଘରେ ଅଦରକାରୀ ହୋଇ ପଡ଼ିରହିଛି । ଏହି ମହିଳା ଜଣକ ପୁରୁଣା ସିଡିରୁ କିପରି ସୁନ୍ଦର ୱାଲ୍ ହ୍ୟାଙ୍ଗ୍ ପ୍ରସ୍ତୁତ କରାଯାଇପାରିବ ସେ ନେଇ ଭିଡ଼ିଓ ଜରିଆରେ ଲୋକଙ୍କୁ ଦେଖାଇଥିଲେ । ଏଗୁଡ଼ିକ ଯେତିକି ସୁନ୍ଦର ଦେଖାଯାଉଛି କେହି ବିଶ୍ୱାସ କରିପାରିବେ ନାହିଁ ଯେ, ଏହା ପୁରୁଣା ସିଡିରୁ ପ୍ରସ୍ତୁତ ହୋଇଛି । ଏହି ଭିଡ଼ିଓ ଅନେକ ପସନ୍ଦ କରିବା ସହ ମହିଳାଙ୍କ ଦକ୍ଷତାକୁ ବି ପ୍ରଶଂସା କରିଛନ୍ତି ।
Comments are closed.