ନୂଆଦିଲ୍ଲୀ: ମୁସଲିମ ମହିଳାଙ୍କୁ ଟାର୍ଗେଟ କରୁଥିବା ‘ସୁଲି ଡିଲ୍ସ’ ଆପର ମାଷ୍ଟରମାଇଣ୍ଡ ଅମ୍କାରେଶ୍ୱର ଠାକୁରଙ୍କୁ ଇନ୍ଦୋରରୁ ଦିଲ୍ଲୀ ପୋଲିସ ଗିରଫ କରିଛି। ସେ ମୁସଲିମ ମହିଳାମାନଙ୍କୁ ଟ୍ରୋଲ କରିବା ପାଇଁ ଟ୍ୱିଟରରେ ସୃଷ୍ଟି ହୋଇଥିବା ଗ୍ରୁପ୍ର ସଦସ୍ୟ ଥିଲେ। ପ୍ରାଥମିକ ପଚରାଉଚରା ବେଳେ ସେ ସ୍ବୀକାର କରିଛନ୍ତି ଯେ ସେ ଟ୍ୱିଟରରେ ମୁସ୍ଲିମ୍ ମହିଳାଙ୍କ ଫଟୋକୁ ଅପବ୍ୟବହାର କରି ଏହାକୁ ନିଲାମ କରାଯାଉଥିବା କାର୍ଯ୍ୟରେ ଲିପ୍ତ ଅଛନ୍ତି।
ବାସ୍ତବରେ, ଦିଲ୍ଲୀ ପୋଲିସ୍ ସ୍ପେଶାଲ୍ ସେଲ୍ର ଇଣ୍ଟେଲିଜେନ୍ସ ଫ୍ୟୁଜନ୍ ସୂଚାଇ ଦେଇଛନ୍ତି ଯେ ଅମ୍କାରେଶ୍ୱର ଠାକୁର GitHubରେ ଏକ କୋଡ୍ ପ୍ରସ୍ତୁତ କରିଛନ୍ତି। ଏହା GitHub ଗୋଷ୍ଠୀର ସମସ୍ତ ସଦସ୍ୟଙ୍କ ପାଇଁ ଉପଲବ୍ଧ ଥିଲା। ସେ ନିଜ ଟ୍ୱିଟର ଆକାଉଣ୍ଟରେ ଏହି ଆପ୍ ସେୟାର କରିଛନ୍ତି। ଏକ ନିର୍ଦ୍ଦିଷ୍ଟ ଧର୍ମର ମହିଳାମାନଙ୍କର ଫଟୋ ଗ୍ରୁପ୍ ସଦସ୍ୟଙ୍କ ଦ୍ୱାରା ଅପଲୋଡ୍ କରାଯାଇଥିଲା। ବର୍ତ୍ତମାନ ତାଙ୍କୁ ପଚରାଉଚରା କରୁଛି ପୋଲିସ।