ମୁମ୍ବାଇ: ଟାଇଗର ଶ୍ରଫଙ୍କ ବାଗୀ ୪ର ରିଲିଜ ତାରିଖ ଘୋଷଣା ହୋଇଛି । ଫିଲ୍ମର ଫାଷ୍ଟ ଲୁକ ଜାରୀ କରାଯିବ ସହ ପ୍ରଡ୍ୟୁସର ସାଜିଦ ନାଡିୟାଡୱାଲା ଏହା ୫ ସେପ୍ଟମ୍ବର ୨୦୨୫ ରିଲିଜ ହେବ ବୋଲି କହିଛନ୍ତି । ନୂଆ ପୋଷ୍ଟରରେ ଟାଇଗରଙ୍କୁ ସମ୍ପୂର୍ଣ୍ଣ ଏକ ଭିନ୍ନ ରୂପରେ ଦର୍ଶକ ଦେଖିବାକୁ ପାଇବେ । ଏ.ହର୍ଷ ଏହି ଫିଲ୍ମର ନିର୍ଦ୍ଦେଶନା ଦେବେ । ଆକ୍ସନ ଓ ରୋମାଂଚରେ ପରିପୂର୍ଣ୍ଣ ବାଗୀ ଫିଲ୍ମ ସର୍ବଦା ଦର୍ଶକଙ୍କୁ ପସନ୍ଦ ଆସିଛି । ଏ ପର୍ଯ୍ୟନ୍ତ ବାଗୀ ଫ୍ରାଂଚାଇଜ ୫୦୦ କୋଟିରୁ ଊର୍ଦ୍ଧ୍ୱ ଆୟ କରି ସାରିଛି । ନାଡିୟାଡୱାଲା ଗ୍ରାଣ୍ଡସନ ଏଂଟରଟେନେମେଂଟ ଆଗାମୀ ଦିନରେ ୭୫ ବର୍ଷ ପୂରଣ କରିବାକୁ ଯାଉଛି ।
ଏହି ବ୍ୟାନର ତଳେ ଏବେ ସଲମାନ ଖାଁଙ୍କ ସିକନ୍ଦର, ହାଉସଫୁଲ ୫, ଶାହୀଦ କାପୁର ଓ ତୃପ୍ତି ଡିମରୀଙ୍କ ସହ ବିଶାଳ ଭରଦ୍ୱାଜଙ୍କ ଫିଲ୍ମ ଓ ବାଗୀ ୪ ନିର୍ମିତ ହେଉଛି । ଦର୍ଶକଙ୍କୁ ମନୋରଞ୍ଜନ କରିବା ଆମ ବ୍ୟାନରର ମୂଖ୍ୟ ଉଦ୍ଦେଶ୍ୟ ବୋଲି ମେକର୍ସଙ୍କ ପକ୍ଷରୁ ଘୋଷଣା କରାଯାଇଛି । ବାଗୀ ଫିଲ୍ମ ମାଧ୍ୟମରେ ଟାଇଗର ରାତାରାତି ଷ୍ଟାର ପାଲଟିଥିଲେ । ସେବେଠାରୁ ସେ ଜଣେ ଆକ୍ସନ ହୀରୋ ଭାବେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରି ପାରିଛନ୍ତି ।