ଭବାନୀପାଟଣା: ଧାନ ମଣ୍ଡିରେ ଅବ୍ୟବସ୍ଥା ଓ କଟନୀ ଛଟନୀ ପ୍ରତିବାଦରେ ଆଜି ୧୨ ଘଣ୍ଟିଆ ଭବାନୀପାଟଣା ବନ୍ଦ ପାଳନ କରୁଛି କଂଗ୍ରେସ । ଭବାନୀପାଟଣା ଓ କେସିଙ୍ଗାରେ ବନ୍ଦର ପ୍ରଭାବ ଦେଖିବାକୁ ମିଳିଛି । ବନ୍ଦ ଯୋଗୁଁ ସମସ୍ତ ଦୋକାନ ବଜାର, ଗାଡ଼ି ଚଳାଚଳ ସରକାରୀ ଓ ବେସରକାରୀ ଅଫିସ ବି ବନ୍ଦ ରହିଛି । ଛକ ମାନଙ୍କରେ ପିକେଟିଂ କରୁଛନ୍ତି କଂଗ୍ରେସ କର୍ମୀ ।
ବରଗଡ଼-ବୋରିଗୁମା ଜାତୀୟ ରାଜପଥ ୨୬ କୁ କେସିଙ୍ଗା ଓ ଉତ୍କେଲା ନିକଟରେ ଏବଂ ଭବାନୀପାଟଣା-ରାୟପୁର ରାସ୍ତାକୁ ମଧ୍ୟ ବୋର୍ଡ଼ା ଓ କର୍ଲାପଡା ନିକଟରେ ଅବରୋଧ କରିଛନ୍ତି କଂଗ୍ରେସ କର୍ମୀ । ରାସ୍ତା ଉପରେ ଧାନ ବସ୍ତା ରଖି ଅବରୋଧ କରାଯାଉଛି । ଯାହାଫଳରେ ଗାଡି ଚଳାଚଳ ସମ୍ପୂର୍ଣ୍ଣ ଭାବେ ଠପ୍ ହୋଇପଡିଛି ।
ମଣ୍ଡି ବ୍ୟବସ୍ଥାକୁ ସଜାଡ଼ିବା ସହିତ ତୁରନ୍ତ ଚାଷୀଙ୍କୁ ସବୁ ସୁବିଧା ଯୋଗାଇ ଦେବାକୁ ଦାବି କରିଛି କଂଗ୍ରେସ । ଯଦି ସମସ୍ୟାର ସମାଧାନ ନହୁଏ, ତାହେଲେ ଆଗକୁ ଆନ୍ଦୋଳନ ଜୋରଦାର କରିବାକୁ ଚେତାବନୀ ଦେଇଛି ଦଳ ।