ଅଗରତାଲା: ପରିବେଶ ପାଇଁ ପ୍ଲାଷ୍ଟିକ ବିପଦପୂର୍ଣ୍ଣ । ତଥାପି ଆମେ ଦୈନନ୍ଦିନ ଜୀବନରେ ଖୁବ୍ ପ୍ଲାଷ୍ଟିକ ବ୍ୟବହାର କରି ଏଣେତେଣେ ଫୋପାଡ଼ି ଦେଉ । ଆଉ ଯାହାକି ସହଜରେ ନଷ୍ଟ ହୁଏନାହିଁ ବରଂ ପରିବେଶ ଦୂଷିତ କରେ । ଅଦରକାରୀ ବର୍ଜ୍ୟ ପ୍ଲାଷ୍ଟିକକୁ ନେଇ ନିଆରା ପଦକ୍ଷେପ ନେଇଛି ତ୍ରିପୁରା । ପରିବେଶକୁ ପ୍ଲାଷ୍ଟିକ ମୁକ୍ତ କରିବା ଲାଗି ବର୍ଜ୍ୟ ପ୍ଲାଷ୍ଟିକ ବ୍ୟବହାର କରି ସଡ଼କ ତିଆରି କରାଯାଇଥିବା ତ୍ରିପୁରା ମୁଖ୍ୟମନ୍ତ୍ରୀ ବିପ୍ଳବ କୁମାର ଦେବ କହିଛନ୍ତି ।
ପ୍ରଥମଥର ପାଇଁ ବର୍ଜ୍ୟ ପ୍ଲାଷ୍ଟିକକୁ ସଡ଼କ ତିଆରିରେ ବ୍ୟବହାର କରିଛି ତ୍ରିପୁରା । ଏନେଇ ମୁଖ୍ୟମନ୍ତ୍ରୀ ବିପ୍ଲବ କୁମାର କହିଛନ୍ତି- ‘ବର୍ଜ୍ୟ ପ୍ଲାଷ୍ଟିକକୁ ରିସାଇକେଲ କରି ୬୮୦ ମିଟର ରାସ୍ତା ନିର୍ମାଣରେ ବ୍ୟବହାର କରାଯାଇଛି । ଏଭଳି ପଦକ୍ଷେପ ତ୍ରିପୁରାରେ ପ୍ରଥମ ଥର ନିଆଯାଇଛି । ଯାହାକି ଉଦାହରଣ ସୃଷ୍ଟି କରିବ । ବର୍ଜ୍ୟ ପ୍ଲାଷ୍ଟିକକୁ ବ୍ୟବହାର କରି ଆମେ ଜନମଙ୍ଗଳ ପ୍ରକଳ୍ପ ନିର୍ମାଣ ସହ ପରିବେଶକୁ ପ୍ଲାଷ୍ଟିକ ମୁକ୍ତ କରିପାରିବା । ବର୍ଜ୍ୟ୍ୟ ପ୍ଲାଷ୍ଟିକରୁ ୬୮୦ ମିଟର ଲମ୍ବ ମହିଳା କଲେଜ ନିକଟ ବିକେ ରୋଡ୍ ତିଆରି ହୋଇଛି ।’
Agartala: A 680-metre road has been constructed using plastic waste, near Women's College.
"We've started using plastic waste in the construction of roads with an aim to reduce the waste and make the environment plastic-free, said Tripura CM Biplab Kumar Deb
(22.02.2021) pic.twitter.com/8n3Qu6bOMP
— ANI (@ANI) February 23, 2021
ବର୍ଜ୍ୟ ପ୍ଲାଷ୍ଟିକରୁ ରାସ୍ତା ନିର୍ମାଣ ନେଇ ସ୍ଥାନୀୟ ଜିଲ୍ଲାପାଳ କହିଛନ୍ତି- ‘ଅଗରତାଲା ସ୍ମାର୍ଟସିଟି ଲିମିଟେଡ୍ ସିଟି ମିଶନରେ ଏହା ହେଉଛି । ବିକେ ରୋଡରେ ବର୍ଜ୍ୟ ପ୍ଲାଷ୍ଟିକ ସହ ପିଚୁ ମିଶାଇ ରାସ୍ତ କରାଯାଇଛି । ୬୮୦ ମିଟର ରାସ୍ତା ପାଇଁ ପ୍ରାୟ ୭୦ ଲକ୍ଷ ଟ୍ରାଏଲ ବେସିସରେ ଖର୍ଚ୍ଚ କରାଯାଇଛି । ଆଗାମୀ ଦିନରେ ବର୍ଜ୍ୟ ପ୍ଲାଷ୍ଟିକକୁ ନେଇ ଅଧିକ ରାସ୍ତା ତିଆରି କରାଯିବ ।’
ସେ ଆହୁରି କହିଛନ୍ତି- ଅଗରତାଲା ମହାନଗର ନିଗମରୁ ଦୈନିକ ୧୯ ଟନ୍ ପ୍ଲାଷ୍ଟିକ ମିଳୁଛି । ଯାହାକୁ ନେଇ ଆମେ ନୂଆ ଉପାୟ ବାହାର କରିଛୁ । ତା’ଛଡ଼ା ବର୍ଜ୍ୟ ପ୍ଲାଷ୍ଟିକ ଓ ପିଚୁ ମିଶ୍ରଣରେ ନିର୍ମିତ ରାସ୍ତା ବିଶେଷକରି ବର୍ଷା ଦିନରେ ଜଳମଗ୍ନ ହେଇ ଯାଉଥିବା ଅଞ୍ଚଳ ପାଇଁ ପ୍ରଭାବଶାଳୀ ବୋଲି ସେ କହିଛନ୍ତି ।