ତ୍ରିପୁରା ବିଧାନସଭା ନିର୍ବାଚନ: ପ୍ରଥମ ଥର ପାଇଁ ଭୋଟ ଦେଲେ ବ୍ରୁ ଜନଜାତି

ଅଗରତାଲା: ତ୍ରିପୁରା ବିଧାନସଭା ନିର୍ବାଚନ ପାଇଁ ମତଦାନ ଶେଷ ହୋଇଯାଇଛି । ଗୁରୁବାର ରାଜ୍ୟର ୬୦ଟି ବିଧାନସଭା ଆସନ ପାଇଁ ମତଦାନ ହୋଇଥିଲା । ମୋଟ ୩, ୩୩୭ ବୁଥରେ ମତଦାନ କରାଯାଇଥିବାବେଳେ ମତଦାନ ହାର ୮୧.୧ ପ୍ରତିଶତ ରହିଥିଲା । ତେବେ ୨୦୨୩ର ଏହି ପ୍ରଥମ ମତଦାନରେ ଏକ ନିଆରା କଥା ଦେଖିବାକୁ ମିଳିଛି । ପ୍ରଥମ ଥର ପାଇଁ ଏତର ବ୍ରୁ ଜନଜାତିର ଲୋକେ ମତଦାନ ସାବ୍ୟସ୍ତ କରିଛନ୍ତି ।
ଏହି ବ୍ରୁ ଜନଜାତି ସାଧାରଣତଃ ମିଜୋରାମରେ ରୁହନ୍ତି । ଏମାନଙ୍କ ମଧ୍ୟରୁ ଅଧିକାଂଶ ପରିବାର ମାମିତ ଏବଂ କୋଲାସିବ ଜିଲ୍ଲାରେ ରୁହନ୍ତି । ତେବେ ମିଜୋରାମ ଲୋକ ଏମାନଙ୍କୁ ବାହାର ଇଲାକାର ବୋଲି ଭାବୁଥିଲେ । ୧୯୯୫ ଆରମ୍ଭରେ ବ୍ରୁ ରିଆଙ୍ଗ ଏବଂ ବହୁ ସଂଖ୍ୟକ ମିଜୋ ସମୁଦାୟ ମଧ୍ୟରେ ମନାନ୍ତର ସୃଷ୍ଟି ହୋଇଥିଲା । ୧୯୯୬ରେ ଏହା ଦଙ୍ଗା ରୂପ ନେଇଥିଲା । ୧୯୯୭ରେ ଏହି ଜନଜାତିର ହଜାର ହଜାର ଲୋକ ମିଜୋରାମ ଛାଡି ଚାଲି ଆସି ତ୍ରିପୁରାରେ ଆଶ୍ରୟ ନେଇଥିଲେ । ଏବେ ତ୍ରିପୁରାର ୪ଟି ଜିଲ୍ଲାରେ ପାଖାପାଖି ୭ ହଜାର ବ୍ରୁ ପରିବାର ରହୁଛନ୍ତି ଏମାନଙ୍କ ମଧ୍ୟରେ ପ୍ରାୟ ୧୪ ହଜାର ଭୋଟର ଅଛନ୍ତି ।
୍ଣହଲେ ସେମାନଙ୍କର ମତଦାନ ଅଧିକାରନ ଥିଲା । ୨୬ ବର୍ଷ ଧରି ସଂଘର୍ଷ କରିବା ପରେ ସେମାନଙ୍କୁ ମତଦାନ ଅଧିକାର ମିଳିଛି । ଗତକାଳି ମତଦାନ କଲାବେଳେ ଏହି ଜନଜାତି ଲୋକମାନେ ବେଶ ଉତ୍ସାହିତ ଥିଲେ । ବହୁ ସଂଖ୍ୟକ ବ୍ରୁ ଜନଜାତି ଲୋକେ ଗତକାଲି ସେମାନଙ୍କର ମତଦାନ ସାବ୍ୟସ୍ତ କରିଛନ୍ତି ।
ଯାହା ବି ହେଉ, ବ୍ରୁ ଜନଜାତି ସେମାନଙ୍କର ମତଦାନ ଅଧିକାର ସାବ୍ୟସ୍ତ କରି ବହୁତ ଖୁସି । ମିଜୋରାମ ବ୍ରୁ ଡିସପ୍ଲେସଡ ପିପୁଲ ଫୋରମର ମହାସଚିବ ବ୍ରୁନୋ ମାସା ଭୋଟ ଦେବା ପରେ ଭାବୁକ ହୋଇ କହିଛନ୍ତି, ଆଜି ଆମ ଖୁସିକୁ ଶବ୍ଦରେ ବୟାନ କରିପାରିବୁ ନାହିଁ । ନିଜ ଦେଶରେ ସେମାନେ ଦୀର୍ଘ ୨୬ବର୍ଷ ଧରି ଶରଣାର୍ଥୀ ପରି ରହିବା ପରେ ଆଜି ଭୋଟ ଦେଇଛୁ । ଏଥିପାଇଁ ବହୁତ କଷ୍ଟ ସହିବାକୁ ପଡିଛି । ତଥାପି ଆମେ ସଂଘର୍ଷ କରି ଆସିଛୁ ।”