ଭୁବନେଶ୍ୱର : କମିଶନରେଟ ପୋଲିସ ଶନିବାର ରାତିରେ ୩ଟି ଡ୍ୟାନ୍ସ ବାର ଉପରେ ଅତର୍କିତ ଭାବରେ ଚଢଉ କରିଛି ।
ଏହି ଚଢଉ କରି କମିଶନରେଟ ପୋଲିସ ୩ ଜଣ ଯୁବତୀଙ୍କୁ ଏହି ଡ୍ୟାନ୍ସ ବାର ମଧ୍ୟରୁ ଉଦ୍ଧାର କରିଛି ।
ମିଳିଥିବା ସୂତ୍ର ଅନୁଯାୟୀ, ଏକାସଙ୍ଗରେ ପୋଲିସ ୨ଟି ଚଢଉ କଟକ ରୋଡ଼ରେ ଏବଂ ବାପୁଜୀ ନଗରରେ ଅନ୍ୟ ଡ୍ୟାନ୍ସ ବାର ଉପରେ ଏହିପରି ଗୋଟିଏ ରାତିରେ ୩ଟି ଚଢଉ କରିଛି କମିଶନରେଟ ପୋଲିସ ।
ଏହି ଡ୍ୟାନ୍ସ ବାର ଗୁଡ଼ିକ ବିନା ଲାଇସେନ୍ସରେ ଅବାଧ ଭାବେ ଚାଲୁଥିବାର ପୋଲିସ ସୂତ୍ରରୁ ପ୍ରକାଶ ।
ତେବେ ଶନିବାର ସକାଳେ ଗଣମାଧ୍ୟମକୁ ସମ୍ୟକ ସୂଚନା ଦେଇ ପୋଲିସ କମିଶନର ସତ୍ୟଜିତ ମହାନ୍ତି କହିଥିଲେ, ଭୁବନେଶ୍ୱରେ ଚାଲୁଥିବା ବିନା ଲାଇସେନ୍ସ ଓ ବେଆଇନ ଭାବେ ଚାଲୁଥିବା ଡ୍ୟାନ୍ସ ବାର ଉପରେ ଘନଘନ ଚଢଉ କରିବ ।
ଯେଉଁ ବାର୍ ଗୁଡ଼ିକ ଆଇନ ଉଲଂଘନ କରି ଡ ଡ୍ୟାନ୍ସ ବାର ଚଳାଉଛନ୍ତି ସେହି ବାର୍ ଉପରେ ପୋଲିସ ଚଢଉ କରିବ ବୋଲି ପୋଲିସ କମିଶନର ସୂଚନା ଦେଇଥିଲେ ।
ସୂଚନାଯୋଗ୍ୟ, ଶୁକ୍ରବାର ରାତିରେ ଖାରବେଳ ନଗରର ଏକ ଡ୍ୟାନ୍ସ ବାର ଉପରେ ଚଢଉ କରି ପୋଲିସ ବିଳମ୍ବିତ ରାତିରେ ୧୦ ଜଣ ଯୁବତୀଙ୍କୁ ଉଦ୍ଧାର କରିଥିଲା ।
ତେବେ ପୋଲିସର ପ୍ରାଥମିକ ତଦନ୍ତରୁ ଜଣାପଡ଼ିଛି ଯେ, ଏହି ଡ୍ୟାନ୍ସ ବାର ଗୁଡ଼ିକ ବିନା ଲାଇସେନ୍ସରେ ଅନେକ ଦିନରୁ ବେଆଇନ ଭାବେ ଚାଲୁଥିଲା ।