Turkman Gate Violence: ତୁର୍କମାନ ଗେଟ୍ ହିଂସା ମାମଲାରେ ବଡ ଖୁଲାସା;ରାଜନୈତିକ ସମ୍ପର୍କ ଏବଂ ବାହାର ପଥର ଫିଙ୍ଗାଳିଙ୍କ ସମ୍ପୃକ୍ତି…

ନୂଆଦିଲ୍ଲୀ: ଦିଲ୍ଲୀ ତୁର୍କମାନ ଗେଟ୍ ହିଂସା ମାମଲାରେ, ପୋଲିସ ତଦନ୍ତ ପାଇଁ ସ୍ୱତନ୍ତ୍ର ଦଳ ଗଠନ କରିଛି। ଗୋଟିଏ ଦଳ ସିସିଟିଭି ଫୁଟେଜ୍ ମାଧ୍ୟମରେ ପଥର ଫିଙ୍ଗାଳିମାନଙ୍କୁ ଚିହ୍ନଟ କରୁଛି ଓ ଅନ୍ୟ ଏକ ଦଳ ସୋସିଆଲ ମିଡିଆରେ କାମ କରୁଛି। ଏହା ମଧ୍ୟ ଜଣାପଡିଛି ଯେ ହିଂସାରେ ବାହାର ଲୋକ ସାମିଲ ଥିଲେ। ପଥର ଫିଙ୍ଗାଳିଙ୍କ ମଧ୍ୟରୁ କିଛିଙ୍କୁ ଚିହ୍ନଟ କରାଯାଇଛି ଏବଂ ଖୁବ୍ ଶୀଘ୍ର ସେମାନଙ୍କୁ ଗିରଫ କରାଯିବ।

ପଥର ଫିଙ୍ଗାଳିମାନଙ୍କ ମଧ୍ୟରେ ସ୍ଥାନୀୟ ଲୋକଙ୍କ ସହିତ କିଛି ବାହାର ଲୋକ ମଧ୍ୟ ଥିଲେ। ଏଥିସହ ଜଣାପଡିଛି ଯେ, ସମ୍ପୃକ୍ତ ବ୍ୟକ୍ତିଙ୍କ ମଧ୍ୟରୁ ଜଣେ କିମ୍ବା ଦୁଇଜଣଙ୍କର ରାଜନୈତିକ ସମ୍ପର୍କ ରହିଛି।

ପୋଲିସ କହିଛି ଯେ ଏହି ସମସ୍ତ କଥାକୁ ଧ୍ୟାନରେ ରଖି ତଦନ୍ତ କରାଯାଉଛି। ଚାନ୍ଦନୀ ମହଲ ପୋଲିସ ଷ୍ଟେସନର କନଷ୍ଟେବଳ ସନ୍ଦୀପଙ୍କ ବୟାନ ଆଧାରରେ ଏହି ମାମଲାରେ ଏକ ଏଫଆଇଆର ରୁଜୁ କରାଯାଇଛି।

କନଷ୍ଟେବଲ୍ ସନ୍ଦୀପ କହିଛନ୍ତି ଯେ , ସେ ବଡ ମସଜିଦ ନିକଟରେ ତୁର୍କମାନ ଗେଟ୍ ନିକଟରେ ନିୟୋଜିତ ହୋଇଥିଲେ । ଫୈଜ ଇଲାହି ମସଜିଦ ନିକଟରେ ଏକ ବେଆଇନ ଜବରଦଖଲ ହଟାଯିବାକୁ ଥିଲା। ଜନସାଧାରଣଙ୍କୁ ଏହା ବିଷୟରେ ପୂର୍ବରୁ ସୂଚନା ଦିଆଯାଇଥିଲା। ରାତି ୧୨:୪୦ ରେ, ପୋଲିସ ବ୍ୟାରିକେଡ୍ କରୁଥିଲା। ତା’ପରେ ୩୦-୩୫ ଜଣଙ୍କ ଏକ ଭିଡ଼ ପୋଲିସ ଏବଂ ପ୍ରଶାସନ ବିରୁଦ୍ଧରେ ସ୍ଲୋଗାନ ଦେଇ ବ୍ୟାରିକେଡ୍ ପାଖକୁ ଆସିଲା। ତା’ପରେ ସେମାନେ ସ୍ଲୋଗାନ ଦେଇ ବ୍ୟାରିକେଡ୍ ଭାଙ୍ଗି ପଥର ଫିଙ୍ଗିବାକୁ ଲାଗିଲେ। ସେମାନଙ୍କ ମଧ୍ୟରୁ ଜଣେ ମୋ ହାତରୁ ଲାଉଡସ୍ପିକର ଛଡ଼ାଇ ନେଇ ଭାଙ୍ଗିଦେଲେ।

ସେ କହିଛନ୍ତି ଯେ ପଥର ଫିଙ୍ଗା ଘଟଣାରେ ହେଡ୍ କନଷ୍ଟେବଳ ଜଲ ସିଂହ, କନଷ୍ଟେବଳ ବିକ୍ରମ ଏବଂ ରବିନ୍ଦ୍ର ଏବଂ ଏସଏଚଓ ଆହତ ହୋଇଛନ୍ତି। ଭିଡ଼କୁ ଘଉଡ଼ାଇବା ପାଇଁ ଅତିରିକ୍ତ ପୋଲିସ ଫୋର୍ସକୁ ଡକାଯାଇଥିଲା। ଏହା ପରେ, ଆମକୁ ହସ୍ପିଟାଲରେ ଭର୍ତ୍ତି କରାଯାଇଥିଲା।

ଦିଲ୍ଲୀ ଗୃହମନ୍ତ୍ରୀ ଆଶିଷ ସୁଦ କହିଛନ୍ତି ଯେ, ତୁର୍କମାନ ଗେଟ୍ ଅଞ୍ଚଳରେ ଫୈଜ-ଏ-ଇଲାହି ମସଜିଦ ନିକଟରେ ଜବରଦଖଲ ହଟେଇବା ସମୟରେ ପଥର ଫିଙ୍ଗା ଘଟଣା ଦୁର୍ଭାଗ୍ୟଜନକ।
ହିଂସାକୁ ବରଦାସ୍ତ କରାଯିବ ନାହିଁ। ମସଜିଦ ପାଖରେ କିଛି ବାଣିଜ୍ୟିକ ପ୍ରତିଷ୍ଠାନ ବେଆଇନ ଭାବରେ ନିର୍ମାଣ କରାଯାଇଥିଲା। କୋର୍ଟଙ୍କ ନିର୍ଦ୍ଦେଶ ଅନୁଯାୟୀ ସେମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଛି। ଆଇନର ସୀମା ମଧ୍ୟରେ ଚାଲିଥିବା କାର୍ଯ୍ୟରେ ବାଧା ସୃଷ୍ଟି କରିବା ସମ୍ପୂର୍ଣ୍ଣ ଭାବରେ ଗ୍ରହଣୀୟ ନୁହେଁ।