ନୂଆଦିଲ୍ଲୀ: ଭାରତ ଉପରେ ୨୫% ଅତିରିକ୍ତ ଶୁଳ୍କ ଲାଗୁ କରିବା ପରେ ମଧ୍ୟ, ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଆକ୍ରମଣାତ୍ମକ ଆଭିମୁଖ୍ୟ ଥମିବାର ନାଁ ନେଉନାହିଁ। ପୁଣି ଭାରତ ଉପରେ ଦ୍ୱିତୀୟ ପ୍ରତିବନ୍ଧକ ଲଗାଯାଇପାରେ ବୋଲି ଟ୍ରମ୍ପ କହିଛନ୍ତି । ଆଉ ଏବେ ଭାରତ ସହ ବାଣିଜ୍ୟ ହେବ ନାହିଁ ବୋଲି ସିଧା କହିଛନ୍ତି । ଆମେରିକାର ପ୍ରଥମ ଶୁଳ୍କ ୭ ଅଗଷ୍ଟ ଅର୍ଥାତ୍ ଗୁରୁବାରଠୁ ଲାଗୁ ହୋଇଛି । ଆଉ ଅତିରିକ୍ତ ୨୫% ଶୁଳ୍କ ୨୭ ଅଗଷ୍ଟରୁ ଲାଗୁ ହେବାକୁ ଯାଉଛି । ଏହା ଦ୍ୱାରା ଭାରତ ଉପରେ ଆମେରିକାର ୫୦% ଶୁଳ୍କ ଲାଗୁ ହେବ । ଟ୍ରମ୍ପ୍ ତାଙ୍କ କ୍ଷମତାର ଅପବ୍ୟବହାର କରି ଭାରତକୁ ଦମନ କରିବାକୁ ଚେଷ୍ଟା କରୁଛନ୍ତି, କିନ୍ତୁ ଭାରତ ମଧ୍ୟ ଜବାବରେ ସ୍ପଷ୍ଟ ଭାବରେ କହିଛି ଯେ ସେ ଟ୍ରମ୍ପ୍ ଆଗରେ ମୁଣ୍ଡ ନୁଆଁଇବ ନାହିଁ । ଆଉ ଏହାରି ଭିତରେ ଟ୍ରମ୍ପଙ୍କ ପ୍ରତାରଣାର ଶିକାର ହୋଇଥିବା ଅନ୍ୟ ଦେଶ ଏବେ ଭାରତ ସହ ଖୋଲା ଖୋଲି ଭାବେ ଛିଡା ହେଲେଣି । ଏବେ ଭାରତ ସହିତ ହାତ ମିଳାଇ ଟ୍ରମ୍ପଙ୍କୁ ମାତ୍ ଦେବାକୁ ଯୋଜନା ଚଳାଇଛନ୍ତି । କିଏ ସେ ସବୁ ରାଷ୍ଟ୍ର, ଆଉ କାହିଁକି ଭାରତ ଭଳି ସେମାନେ ମଧ୍ୟ ଟ୍ରମ୍ପଙ୍କ ନିଶାନାରେ ରହିଛନ୍ତି?
ଭାରତକୁ ସମର୍ଥନ ଦେଲା ଶତ୍ରୁ ଚୀନ…
ଶୁଳ୍କ ନେଇ ବର୍ତ୍ତମାନ ଆମେରିକା ଏବଂ ଚୀନ ତିକ୍ତତା ପୁରୁଣା । ଆମେରିକା କହୁଛି ଯେ ଚୀନ ତାର ସରକାରୀ କମ୍ପାନୀଗୁଡ଼ିକୁ ବହୁତ ସବସିଡି ଦିଏ, ଯାହା ଯୋଗୁଁ ଅନ୍ୟ ଦେଶର କମ୍ପାନୀଗୁଡ଼ିକ ସେମାନଙ୍କ ସହିତ ପ୍ରତିଯୋଗିତା କରିପାରୁ ନାହାଁନ୍ତି। ଏଥିସହିତ ଚୀନ୍ ପ୍ରଯୁକ୍ତିବିଦ୍ୟା କ୍ଷେତ୍ରରେ ବିଦେଶୀ କମ୍ପାନୀଗୁଡ଼ିକୁ ଅଧିକ ସୁଯୋଗ ଦେବା ଉଚିତ ଏବଂ ପେଟେଣ୍ଟ ଇତ୍ୟାଦିରେ ମଧ୍ୟ ପରିବର୍ତ୍ତନ କରିବା ଉଚିତ, ଯାହା ପାଇଁ ଚୀନ୍ ପ୍ରସ୍ତୁତ ନୁହେଁ । ଏନେଇ ଗତ ମେ ମାସରେ ଆମେରିକା ଚୀନ ଉପରେ ୧୪୫% ଶୁଳ୍କ ଲାଗୁ କରିଥିଲା । ଏହା ପରେ, ଚୀନ ପ୍ରତିଶୋଧ ସ୍ୱରୂପ ୧୨୫% ଶୁଳ୍କ ଲାଗୁ କରିଥିଲା ଚୀନ । କିନ୍ତୁ ଏହି ନିକଟ ସଂଶୋଧିତ ଶୁଳ୍କ ଘୋଷଣାରେ ଚୀନ ପ୍ରତି ଟିକେ ନରମିଛନ୍ତି ଟ୍ରମ୍ପ । ଆଉ ବର୍ତ୍ତମାନ ଆମେରିକା ଚୀନ ଉପରେ ୩୦% ଶୁଳ୍କ ଲାଗୁ କରିଛି । ଆଉ ଚୀନ ଆମେରିକା ଉପରେ ୧୦% ଶୁଳ୍କ ଲାଗୁ କରିଛି। ଏହା ସତ୍ତ୍ବେ ବି ଏବେ ଆମେରିକା ପ୍ରତି ଚୀନ ସ୍ବର କଠୋର ରହିଛି । ଭାରତରେ ଚୀନ୍ ର ରାଷ୍ଟ୍ରଦୂତ ଜୁ ଫେଇହୋଙ୍ଗ୍ ଶୁଳ୍କ ପ୍ରସଙ୍ଗରେ ଭାରତ ଏବଂ ବ୍ରାଜିଲକୁ ସମର୍ଥନ କରିଥିବା ବେଳେ ଆମେରିକାକୁ ନିନ୍ଦା କରିଛନ୍ତି । ଗୋଟିଏ ଦମ୍ପତିକୁ ଏକ ଇଞ୍ଚ ଦିଅ ଏବଂ ସେ ଏକ ମାଇଲ୍ ନେଇଯିବ ବୋଲି କହି ଆମେରିକାକୁ କଟାକ୍ଷ କରିଛନ୍ତି ।
କାହିଁକି ବ୍ରାଜିଲ୍ ଉପରେ ବି ୫୦%?
ରାଷ୍ଟ୍ରପତି ଟ୍ରମ୍ପ ବ୍ରାଜିଲ୍ ଉପରେ ରାଗିଛନ୍ତି କାରଣ ବ୍ରାଜିଲରେ ପୂର୍ବତନ ରାଷ୍ଟ୍ରପତି ଜାୟର ବୋଲସୋନାରୋଙ୍କ ବିରୋଧରେ ସରକାର ଜବରଦସ୍ତି କରୁଛନ୍ତି । ଏହା ବ୍ୟତୀତ, ଆମେରିକା ସହିତ ବ୍ରାଜିଲର ବାଣିଜ୍ୟ ନିଅଣ୍ଟ ମଧ୍ୟ ଅଧିକ । ଏପରି ପରିସ୍ଥିତିରେ, ଟ୍ରମ୍ପ ବ୍ରାଜିଲ୍ ଉପରେ ୫୦ ପ୍ରତିଶତ ଶୁଳ୍କ ଲଗାଛନ୍ତି ।
ସ୍ୱିଜରଲ୍ୟାଣ୍ଡକୁ ୩୯ %…
ଡୋନାଲ୍ଡ ଟ୍ରମ୍ପ ସ୍ୱିଜରଲ୍ୟାଣ୍ଡରୁ ଆମଦାନୀ ଉପରେ ୩୯% ଅଧିକ ଶୁଳ୍କ ଲଗାଇବା ପରେ ଅନେକ ବିସ୍ମିତ ହୋଇଯାଇଥିଲେ । କାରଣ ସ୍ୱିଜରଲ୍ୟାଣ୍ଡ ଆମେରିକାକୁ ଶସ୍ତା ସାମଗ୍ରୀରେ ଦେବାରେ କିଛି ଜଣାଶୁଣା ରାଷ୍ଟ୍ର ମଧ୍ୟରୁ ନୁହେଁ, କିନ୍ତୁ ସୁନା ବିଶୋଧନରେ ସେମାନଙ୍କର ବିଶାଳ ଭୂମିକା ଏହାର କାରଣ ହୋଇପାରେ ବୋଲି ବିଶେଷଜ୍ଞ ମତ ରଖିଛନ୍ତି । ଏନେଇ ଟ୍ରମ୍ପ ଆଲପାଇନ୍ ରାଷ୍ଟ୍ରର ୪୮ ବିଲିୟନ ଡଲାର ବାଣିଜ୍ୟ ନିଅଣ୍ଟକୁ ବିରୋଧ କରିଥିଲେ, ସେ କହିଥିଲେ ଯେ ସ୍ୱିସ୍ ଫାର୍ମଗୁଡ଼ିକ ଆମେରିକାର ସୁବିଧା ଉଠାଉଛନ୍ତି । ଏଥିପାଇଁ ଏବଂ ଅସନ୍ତୁଳନକୁ ସମାଧାନ କରିବାକୁ ଦେଶର ସ୍ପଷ୍ଟ ଅନିଚ୍ଛା ଯୋଗୁଁ, ସେ ସ୍ୱିସ୍ ଆମଦାନୀ ଉପରେ ୟୁରୋପୀୟ ସଂଘର ୧୫% ତୁଳନାରେ ବହୁତ ଅଧିକ ଶୁଳ୍କ ଲଗାଇଥିଲେ।
ପାଲେଷ୍ଟାଇନକୁ ସମର୍ଥନ କରି କାନାଡା ଫସିଲା
ରାଷ୍ଟ୍ରପତି ଟ୍ରମ୍ପ ଭାରୀ ଶୁଳ୍କ ଲଗାଇଥିବା ଦେଶ ମଧ୍ୟରେ କାନାଡା ମଧ୍ୟ ରହିଛି । ଯେତେବେଳେ ଟ୍ରମ୍ପ କାନାଡା ଉପରେ ଶୁଳ୍କ ଲଗାଗଲେ, ସେ ଏହାର ଦୁଇଟି କାରଣ ଦର୍ଶାଇଥିଲେ । ପ୍ରଥମଟି ହେଉଛି କାନାଡା ପାଲେଷ୍ଟାଇନକୁ ଏକ ପୃଥକ ଦେଶ ଭାବରେ ସମର୍ଥନ କରେ ଯେତେବେଳେ ଆମେରିକା ଚାହେଁ ନାହିଁ ଯେ ପାଲେଷ୍ଟାଇନକୁ ସମର୍ଥନ କରାଯାଉ। ଦ୍ୱିତୀୟ କାରଣ ହେଉଛି କାନାଡା ଆମେରିକାରେ ଫେଣ୍ଟାନିଲ୍ ଅର୍ଥାତ୍ ଔଷଧ ଯୋଗାଣ ନିୟନ୍ତ୍ରଣ କରିବା ପାଇଁ ଆବଶ୍ୟକ ପଦକ୍ଷେପ ନେଉନାହିଁ । ଯାହାକୁ ନେଇ ଏବେ କାନାଡା ଉପରେ ଟ୍ରମ୍ପ ୩୫ ପ୍ରତିଶତ ଶୁଳ୍କ ଲଦିଛନ୍ତି ।
ଏକାଠି ବିକ୍ସ ରାଷ୍ଟ୍ର…..
ଟ୍ରମ୍ପଙ୍କ ଟାରିଫ୍ ମାଡ ପରେ ଭାରତ ବ୍ରାଜିଲ, ରୁଷ ଏବଂ ଚୀନ୍ ସହିତ କୂଟନୀତିକୁ ମଜବୁତ କରି ଟ୍ରମ୍ପଙ୍କ ଏକପାଖିଆ ନୀତିକୁ ଚ୍ୟାଲେଞ୍ଜ କରିଛି। ଯାହା ବ୍ରିକ୍ସର ଏକ ଅଂଶ । ଏହା ବିଶ୍ୱ ସ୍ତରରେ ଭାରତର ବଢ଼ୁଥିବା ଶକ୍ତି ଏବଂ ଏହାର ସ୍ୱାଧୀନ ବୈଦେଶିକ ନୀତିର ସ୍ପଷ୍ଟ ସୂଚନା। ଏଥିସହିତ ବ୍ରିକ୍ସ ସମର୍ଥକ ବ୍ୟବହାରକାରୀମାନେ ପରାମର୍ଶ ଦେଇଛନ୍ତି ଯେ ଏବେ ଏସୀୟ ଅର୍ଥନୀତିଗୁଡ଼ିକ ଆମେରିକାର ଟାରିଫ୍ ନୀତିକୁ ମୁକାବିଲା କରିବା ପାଇଁ ଏକାଠି ହେବା ଉଚିତ। ଅନେକ ଆଫ୍ରିକୀୟ ସଂଘକୁ ବ୍ରିକ୍ସର ସଦସ୍ୟ କରିବାକୁ ମଧ୍ୟ ଦାବି କରିଯାଇଛି । ଯାହା ଏବେ ଟ୍ରମ୍ପଙ୍କୁ ଭାରି ପଡିପାରେ ।
Comments are closed.