ଭାରତ ବିରୁଦ୍ଧରେ ତୁର୍କୀ ଡ୍ରୋନ ସହ ସାମରିକ ସହାୟତା ପଠାଇଥିଲା: ରିପୋର୍ଟ

ନୂଆଦିଲ୍ଲୀ: ଭାରତ-ପାକ୍ ଉତ୍ତେଜନା ସମୟରେ ପାକିସ୍ତାନକୁ ସମର୍ଥନ କରିଛି ତୁର୍କୀ । ଭାରତରେ ‘ବୟକଟ୍ ତୁର୍କୀ’ର ଦାବି ବଢ଼ିବାରେ ଲାଗିଛି। ସୂତ୍ର ଅନୁସାରେ ତୁର୍କୀ କେବଳ ପାକିସ୍ତାନକୁ ଡ୍ରୋନ୍ ଯୋଗାଇ ନଥିଲା, ବରଂ ଏହି ଆକ୍ରମଣରେ ତୁର୍କୀ ସାମରିକ ଅପରେଟରମାନେ ମଧ୍ୟ ସାମିଲ ଥିବା ଅଭିଯୋଗ ହୋଇଛି।
ତୁର୍କୀ କେବଳ ୩୫୦ ରୁ ଅଧିକ ଡ୍ରୋନ୍ ପଠାଇ ନଥିଲା, ବରଂ ତୁର୍କୀ ସାମରିକ ଅଧିକାରୀମାନଙ୍କୁ ମଧ୍ୟ ସିଧାସଳଖ ପାକିସ୍ତାନରେ ନିୟୋଜିତ କରାଯାଇଥିଲା। ସୂତ୍ର ଅନୁଯାୟୀ, “ଅପରେସନ୍ ସିନ୍ଦୂର” ସମୟରେ ଦୁଇ ଜଣ ତୁର୍କୀ ସାମରିକ ଅଧିକାରୀ ମଧ୍ୟ ନିହତ ହୋଇଥିଲେ ।

ସୂତ୍ର ଅନୁଯାୟୀ, ତୁର୍କୀ କେବଳ ପାକିସ୍ତାନକୁ ଏହାର ଆଧୁନିକ Bayraktar TB2 ଏବଂ Anka ଡ୍ରୋନ୍ ଯୋଗାଇ ନଥିଲା ବରଂ ସେଗୁଡ଼ିକୁ ପରିଚାଳନା ଏବଂ ମାର୍ଗଦର୍ଶନ କରିବା ପାଇଁ ପ୍ରଶିକ୍ଷିତ ସାମରିକ ପରାମର୍ଶଦାତାଙ୍କ ଏକ ଦଳକୁ ଇସଲାମାବାଦ ପଠାଇଥିଲା। ଏହି ଡ୍ରୋନଗୁଡ଼ିକୁ ପାକିସ୍ତାନ ଭାରତୀୟ ସାମରିକ ଘାଟି, ସୀମା ରାଡାର ଷ୍ଟେସନ ଏବଂ ପଞ୍ଜାବର ଅମୃତସର, ଗୁରୁଦାସପୁର ଏବଂ ଜମ୍ମୁ ଅଞ୍ଚଳ ବିରୁଦ୍ଧରେ ବ୍ୟବହାର କରିଥିଲା। ଏହି ଡ୍ରୋନଗୁଡ଼ିକ ଭାରତୀୟ ସେନା ସଫଳତାର ସହ ଖସାଇ ଦେଇଥିଲା ଏବଂ ସେମାନଙ୍କର ଭଗ୍ନାବଶେଷର ଫଟୋ ମଧ୍ୟ ସାର୍ବଜନୀନ କରାଯାଇଥିଲା।

ଭାରତ ସରକାର ଶୁକ୍ରବାର ଦିନ କହିଛନ୍ତି ଯେ,ଗତ ଗୁରୁବାର ରାତିରେ ଭାରତର ଉତ୍ତର ଏବଂ ପଶ୍ଚିମ ଅଞ୍ଚଳ ଉପରେ ଆକ୍ରମଣ କରିବା ପାଇଁ ପାକିସ୍ତାନ ବ୍ୟବହାର କରିଥିବା ଡ୍ରୋନର ଭଗ୍ନାବଶେଷର ପ୍ରାରମ୍ଭିକ ତଦନ୍ତରୁ ଜଣାପଡିଛି ଯେ ଡ୍ରୋନଗୁଡ଼ିକ ତୁର୍କୀ-ଉତ୍ପନ୍ନ ସୋଙ୍ଗାର ସଶସ୍ତ୍ର ଡ୍ରୋନ ପ୍ରଣାଳୀର ।

ପାକିସ୍ତାନୀ କାର୍ଯ୍ୟାନୁଷ୍ଠାନ ଆରମ୍ଭ ହେବା ପୂର୍ବରୁ ଏକ ତୁର୍କୀ ସାମରିକ ଯୁଦ୍ଧଜାହାଜ କରାଚୀ ବନ୍ଦରରେ ପହଞ୍ଚିଥିଲା। ପାକିସ୍ତାନୀ ଗଣମାଧ୍ୟମ ଦାବି କରିଥିଲା ​​ଯେ ଯୁଦ୍ଧଜାହାଜଟି ପାକିସ୍ତାନ ପାଇଁ ଅସ୍ତ୍ରଶସ୍ତ୍ର ଆସିଛି , କିନ୍ତୁ ତୁର୍କୀ ପ୍ରତିରକ୍ଷା ମନ୍ତ୍ରଣାଳୟ ଗଣମାଧ୍ୟମ ରିପୋର୍ଟକୁ ପ୍ରତ୍ୟାଖ୍ୟାନ କରିଥିଲା।

ତୁର୍କୀଙ୍କ ଏହି ଭୂମିକା କେବଳ ଭାରତର ଜାତୀୟ ସୁରକ୍ଷା ଉପରେ ପ୍ରଶ୍ନ ଉଠାଇନାହିଁ ବରଂ ଅନ୍ତର୍ଜାତୀୟ କୂଟନୀତିକୁ ମଧ୍ୟ ପ୍ରଭାବିତ କରିପାରିବ।