ଢେଙ୍କାନାଳ: ଚାଷ ଜମିରେ ଟ୍ରାକ୍ଟର ଓଲଟି ଡ୍ରାଇଭର ମୃତ । ଏଭଳି ଘଟଣା ଘଟିଛି ଢେଙ୍କାନାଳ ଜିଲ୍ଲା କାମାକ୍ଷାନଗରରେ । ମୃତକ ଡ୍ରାଇଭର ହେଲେ କାମାକ୍ଷାନଗର ଥାନା ଅନ୍ତର୍ଗତ ବାଇସିଙ୍ଗା ଗ୍ରାମର ମହରଗା ସାହୁ ।
ସୂଚନାମୁତାବକ, ଆଜି ସକାଳେ ମହରଗା ଟ୍ରାକ୍ଟର ନେଇ ଚାଷ ଜମିକୁ ଯାଇଥିଲେ । ଜମିରେ ଚାଷ କରୁଥିବା ବେଳେ ଭାରସାମ୍ୟ ହରାଇ ଟ୍ରାକ୍ଟରଟି ଓଲଟି ପଡିଥିଲା । ଫଳରେ ଟ୍ରାକ୍ଟର ତଳେ ଚାପି ହୋଇ ଯାଇଥିଲେ ଡ୍ରାଇଭର ମହରଗା ସାହୁ । ଏହା ଦେଖି ସ୍ଥାନୀୟ ଲୋକେ ଦୌଡି ଆସି ମହରଗାଙ୍କୁ ଟ୍ରାକ୍ଟର ତଳୁ ବହୁ କଷ୍ଟରେ ଉଦ୍ଧାର କରି କାମାକ୍ଷାନଗର ମେଡିକାଲରେ ଭର୍ତ୍ତି କରିଥିଲେ । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ଖବରପାଇ କାମାକ୍ଷାନଗର ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି । ଘଟଣାସ୍ଥଳରୁ ଟ୍ରାକ୍ଟରଟିକୁ ଜବତ କରିବା ସହ ଅଧିକ ତଦନ୍ତ ଜାରି ରଖିଛି ପୋଲିସ ।
Comments are closed.