ନୂଆଦିଲ୍ଲୀ: ଭାରତୀୟ ବାୟୁସେନା ଏହାର ଶକ୍ତି ବୃଦ୍ଧି କରିବାକୁ ଯାଉଛି। ଆଜି ଆଉ ତିନୋଟି ରାଫେଲ ଯୁଦ୍ଧ ବିମାନ ଭାରତ ପହଞ୍ଚିବ। ସୂଚନା ଅନୁଯାୟୀ, ଆଜି ସନ୍ଧ୍ୟାରେ ତିନୋଟି ରାଫେଲ ଯୁଦ୍ଧ ବିମାନ ଅମ୍ବାଲା ଏୟାରବେସରେ ଅବତରଣ କରିବ। ଏହି ତିନିଟି ବିମାନ ସାତ ହଜାର କିଲୋମିଟର ଦୂରତା ଦେଇ ଫ୍ରାନ୍ସରୁ ଭାରତରେ ପହଞ୍ଚିବ।
ୟୁଏଇରେ ବିମାନ ଉଡ଼ାଣ ସମୟରେ ଆକାଶରେ ହିଁ ଏହି ବିମାନଗୁଡ଼ିକ ଇନ୍ଧନ ଭର୍ତ୍ତି ହେବ। ଉଲ୍ଲେଖ ଥାଉ କି, ଫ୍ରାନ୍ସ ଏବଂ ଭାରତ ମଧ୍ୟରେ ୩୬ଟି ରାଫେଲ ବିମାନ ସ୍ୱାକ୍ଷରିତ ହୋଇଛି। ସେଥିମଧ୍ୟରୁ ୨୧ଟି ଭାରତକୁ ହସ୍ତାନ୍ତର କରାଯାଇଛି। କିନ୍ତୁ ଏପର୍ଯ୍ୟନ୍ତ କେବଳ ୧୧ ଟି ବିମାନ ଭାରତରେ ପହଞ୍ଚିଛି।
ଆଜି ଭାରତକୁ ଆସୁଥିବା ତିନୋଟି ବିମାନ ବ୍ୟତୀତ ଏପ୍ରିଲ ଶେଷ ସୁଦ୍ଧା ଆଉ ପାଞ୍ଚଟି ରାଫେଲ ଜେଟ ଭାରତରେ ପହଞ୍ଚିବ। ଏଥି ସହିତ, ୨୦୨୨ ସୁଦ୍ଧା ସମସ୍ତ ୩୬ ଟି ବିମାନ ଭାରତକୁ ବିତରଣ କରାଯିବ। ଏପ୍ରିଲ୍ ଶେଷ ସୁଦ୍ଧା ଅନ୍ୟ ୫ ଟି ବିମାନ ବିତରଣ କରାଯିବାର ଯୋଜନା ରହିଛି।