ପୁରୀ: ପୁରୀରେ ପର୍ଯ୍ୟଟକଙ୍କୁ ମାଡ଼ ଅଭିଯୋଗ। ପୁରୀ ବୁଲିବାକୁ ପଶ୍ଚିମବଙ୍ଗର ଏକ ଦମ୍ପତ୍ତି ଆକ୍ରମଣର ଶିକାର ହୋଇଥିବା ସୂଚନା ମିଳିଛି।
ମିଳିଥିବା ସୂଚନାନୁସାରେ, ପଶ୍ଚିମବଙ୍ଗର ଏହି ଦମ୍ପତ୍ତି ରସିଦ ନେଇ ହରିହର ଛକରୁ ଵସ୍ ଯୋଗେ ଚିଲିକା ଯାଇଥିଲେ। ତେବେ ଫେରିବା ସମୟରେ ସେମାନଙ୍କୁ ଅର୍ବାନ ହାଟ ସମ୍ମୁଖରେ ବସ୍ ଡ୍ରାଇଭର ସେମାନଙ୍କୁ ଓଲ୍ହାଇ ଦେଇଥିଲେ। ଏହାକୁ ନେଇ ବସ ଡ୍ରାଇଭର ଏବଂ ପର୍ଯ୍ୟଟକଙ୍କ ଭିତରେ ଯୁକ୍ତିତର୍କ ଲାଗିଥିଲା। ଡ୍ରାଇଭର ଅମାନବୀୟ ଭାବେ ଏହି ଦମ୍ପତ୍ତିଙ୍କୁ ମାଡ଼ ମାରିଥିବା ଅଭିଯୋଗ ହୋଇଛି।
ତେବେ ସ୍ଥାନୀୟ ଲୋକ ଏନେଇ ପୋଲିସକୁ ସୂଚନା ଦେବା ପରେ ପିସିଆର ଓ ପୋଲିସ ପହଁଚି ଆକ୍ରମଣର ଶିକାର ପର୍ଯ୍ୟଟକ ଦାମ୍ପତ୍ତିଙ୍କୁ ଉଦ୍ଧାର କରି ସଦର ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଇଥିବା ସୂଚନା ମିଳିଛି।
Comments are closed.