ଭୁବନେଶ୍ଵର: ପାଣିପାଗ ପରିବର୍ତ୍ତନ ସମୟରେ ଆମେ ମାନେ ଆମର ଶରୀର ପ୍ରତି ଧ୍ୟାନ ଦେବା ନିତ୍ୟାନ୍ତ ଜରୁରୀ। ଏଥିପାଇଁ ଆମ ଖାଦ୍ୟ ଶୃଙ୍ଖଳକୁ ସଠିକ ଢଙ୍ଗରେ ପ୍ରସ୍ତୁତ କରିବାର ଆବଶ୍ୟକ ରହିଛି। ଖାଦ୍ୟ ଶୃଙ୍ଖଳରେ ଫଳକୁ ସାମିଲ କରିବାର ଆବଶ୍ୟକ ମଧ୍ୟ ବେଶ ଜରୁରୀ ହୋଇ ପଡ଼ିଛି। ଏଥିପାଇଁ ଆପଣ ନିଜ ଖାଦ୍ୟରେ ଫଳକୁ ଅନ୍ତର୍ଭୁକ୍ତ କରିପାରିବେ। ତେବେ ଏପରି କିଛି ଫଳ ଅଛି ଯାହା ଆମ ଶରୀରକୁ ରୋଗରୁ ଦୁରେଇ ରଖିଥାନ୍ତି । ତେବେ ଆସନ୍ତୁ ଜାଣିବା ଏପରି ଖିଛି ଫଳଗୁଡ଼ିକ ବିଷୟରେ ଯାହା ଆମ ଶରୀର ପାଇଁ ନିତ୍ୟାନ୍ତ ଆବଶ୍ୟକ…
ନାଲି ଅଙ୍ଗୁର
ଆମେମାନେ ବିଭିନ୍ନ ପ୍ରକାରର ଅଙ୍ଗୁର ଦେଖିଛେ । ବିଭିନ୍ନ ରଙ୍ଗର ଯଥା ସବୁଜ, ନାଲି ଏବଂ ବାଇଗଣୀ ଅଙ୍ଗୁର ମଧ୍ୟ ଦେଖିଛେ। କିନ୍ତୁ ଲାଲ୍ ଅଙ୍ଗୁରରେ ଭିଟାମିନ୍ ସି, ଭିଟାମିନ୍ ଏ, ଭିଟାମିନ୍ ବି୬, ଭିଟାମିନ୍ କେ, ଫୋଲେଟ୍, ଜିଙ୍କ, ତମ୍ବା, ପୋଟାସିୟମ୍, ମାଙ୍ଗାନିଜ୍ ଏବଂ କ୍ୟାଲସିୟମ୍ ଭରପୂର ପରିମାଣରେ ଥାଏ । ନାଲି ଅଙ୍ଗୁର ଖାଇଲେ ଆମ ଶରୀରରେ ରୋଗ ପ୍ରତିରୋଧକ ଶକ୍ତି ବଢିଥାଏ। ଚର୍ମ ସୁସ୍ଥ ରହିବା ସହ ଓଜନ ନିୟନ୍ତ୍ରଣ କରିବାରେ ମଧ୍ୟ ସହାୟକ ହୋଇଥାଏ । ମଧୁମେହ ରୋଗୀଙ୍କ ପାଇଁ ଏକ ଉତ୍ତମ ବିକଳ୍ପ ହେଇଛି ଏହି ଅଙ୍ଗୁର । ଉଚ୍ଚ ରକ୍ତଚାପକୁ ନିୟନ୍ତ୍ରଣ କରେ ଏହି ଲାଲ୍ ଅଙ୍ଗୁର ।
ମୌସମ୍ବି
ସମସ୍ତେ ଜାଣନ୍ତି ଯେ ମୋସାମ୍ବିରେ ଭିଟାମିନ୍ ସି ଭରପୂର ଥାଏ। ଏହାକୁ ଖାଇବା ଦ୍ୱାରା, ଆପଣ ଅନେକ ସମସ୍ୟାରୁ ମୁକ୍ତି ପାଇଥା’ନ୍ତି ଯେପରିକି କେଶ ଝଡ଼ିବା, ଡାଣ୍ଡ୍ରଫ୍, ବିଭାଜିତ କେଶ, ଶୁଖିଲା ଓଠର ସମସ୍ୟା, ମୁହଁରେ କଳା ଦାଗ ଇତ୍ୟାଦି । ୟୁରିକ୍ ଏସିଡ୍ ହ୍ରାସ କରିବାରେ ମଧ୍ୟ ଏହା ସାହାଯ୍ୟ କରିଥାଏ। ଓଜନ ହ୍ରାସ କରିବା, କର୍କଟ ରୋଗରୁ ରକ୍ଷା କରିଥାଏ ମୌସମ୍ବି ।
ଆମ୍ବ
ଆମ୍ବ ଫଳର ରାଜା ଭାବରେ ମଧ୍ୟ ଜଣାଶୁଣା । ଏଥିରେ ଫାଇବର, ଫୋଲେଟ୍, ବିଟା କିରାଟିନ୍, ଆଇରନ୍, ଭିଟାମିନ୍ ଏ ଏବଂ ସି ଏବଂ କ୍ୟାଲସିୟମ୍, ଜିଙ୍କ ଏବଂ ଭିଟାମିନ୍ ଇ ଭରପୂର ପରିମାଣରେ ଥାଏ । ଆମ୍ବ ଖାଇବା ଦ୍ୱାରା ଆମ ଶରୀରକୁ ଅନେକ ଲାଭ ମିଳିଥାଏ, ଯେପରିକି ଏହା ରକ୍ତଚାପକୁ ନିୟନ୍ତ୍ରଣ କରିଥାଏ, ଓଜନ ହ୍ରାସ କରିଥାଏ, ହୃଦୟକୁ ସୁସ୍ଥ ରଖେ, ଚର୍ମକୁ ସଫା ରଖେ, ରୋଗ ପ୍ରତିରୋଧକ ଶକ୍ତି ବଢାଇଥାଏ।
ଲିଚୁ
ଲିଚି ଜଳର ଏକ ଭଲ ଉତ୍ସ ଭାବରେ ବିବେଚନା କରାଯାଏ। ଏଥିରେ ଭିଟାମିନ୍ ସି, ଭିଟାମିନ୍ ବି୬, ନିୟାସିନ୍, ରିବୋଫ୍ଲାଭିନ୍, ଫୋଲେଟ୍, ତମ୍ବା, ପୋଟାସିୟମ୍, ଫସଫରସ୍, ମ୍ୟାଗ୍ନେସିୟମ୍ ଏବଂ ମାଙ୍ଗାନିଜ୍ ପ୍ରଚୁର ପରିମାଣରେ ମିଳିଥାଏ, ଯାହା ଶରୀରକୁ ଥଣ୍ଡା କରିବା ପାଇଁ କାମ କରିଥାଏ। ଲିଚୁ ଖାଇବା ଦ୍ୱାରା ରୋଗ ପ୍ରତିରୋଧକ ଶକ୍ତି ଦୃଢ ହୁଏ। ଏହା ସହିତ ଏହା ହୃଦୟକୁ ସୁସ୍ଥ ରଖିବାରେ ସାହାଯ୍ୟ କରିଥାଏ, ଶରୀରକୁ ଡିହାଇଡ୍ରେସନରୁ ରକ୍ଷା କରିଥାଏ। ପକ୍ଷାଘାତ ରୋଗର ଆଶଙ୍କା ହ୍ରାସ କରିଥାଏ, ଓଜନ ହ୍ରାସ କରିଥାଏ, ହଜମ ପ୍ରକ୍ରିୟାକୁ ମଜବୁତ କରିଥାଏ, ଚର୍ମର ଚମକ ବଜାୟ ରଖେ।
ତରଭୁଜ
ତରଭୁଜ ମଧ୍ୟ ଶରୀର ପାଇଁ ଉତ୍ତମ ଫଳ ଭାବେ ପରିଗଣିତ କରାଯାଏ ଏବଂ ଏଥିରେ ପ୍ରାୟ ୯୫ ପ୍ରତିଶତ ଜଳ, ଭିଟାମିନ୍ ଏବଂ ମିନେରାଲ୍ସ ରହିଥାଏ। ଯାହା ଶରୀର ପାଇଁ ବେଶ ଲାଭଦାୟକ ସାବ୍ୟସ୍ତ ହୋଇଥାଏ। ତରଭୁଜ ଖାଇବା ଦ୍ଵାରା ରୋଗ ପ୍ରତିରୋଧକ ଶକ୍ତି ବଢିଥାଏ। କିଡନୀ ପଥର ସମସ୍ୟାରୁ ମୁକ୍ତି ଦେବା ସହ ଆଖି ପାଇଁ ବେଶ୍ ଉପକାରୀ ତରଭୁଜ।