ପୁରୀ: ପୁରୀ କଂଗ୍ରେସ ଭବନରେ ସୋମବାର ଦିନ ୨ ଗୋଷ୍ଠୀ ମଧ୍ୟରେ ସଂଘର୍ଷ ଘଟି ୩ ଜଣ କଂଗ୍ରେସ କର୍ମୀ ଆହତ ହୋଇଛନ୍ତି ।
ଓଡ଼ିଶା କଂଗ୍ରେସ ପ୍ରଭାରୀ ଜିତେନ୍ଦ୍ର ପ୍ରସାଦ, ପ୍ରଦେଶ କଂଗ୍ରେସ କମିଟି ସଭାପତି ନିରଞ୍ଜନ ପଟ୍ଟନାୟକ ଏବଂ ପୂର୍ବତନ ସାଂସଦ ପ୍ରଦୀପ ମାଝୀଙ୍କ ଉପସ୍ଥିତିରେ ଏହି ଘଟଣା ଘଟିଛି ।
ମିଳିଥିବା ସୂଚନାନୁଯାୟୀ, କଂଗ୍ରେସ ପ୍ରଭାରୀ ଓ ପିସିସି ସଭାପତି ଦଳୀୟ ଅଫିସ ମଧ୍ୟକୁ ପ୍ରବେଶ କରୁଥିବା ବେଳେ ଏହି ହିଂସାକାଣ୍ଡ ଘଟିଥିଲା । କିଛି ଦୁର୍ବୃତ୍ତ ଲୁହା ରଡ଼ ଏବଂ ଧାରୁଆ ଅସ୍ତ୍ର ସାହାଯ୍ୟରେ ଆକ୍ରମଣ କରିଥିଲେ ।
ଆହତ କର୍ମୀମାନଙ୍କୁ ପୁରୀ ସଦର ହସ୍ପିଟାଲକୁ ଚିକିତ୍ସା ନିମନ୍ତେ ପଠାଇ ଦିଆଯାଇଥିବା ବେଳେ ସେମାନଙ୍କ ମଧ୍ୟରୁ ଜଣେ ବ୍ୟକ୍ତିଙ୍କ ଅବସ୍ଥା ଗୁରୁତର ରହିଥିବା ସୂଚନା ମିଳିଛି ।
ଆହତ କଂଗ୍ରେସ କର୍ମୀମାନେ ହେଲେ, ସ୍ୱପ୍ନଜିତ ରାୟ, ଆଲୋକ ଦାସ ଏବଂ ଆଶୁତୋଷ ମିଶ୍ର । ସମସ୍ତ ଆହତ ବ୍ୟକ୍ତିମାନଙ୍କ ଶରୀରର ବିଭିନ୍ନ ସ୍ଥାନରେ କ୍ଷତ ହେବା ସହିତ ଆଶୁତୋଷଙ୍କ ଅବସ୍ଥା ସଙ୍କଟାପନ୍ନ ରହିଛି ।
ଘଟଣା ସମ୍ପର୍କରେ ଖବର ପାଇ କୁମ୍ଭାରପଡ଼ା ପୋଲିସ କଂଗ୍ରେସ ଭବନରେ ପହଞ୍ଚି ଜଣେ ଯୁବକଙ୍କୁ ଥାନାରେ ଅଟକ ରଖିବା ସହିତ ତାଙ୍କଠାରୁ ଏକ ଲୁହା ରଡ଼ ଜବତ କରିଛି ।
Comments are closed.