ଦେଶର ଦ୍ରୁତତମ ରେଳ ଭାବେ ଘୋଷିତ ହେଲା ‘ଟ୍ରେନ-୧୮’

ନୂଆଦିଲ୍ଲୀ : ଦେଶର ନିଜସ୍ୱ ଜ୍ଞାନକୌଶଳରେ ନିର୍ମିତ ଇଞ୍ଜିନ ବିହୀନ ‘ଟ୍ରେନ-୧୮’କୁ ଦେଶର ଦ୍ରୁତତମ ଟ୍ରେନ ଭାବେ ମଂଜୁରୀ ମିଳିଛି। ଏହି ଟ୍ରେନ ତାର ପ୍ରଥମ ଟ୍ରାଏଲ ରନ ସମୟୟରେ ଟ୍ରେନଟି ଘଣ୍ଟା ପ୍ରତି ୧୮୧ କିମି. ବେଗରେ ଗତି କରିଥିବା ନେଇ ରେକର୍ଡ କରାଯାଇଛି ।

କେନ୍ଦ୍ର ରେଳମନ୍ତ୍ରୀ ପୀୟୁଷ ଗୋୟଲ ନିଜର ଟୁଇଟର୍ ଆକାଉଣ୍ଟରେ ଚଳନ୍ତା ଟ୍ରେନର ଭିଡିଓ ସେୟାର କରିଛନ୍ତି।

Need for Speed: Train 18 seen cruising at a sustained 180Km/h, officially becoming the fastest train in India pic.twitter.com/2VNF1U3qrl

— Piyush Goyal (@PiyushGoyal) December 26, 2018

ଏନେଇ କେନ୍ଦ୍ର ରେଳମନ୍ତ୍ରୀ ପୀୟୁଷ ଗୋୟଲ ନିଜର ଟୁଇଟର୍ ଆକାଉଣ୍ଟରେ ଚଳନ୍ତା ଟ୍ରେନର ଭିଡିଓ ସେୟାର କରିଛନ୍ତି।

ଏହି ଟ୍ରେନ ୧୮ ମେକ ଇନ୍ ଇଣ୍ଡିଆ ଯୋଜନାନୁଯାୟୀ ଚେନ୍ନାଇସ୍ଥିତ ଇଣ୍ଟେଗ୍ରାଲ କୋଚ୍ ଫ୍ୟାର୍କ୍ଟି(ଆଇସିଏଫ)ରେ ନିର୍ମିତ ହୋଇଛି । ଏହି ଟ୍ରେନଟି ନିର୍ମିତ ହେବାକୁ ୧୮ମାସ ଲାଗିଥିବା ସ୍ଥଳେ ପ୍ରାୟ ୧୦୦କୋଟି ଟଙ୍କା ବ୍ୟୟ ହୋଇଛି । ଏହି ଟ୍ରେନ-୧୮ ଦୀର୍ଘ ୩୦ ବର୍ଷ ଧରି ଭାରତର ଦ୍ରୁତତମ ଟ୍ରେନ ଭାବେ ପରିଗଣିତ ହୋଇ ଆସୁଥିବା ଶତାବ୍ଦୀ ଏକ୍ସପ୍ରେସ ଟ୍ରେନର ସ୍ଥାନ ନିରୂପଣ କରିପାରିବ ।

ଏହି ସ୍ୱୟଂଚାଳିତ ଟ୍ରେନ ଚଳାଇବା ପାଇଁ କୌଣସି ଲୋକପାଇଲଟଙ୍କ ଆବଶ୍ୟକତା ପଡିନଥାଏ । ଏହା ଶତାବ୍ଦୀ ଏକ୍ସପ୍ରେସ ଟ୍ରେନ ଗୁଡିକ ତୁଳନାରେ ଏହି ଟ୍ରେନ ପ୍ରାୟ ୧୫ ପ୍ରତିଶତ ସମୟ ବଞ୍ଚାଇ ରଖିବାର କ୍ଷମତା ବହନ କରୁଛି ବୋଲି ରେଳ କର୍ତ୍ତୃପକ୍ଷ ଆଶା ପ୍ରକାଶ କରିଛନ୍ତି ।

ଶତାବ୍ଦୀ ଏକ୍ସପ୍ରେସ ଟ୍ରେନ ପରି ଏଥିରେ ମଧ୍ୟ ୧୪ଟି ଏସି ଚେୟାର କାର କୋଚ୍ ଏବଂ ୨ଟି ଏକଜ୍ୟୁକେଟିଭ କୋଚ୍ ରହିଛି । ଏଥିରେ ରହିଥିବା ଏକଜ୍ୟୁକେଟିଭ କୋଚରେ ୫୪ଟି ସିଟ୍ ଏବଂ ସାଧାରଣ ବଗିରେ ୭୮ଟି ସିଟ୍ ରହିବାର ବ୍ୟବସ୍ଥା ରହିଛି ।

ଏଥିରେ ସ୍ୱୟଂ ଚାଳିତ କବାଟ, ଉନ୍ନତମାନର ପାହାଚ, ସମ୍ପୂର୍ଣ୍ଣଭାବେ ବନ୍ଦ ଓ ଶୀତତାପ ନିୟନ୍ତ୍ରିତ, ଭିତରେ ଯାତାୟାତ ପାଇଁ ସୁବିଧା, ଲମ୍ବା ଝରକା, ବାୟୋ ଭାକ୍ୟୁମ ଟଏଲେଟ, ଆରାମଦାୟକ ବିଶ୍ୱସ୍ତରୀୟ ଚେୟାର କାର ଓ ସିସିଟିଭି ର ସୁବିଧା ମଧ୍ୟ ରହିଛି ।

ମିଳିଥିବା ସୂଚନା ଅନୁଯାୟୀ ଆସନ୍ତା ଡିସେମ୍ବର ୨୯ ତାରିଖରେ ଏହି ‘ଟ୍ରେନ-୧୮’ ନୂତନ ବାରଣାସୀ-ଦିଲ୍ଲୀ ଶତାବ୍ଦୀ ଏକ୍ସପ୍ରେସ ଭାବେ ଚଳାଚଳ କରିବାର ଆଶା ରହିଛି ।