ଯୋଡା : କେନ୍ଦୁଝର ଜିଲ୍ଲା ଯୋଡ଼ାସ୍ଥିତ ଖଣ୍ଡବନ୍ଧ ଖଣି ନିକଟରେ ମଙ୍ଗଳବାର ରାତିରେ ଏକ ଷ୍ଟାଫ ବସ୍ ଓଲଟି ପଡିବାରୁ ଟାଟା ଷ୍ଟିଲ କମ୍ପାନୀ (ଟିପିଏଲ)ର ୨୦ ରୁ ଅଧିକ କର୍ମଚାରୀ ଆହତ ହୋଇଛନ୍ତି ।
ମିଳିଥିବା ସୂଚନାନୁଯାୟୀ କର୍ମଚାରୀମାନେ କମ୍ପାନୀ ବସରେ ଯୋଡା ଯାଉଥିବାବେଳେ କୌଣସିକାରଣବଶତଃ ଡ୍ରାଇଭର ଜଣକ ଗାଡିର ନିୟନ୍ତ୍ରଣ ହରାଇବାରୁ ବସଟି ଓଲଟି ପଡିଥିଲା । ଫଳରେ କର୍ମଚାରୀ ମାନଙ୍କ ମଧ୍ୟରୁ ପ୍ରାୟ ୨୦ ରୁ ଅଧିକ ଆହତ ହୋଇଥିବା ବେଳେ ୫ ରୁ ଅଧିକ ଗୁରୁତର ହୋଇଥିବା ନେଇ ଜଣାପଡିଛି ।
ଦୁର୍ଘଟଣା ସମ୍ପକରେ ଖବର ପାଇ ସ୍ଥାନୀୟଲୋକମାନେ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ଉଦ୍ଧାର କରିଥିଲେ । ସମସ୍ତ ଆହତମାନଙ୍କୁ ଚିକିତ୍ସା ନିମନ୍ତେ ଯୋଡ଼ା ଠାରେ ଥିବା ଟାଟା ଷ୍ଟିଲ ହସ୍ପିଟାଲ୍ ରେ ଭର୍ତ୍ତି କରାଯାଇଛି।
ଅନ୍ୟପକ୍ଷରେ ଓଭରଲୋଡ୍ କାରଣରୁ ବସଟି ଓଲଟି ପଡିଥିଲା ବୋଲି ସୁତ୍ରରୁ ପ୍ରକାଶ ।