ରଥ ଯାତ୍ରା ପାଇଁ ଟ୍ରାଫିକ ଆଡଭାଇଜରି ଜାରି

ପୁରୀ: ବିଶ୍ବ ପ୍ରସିଦ୍ଧ ରଥଯାତ୍ରା ପାଇଁ ପୁରୀରେ ଲକ୍ଷ ଲକ୍ଷ ଭକ୍ତଙ୍କ ସମାଗମ ହେବ। ତେବେ ଏହି ପରିପ୍ରେକ୍ଷୀରେ ସୁଗମ ଯାନବାହାନ ଚଳାଚଳ ଏବଂ ପାର୍କିଂ ବ୍ୟବସ୍ଥା ନେଇ ମଙ୍ଗଳବାର ଦିନ ଟ୍ରାଫିକ ପରାମର୍ଶ ଜାରି କରିଛି ପୋଲିସ।

ବିଭିନ୍ନ ଦିଗରୁ ଆସୁଥିବା ଯାନବାହାନ ପାଇଁ ପୃଥକ ରୁଟ୍ ଏବଂ ପାର୍କିଂ ବ୍ୟବସ୍ଥା କରାଯାଉଅଛି। ତେବେ ବ୍ରହ୍ମଗିରି, ଭୁବନେଶ୍ୱର ଏବଂ କୋଣାର୍କ ପାଖରୁ ଆସୁଥିବା ଯାନବାହାନ ପାଇଁ ଟ୍ରାଫିକ ପରାମର୍ଶ ଜାରି କରାଯାଇଛି।

ସଟଲ ସେବା

ତାଳବଣିଆରୁ ଆସୁଥିବା ତିନି ଚକିଆ ଯାନଗୁଡ଼ିକ ୱାଟର ୱାର୍କ ରାସ୍ତା, ଓଡ଼ିଶା ବେକେରି ଏବଂ ରାମ ମନ୍ଦିର ଦେଇ ଘୋଡା ବଜାରକୁ ଯିବେ ଏବଂ ସେଠାରୁ ଯାତ୍ରୀମାନଙ୍କୁ ଛାଡ଼ିବା ପରେ ରାମ ମନ୍ଦିର, ଶ୍ରୀକ୍ଷେତ୍ର କଲୋନୀ ଏବଂ ମଙ୍ଗଳା ମନ୍ଦିର ଦେଇ ତାଳବଣିଆ ଫେରିବେ। ସେହିପରି ମାଳତୀପାଟପୁର ପାର୍ଶ୍ୱରୁ ଆସୁଥିବା ତିନି ଚକିଆ ଯାନଗୁଡ଼ିକୁ ବାଟଗାଁ ଛକ ଦେଇ ଅଠରନଳା ପର୍ଯ୍ୟନ୍ତ ଯାଇ ସେଠାରେ ଯାତ୍ରୀମାନଙ୍କୁ ଛାଡ଼ିବା ପରେ ସେହି ସମାନ ରୁଟ୍ ଦେଇ ପୁଣି ଫେରିବେ। ତେବେ ବ୍ରହ୍ମଗିରି ପାର୍ଶ୍ୱରୁ ଆସୁଥିବା ତିନି ଚକିଆ ଯାନଗୁଡ଼ିକୁ ମଙ୍ଗଳାଘାଟ ଦେଇ ଷ୍ଟର୍ଲିଂ ପର୍ଯ୍ୟନ୍ତ ପହଞ୍ଚି ପୁଣି ସେହି ସମାନ ରୁଟ୍ ଦେଇ ଫେରିବେ।

ପର୍ଯ୍ୟଟନ ବସ୍‌

ବ୍ରହ୍ମଗିରି ପାର୍ଶ୍ୱ: ବ୍ରହ୍ମଗିରି ପାର୍ଶ୍ୱରୁ ସମସ୍ତ ପର୍ଯ୍ୟଟନ ବସ୍‌କୁ ଫ୍ଲୋରିସ୍‌ ଇଣ୍ଡିଆ ପାର୍କିଂ ପର୍ଯ୍ୟନ୍ତ ଅନୁମତି ଦିଆଯିବା ସହ ଫେରିବା ରୁଟ ମଧ୍ୟ ସମାନ ରହିବ।

• ଭୁବନେଶ୍ୱର ପାର୍ଶ୍ୱ: ଭୁବନେଶ୍ୱରରୁ ଆସୁଥିବା ସମସ୍ତ ପର୍ଯ୍ୟଟନ ବସ୍‌କୁ ମାଳତୀପାଟପୁର ପାର୍କିଂ ପର୍ଯ୍ୟନ୍ତ ଅନୁମତି ଦିଆଯିବ।

କୋଣାର୍କ ପାର୍ଶ୍ୱ: କୋଣାର୍କ ପାର୍ଶ୍ୱରୁ ସମସ୍ତ ପର୍ଯ୍ୟଟନ ବସ୍‌କୁ ସ୍ୱାମୀ ନାରାୟଣ ମନ୍ଦିର ପାର୍କିଂ ପର୍ଯ୍ୟନ୍ତ ଅନୁମତି ଦିଆଯଵ।

ଦୁଇ ଚକିଆ ଯାନ

• ବ୍ରହ୍ମଗିରି ପାର୍ଶ୍ୱ: ବ୍ରହ୍ମଗିରି ପାର୍ଶ୍ୱରୁ ଦୁଇ ଚକିଆ ଯାନଗୁଡ଼ିକୁ ପୁରୁଣା ଜଗନ୍ନାଥ ବଲ୍ଲଭ ପାର୍କିଂ ମାଟିଟୋଟା ହେଲିପ୍ୟାଡ୍ ଗ୍ରାଉଣ୍ଡ ଏବଂ ମଙ୍ଗଳାଘାଟ ଦେଇ ମାଟିତୋଟା ପ୍ଲେ ଗ୍ରାଉଣ୍ଡ ପାର୍କିଂରେ ପହଞ୍ଚିବେ। ତେବେ ଯେଉଁମାନେ ପ୍ରଥମେ ଆସିବେ ସେମାନଙ୍କୁ ଆଗେ ପ୍ରାଥମିକତା ଦିଆଯାଇ ପୁରୁଣା ଜଗନ୍ନାଥ ବଲ୍ଲଭ ପାର୍କିଂ ପର୍ଯ୍ୟନ୍ତ ଅନୁମତି ଦିଆଯିବ ଓ ସେମାନେ ମଙ୍ଗଳାଘାଟ ଦେଇ ଫେରିବେ।

• ଭୁବନେଶ୍ୱର ପାର୍ଶ୍ୱ: ସେହିପରି ପୁରୁଣା ଜଗନ୍ନାଥ ବଲ୍ଲଭ ପାର୍କିଂ ମାଟିତୋଟା ହେଲିପ୍ୟାଡ୍ ଗ୍ରାଉଣ୍ଡ ଏବଂ ମାଟିତୋଟା ପ୍ଲେ ଗ୍ରାଉଣ୍ଡ ପାର୍କିଂ ମାଳତୀପାଟପୁର, ବାଟଗାଁ ଏବଂ ମଙ୍ଗଳାଘାଟ ଦେଇ ଯିବେ। ଯେଉଁମାନେ ଭୁବନେଶ୍ୱରରୁ ପ୍ରଥମେ ଆସିଥିବା ସେମାନଙ୍କୁ ପୁରୁଣା ଜଗନ୍ନାଥ ବଲ୍ଲଭ ପାର୍କିଂ ପର୍ଯ୍ୟନ୍ତ ଅନୁମତି ଦିଆଯିବ। ତେବେ ସେଠାରୁ ପୁରୁଣା JBPC ରେ ପାର୍କିଂ ହୋଇଥିବା ଯାନଗୁଡ଼ିକ ଜଟିଆବାବାଜୀ ଛକ, କୁମ୍ଭାରପଡ଼ା ପିଏସ୍ ଅଠରନଳା ଏବଂ ବାଟଗାଁ ଦେଇ ଫେରିବ।

• କୋଣାର୍କ ପାର୍ଶ୍ୱ: କୋଣାର୍କ ପାର୍ଶ୍ୱରୁ ଦୁଇ ଚକିଆ ଯାନଗୁଡ଼ିକୁ ବୈଦାସ ନଗର, ଗ୍ରୀଡ୍ ଷ୍ଟେସନ୍, ହେଲିପ୍ୟାଡ୍, ପେଠକଟା ଛକ, ସିଟି ରୋଡ୍ ଏବଂ ସୁବାଷ ବୋଷ ଛକ ଦେଇ ବ୍ଲୁ ଫ୍ଲାଗ ବିଚ୍ ଏବଂ ହୋଟେଲ ନୀଳାଚଳ ଅଶୋକ ପାର୍କିଂ ପର୍ଯ୍ୟନ୍ତ ଅନୁମତି ଦିଆଯିବ। ଏହି ଦୁଇ ଚକିଆ ଯାନଗୁଡ଼ିକ ସମାନ ରାସ୍ତାରେ ଫେରିବ। କିନ୍ତୁ ବୈଦାସ ନଗର ଛକରୁ କୌଣସି ଯାନକୁ ROB ରୋଡ୍ ବ୍ୟବହାର କରିବାକୁ ଅନୁମତି ଦିଆଯିବ ନାହିଁ।

ହାଲୁକା ମୋଟର ଯାନ

• ବ୍ରହ୍ମଗିରି ପାର୍ଶ୍ୱ: ବ୍ରହ୍ମଗିରିକୁ ଆସୁଥିବା ସମସ୍ତ ହାଲୁକା ମୋଟର ଯାନ ମଙ୍ଗଳାଘାଟ ଛକରୁ ଷ୍ଟର୍ଲିଂ ଛକକୁ ଯିବେ ଏବଂ ସେଠାରେ ନିର୍ଦ୍ଦିଷ୍ଟ ଯାନ ପାର୍କିଂ ଅଞ୍ଚଳ (ଷ୍ଟର୍ଲିଂ ପାର୍କିଂ) ରେ ସେମାନଙ୍କର ଯାନଗୁଡ଼ିକୁ ପାର୍କିଂ କରିବେ ଓ ସେହି ସମାନ ରାସ୍ତା ଦେଇ ବାହାରିବେ।

• ଭୁବନେଶ୍ୱର ପାର୍ଶ୍ୱ: ଭୁବନେଶ୍ୱର ଆସୁଥିବା ସମସ୍ତ ହାଲୁକା ମୋଟର ଯାନଗୁଡ଼ିକ ମାଳତୀପାଟପୁର ବ୍ରିଜ୍, ବୈଦାସ ନଗର ଛକ, ଗ୍ରୀଡ୍ ଷ୍ଟେସନ୍ ଛକ ଦେଇ ତାଳବଣିଆ ପାର୍ଶ୍ୱରେ ନିର୍ଦ୍ଦିଷ୍ଟ ପାର୍କିଂ ପଏଣ୍ଟକୁ ଯିବେ। ତାଳବଣିଆ ପାର୍ଶ୍ୱରେ ସେମାନେ ଯଥାକ୍ରମେ ବିଧାନସଭା ଅତିଥି ଭବନ, ଶିଳ୍ପ ତାଲିମ କେନ୍ଦ୍ର, ହେଲିପ୍ୟାଡ୍, ଇଣ୍ଡୋର ଷ୍ଟାଡିୟମ୍, ଉଦ୍ୟାନ କୃଷି ପ୍ରତିଷ୍ଠାନରେ ସେମାନଙ୍କର ଯାନଗୁଡ଼ିକ ପାର୍କିଂ କରିବେ। ସେଠାରୁ, ସେମାନେ PKRIT ଛକ, କେନ୍ଦ୍ରୀୟ ବିଦ୍ୟାଳୟ, ଭୂଦାନ ଛକ, ଗ୍ରୀଡ୍ ଷ୍ଟେସନ୍ ଭୂଦାନ ଛକ, ବାଲିଘାଟ ଭୂଦାନ ଛକ, ସମଙ୍ଗରା ଗ୍ରାମ ଏବଂ ବାଟଗାଁ ଭୂଦାନ ଛକ ଦେଇ ଭୁବନେଶ୍ୱର ଯିବେ।

• କୋଣାର୍କ ପାର୍ଶ୍ୱ: କୋଣାର୍କରୁ ଆସୁଥିବା ସମସ୍ତ ହାଲୁକା ମୋଟର ଯାନଗୁଡ଼ିକ ବୈଦାସ ନଗର ଛକ, ଗ୍ରୀଡ୍ ଷ୍ଟେସନ୍ ଏବଂ ତାଳବଣିଆ ଦେଇ ନିର୍ଦ୍ଦିଷ୍ଟ ଯାନ ପାର୍କିଂ ଅଞ୍ଚଳକୁ ଯିବେ। ତାଳବଣିଆରେ, ସେମାନେ ବିଧାନସଭା ଅତିଥି ଭବନ, ଶିଳ୍ପ ତାଲିମ କେନ୍ଦ୍ର, ହେଲିପ୍ୟାଡ୍, ଇଣ୍ଡୋର ଷ୍ଟାଡିୟମ୍, ଉଦ୍ୟାନ କୃଷି କ୍ଷେତ୍ର ଏବଂ ତାଜା ମାଛ ବଜାରରେ କ୍ରମାନୁସାରେ ସେମାନଙ୍କର ଯାନଗୁଡ଼ିକ ପାର୍କିଂ କରିବେ। ସେଠାରୁ ଫେରିବା ରାସ୍ତା ମଧ୍ୟ ସମାନ ରହିବ।