ଭାରତୀୟ ଟ୍ରାନ୍ସଜେଣ୍ଡର ଦମ୍ପତ୍ତି ଏବେ ସାରା ବିଶ୍ୱରେ ଚର୍ଚ୍ଚାରେ ଅଛନ୍ତି । କାରଣ ହେଲା ସେମାନଙ୍କ ଭିତରୁ ଜଣେ ମାଆ ହେବାକୁ ଯାଉଛନ୍ତି । ନିଜ ଗର୍ଭରେ ସେମାନେ ପାଳିବେ ନିଜ ସନ୍ତାନକୁ । ଖବର ଅନୁସାରେ, ମାର୍ଚ୍ଚ ମାସରେ ସେମାନଙ୍କର ସନ୍ତାନ ପ୍ରସବ ହେବ । ଭାରତରେ ଟ୍ରାନ୍ସଜେଣ୍ଡର ସମ୍ପ୍ରଦାୟ ମଧ୍ୟରେ ଜଣେ ଗର୍ଭବତୀ ହେବା ଏହା ପ୍ରଥମ ଘଟଣା ବୋଲି କୁହାଯାଉଛି ।
କେରଳର କୋଝିିକୋଡ ନିବାସୀ ସାହାଦ ଏବଂ ଜିଆ ହେଉଛନ୍ତି ଟ୍ରାନ୍ସଜେଣ୍ଡର ଦମ୍ପତ୍ତି । ସାହଦଙ୍କୁ ୨୩ ବର୍ଷ ବୟସ ହୋଇଥିବା ବେଳେ ଜିଆଙ୍କୁ ୨୧ ବର୍ଷ । ସାହଦ ଜଣେ ଆକାଉଣ୍ଟାଣ୍ଟ ଭାବେ କାମ କରୁଥିବା ବେଳେ ଜିଆ ଜଣେ ଶାସ୍ତ୍ରୀୟ ନୃତ୍ୟ ଶିକ୍ଷକ । ଜିଆ କୁହନ୍ତି, ଯେତେବେଳେ ଆମେ ତିନି ବର୍ଷ ପୂର୍ବେ ଏକାଠି ରହିବା ଆରମ୍ଭ କରିଥିଲୁ, ସେତେବେଳେ ଆମେ ଭାବିଥିଲୁ ଆମ ଜୀବନ ଅନ୍ୟ ଟ୍ରାନ୍ସଜେଣ୍ଡରଙ୍କଠାରୁ ଭିନ୍ନ ହେବା ଉଚିତ୍ । ସାଧାରଣତଃ ଅଧିକାଂଶ ଟ୍ରାନ୍ସଜେଣ୍ଡର ଦମ୍ପତ୍ତି ସମାଜ ତଥା ସେମାନଙ୍କ ପରିବାର ଦ୍ୱାରା ଉପେକ୍ଷିତ ହୋଇଥାନ୍ତି । ପରିବାର ଓ ସମାଜ ନିତୀ ନିୟମକୁ ଡ଼ରି କିଛି ବି ପଦକ୍ଷେପ ନେବାକୁ ପଛାଇଥାନ୍ତି । କିନ୍ତୁ ବହୁ ଆଲୋଚନା ପରେ ଆମେ ସନ୍ତାନ ପ୍ରାପ୍ତି ପାଇଁ ନିଷ୍ପତ୍ତି ନେଲୁ ।
ସନ୍ତାନ ପ୍ରାପ୍ତି ପାଇଁ ନିଷ୍ପତ୍ତି ନେବା ପରେ ଉଭୟେ ପରିବର୍ତ୍ତନ ପ୍ରକ୍ରିୟାର ଏକ ଅଂଶ ଭାବରେ ହରମୋନ୍ ଥେରାପି ଆରମ୍ଭ କରିଥିଲେ । କିନ୍ତୁ ମାଆ ହେବାକୁ ଯାଉଥିବା ଓ ନିଜ ଗର୍ଭାଶୟରେ ସନ୍ତାନ ଧାରଣ କରିବାକୁ ଯାଉଥିବା ସାହାଦଙ୍କୁ ନିଜ ସ୍ତନକୁ ପରିବର୍ତ୍ତନ କରିବାକୁ ପଡ଼ିଲା । ଏହା ଥେରାପି ପ୍ରକ୍ରିୟାର ଏକ ଅଂଶ ହୋଇଥିବାରୁ ଏହାକୁ ହଟାଇବାକୁ ପଡ଼ିଲା । ଆସନ୍ତା ମାର୍ଚ୍ଚରେ ସାହାଦ ସନ୍ତାନ ପ୍ରସବ କରିବାକୁ ଯାଉଥିବା ବେଳେ ଏବେ ଶିଶୁଟି ସନ୍ତ୍ୟପାନ କରିବ କେମିତି ତାକୁ ନେଇ ଚର୍ଚ୍ଚା ଲାଗି ରହିଛି । ତେବେ କୋଝିକୋଡସ୍ଥିତ ସରକାରୀ ମେଡିକାଲ କଲେଜ ହସ୍ପିଟାଲରେ ସେ ଏବେ ଚିକିତ୍ସା ଜାରି ରଖିଛନ୍ତି । ଏଠାରେ ହିଁ ସେମାନଙ୍କ ମାନସ ସନ୍ତାନ ଜନ୍ମ ହେବ । ସାହାଦ ଉଭୟ ସ୍ତନକୁ ହଟାଇ ଦେଇଥିବାରୁୁ ମେଡିକାଲ କଲେଜରେ ସ୍ତନ୍ୟପାନ ବ୍ୟାଙ୍କରୁ ଶିଶୁକୁ ଖାଇବାକୁ ଦିଆଯିବ ବୋଲି ଚିକିତ୍ସା କରିଥିବା ଡ଼ାକ୍ତର କହିଛନ୍ତି ।
ରୋଚକ କଥା ହେଲା ସନ୍ତାନ ପ୍ରସବ ପରେ ପୁଣି ପୁରୁଷ ହେବେ ସାହାଦ । ଏଥିପାଇଁ ସେମାନେ ମାନସିକ ଭାବେ ପ୍ରସ୍ତୁତି ଆରମ୍ଭ କରିଛନ୍ତି । ଜିଆ କହିଛନ୍ତି, “ଟ୍ରାନ୍ସ ପୁରୁଷ ଏବଂ ଟ୍ରାନ୍ସ ମହିଳା ହେବା ପାଇଁ ଆମର ଯାତ୍ରା ଜାରି ରହିବ । ମୁଁ ମୋର ହରମୋନ୍ ଚିକିତ୍ସା ଜାରି ରଖିଛି । ପ୍ରସବ କରିବାର ଛଅ ମାସ କିମ୍ବା ଏକ ବର୍ଷ ପରେ ସାହାଦ ମଧ୍ୟ ଟ୍ରାନ୍ସ ମ୍ୟାନ୍ ହେବା ପାଇଁ ଚିକିତ୍ସା ଆରମ୍ଭ କରିବେ ।
BREAKING NEWS
- ୱାରେନ୍ ବଫେଟ୍ଙ୍କ ବଡ଼ ବଦାନ୍ୟତା: ୪ଟି ପାରିବାରିକ ଟ୍ରଷ୍ଟକୁ ଦାନ କଲେ ୫.୫ ବିଲିୟନ ଡଲାର
- ଓଡିଶାର ୨୦ ଛାତ୍ରଛାତ୍ରୀ ସିଙ୍ଗାପୁର ଫିନଟେକ୍ ଫେଷ୍ଟିଭାଲ୍ରେ ଦେବେ ଯୋଗ
- Cyclone ‘Akvan’:ସୃଷ୍ଟି ହେଲା ବାତ୍ୟା;ଏଥର ମଧ୍ୟ ଆନ୍ଧ୍ରରେ ଲ୍ୟାଣ୍ଡଫଲ
- ଆମେରିକା ନେତୃତ୍ୱାଧୀନ ଘୋଷଣାନାମାରେ ସ୍ୱାକ୍ଷର କଲା ଭାରତ, AI ସପ୍ଲାଏ ଚେନକୁ ସୁରକ୍ଷିତ ରଖିବା ଉଦ୍ଦେଶ୍ୟ
- କୋଟିଆରେ ଟିପିଏସ୍ଓଡିଏଲ୍ ତରଫରୁ ମାଗଣା ସ୍ୱାସ୍ଥ୍ୟ ପରୀକ୍ଷା ଓ ପରାମର୍ଶ ଶିବିର
- Bhaskar Rao Bail Rejected:ଏନ୍ ଭାସ୍କର ରାଓଙ୍କ ଜାମିନ ଆବେଦନ ଖାରଜ
- ଆମେରିକା କିମ୍ବା କାନାଡାରେ ଭାରତ ବିପକ୍ଷ ଟି-୨୦ ମ୍ୟାଚ୍ ଆୟୋଜନ କରିବ ୱେଷ୍ଟଇଣ୍ଡିଜ
- ସିଲେକ୍ଟର ଯେଉଁଠି ବସିଛନ୍ତି, ସେଇଠି ମାରିବାକୁ ହେବ: ସୂର୍ୟ୍ୟକୁମାର
- ବିଲକିସ୍ ବାନୋ ଗଣଦୁଷ୍କର୍ମ ଓ ହତ୍ୟା ମାମଲା; ୨ ଜଣ ଦୋଷୀଙ୍କୁ ଜାମିନ ପ୍ରଦାନ କଲେ ସୁପ୍ରିମକୋର୍ଟ
- ବିଶ୍ୱ ଟେଷ୍ଟ ଚାମ୍ପିୟନଶିପ ଆଶା ଏବଂ କୋଚ୍ ଗୌତମ ଗମ୍ଭୀରଙ୍କ ବିଶ୍ୱସନୀୟତା ବାଜିରେ
Comments are closed.