ୱାଶିଂଟନ: ଭେନେଜୁଏଲା ଦଖଲ ପରେ ତୈଳ ଭଣ୍ଡାର କବଜା କଲା ଆମେରିକା। ୩୦-୫୦ ମିଲିୟନ ବ୍ୟାରେଲ ତୈଳ ବିକ୍ରି କରିବ ଆମେରିକା। ବଜାର ମୂଲ୍ୟରେ ବିକ୍ରି ତୈଳରୁ ଆସିଥିବା ଅର୍ଥ ଭେନେଜୁଏଲା ଏବଂ ଆମେରିକାବାସୀଙ୍କ ସ୍ୱାର୍ଥରେ ବିନିଯୋଗ ହେବ। ସୋସିଆଲ ମିଡିଆରେ ଉଲ୍ଲେଖ କଲେ ଡୋନାଲ ଟ୍ରମ୍ପ।
ଭେନେଜୁଏଲା ଉପରେ ଆମେରିକାର ଆକ୍ରମଣ ପରେ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଆଉ ଏକ ବଡ଼ ଘୋଷଣା କରିଛନ୍ତି। ଟ୍ରମ୍ପ କହିଛନ୍ତି ଯେ ଭେନେଜୁଏଲା ଆମେରିକାକୁ ୩୦-୫୦ ନିୟୁତ ବ୍ୟାରେଲ ତେଲ ବିକ୍ରି କରିବାକୁ ରାଜି ହୋଇଛି। ଆମେରିକା ଏହି ତେଲକୁ ବଜାର ମୂଲ୍ୟରେ କିଣିବ।
ସୋସିଆଲ ମିଡିଆ ପ୍ଲାଟଫର୍ମରେ ଏକ ପୋଷ୍ଟ ସେୟାର କରି ଟ୍ରମ୍ପ କହିଛନ୍ତି, “ମୁଁ ଶକ୍ତି ସଚିବ କ୍ରିସ୍ ରାଇଟ୍ଙ୍କୁ ଏହି ଯୋଜନାରେ କାମ କରିବାକୁ କହିଛି। ତେଲକୁ ଷ୍ଟୋରେଜ୍ ଜାହାଜ ବ୍ୟବହାର କରି ଆମେରିକାକୁ ଅଣାଯିବ ଏବଂ ସଂରକ୍ଷଣ କରାଯିବ।” ଟ୍ରମ୍ପ କହିଛନ୍ତି ଯେ ରାଷ୍ଟ୍ରପତି ଭାବରେ, ତାଙ୍କର ଏହି ତେଲ ଉପରେ ନିୟନ୍ତ୍ରଣ ରହିବ, କିନ୍ତୁ ଏହାକୁ ଭେନେଜୁଏଲା ଏବଂ ଆମେରିକାର ଲୋକଙ୍କ ଲାଭ ପାଇଁ ବ୍ୟବହାର କରାଯିବ।
ଆମେରିକା ଖୁବ୍ ଶୀଘ୍ର ଭେନେଜୁଏଲା ତୈଳ କମ୍ପାନୀଗୁଡ଼ିକର ମାଲିକମାନଙ୍କ ସହିତ ଏକ ବୈଠକ କରିବାକୁ ଯୋଜନା କରୁଛି। ଏକ୍ସନ୍, ସେଭ୍ରନ୍ ଏବଂ କୋନୋକୋଫିଲିପ୍ସର ପ୍ରତିନିଧିମାନେ ମଧ୍ୟ ଅଂଶଗ୍ରହଣ କରିବେ। ବୈଠକର ତାରିଖ ଏବଂ ସମୟ ଏପର୍ଯ୍ୟନ୍ତ ପ୍ରକାଶ କରାଯାଇ ନାହିଁ।
Comments are closed.