କୃଷି ଆଇନ ବିରୁଦ୍ଧରେ ଭୁଲ ତଥ୍ୟ ପ୍ରସାର କରୁଥିବା ଆକାଉଣ୍ଟ ବ୍ଲକ୍‌ ପାଇଁ ପ୍ରସ୍ତୁତ ଟ୍ୱିଟର

ନୂଆଦିଲ୍ଲୀ: ନୂତନ କୃଷି ଆଇନ ବିରୁଦ୍ଧରେ କୃଷକ ସଂଗଠନର ବିରୋଧ ସଂପର୍କରେ “ଭୁଲ ତଥ୍ୟ ଏବଂ ଉତ୍ତେଜନାମୂଳକ ବିଷୟବସ୍ତୁ” ପ୍ରସାରଣ ଅଭିଯୋଗରେ ଟ୍ୱିଟର କେନ୍ଦ୍ର ଦ୍ୱାରା ଆଦେଶ ଦିଆଯାଇଥିବା ଆକାଉଣ୍ଟଗୁଡିକୁ ହଟାଇବା ଆରମ୍ଭ କରିଛି। ଟ୍ୱିଟର ଏହା ମଧ୍ୟ କହିଛି ଯେ କ୍ଷତିକାରକ ବିଷୟବସ୍ତୁ ଧାରଣ କରିଥିବା ହ୍ୟାସଟ୍ୟାଗଗୁଡ଼ିକର ଦୃଶ୍ୟମାନତା ହ୍ରାସ କରିବାକୁ ପଦକ୍ଷେପ ନିଆଯାଇଛି।

ତେବେ ସୋସିଆଲ ମିଡିଆ ଫାର୍ମ ନିଜ ବ୍ଲଗରେ କହିଛି ଯେ ଟ୍ୱିଟର ହ୍ୟାଣ୍ଡେଲଗୁଡିକ କେବଳ ଭାରତ ମଧ୍ୟରେ ହଟାଯିବ ଏବଂ ଏଥିରେ ସାମ୍ବାଦିକ, ମିଡିଆ ସଂସ୍ଥା, କାର୍ଯ୍ୟକର୍ତ୍ତା ଏବଂ ରାଜନେତାଙ୍କ ହ୍ୟାଣ୍ଡେଲ ଅନ୍ତର୍ଭୂକ୍ତ ହେବ ନାହିଁ।

ଟ୍ୱିଟର କହିଛି ଯେ ଏହା କରିବା ଦ୍ବାରା ଭାରତୀୟ ଆଇନ ଅନୁଯାୟୀ ମୁକ୍ତ ଅଭିବ୍ୟକ୍ତିର ସେମାନଙ୍କର ମୌଳିକ ଅଧିକାର ଉଲ୍ଲଂଘନ ହେବ।

ରିପୋର୍ଟ ଅନୁଯାୟୀ, ୨୫୭ ହ୍ୟାଣ୍ଡେଲର ୧୨୬ ଟି ମୂଳତଃ “ କୃଷକ ଜନଶୁଣାଣି ”ହ୍ୟାସଟ୍ୟାଗ ସହିତ ଟ୍ୱିଟ୍ କରିସାରିଛି। ଟୁଇଟର କିଛି ଦିନ ପୂର୍ବରୁ ଅବରୋଧ କରିଥିବା ହ୍ୟାଣ୍ଡେଲଗୁଡିକ ମଧ୍ୟରେ ଥିଲା କିନ୍ତୁ ସେମାନଙ୍କୁ “ମୁକ୍ତ ବକ୍ତବ୍ୟ” ଦର୍ଶାଇ ଏହି ବିଷୟବସ୍ତୁକୁ “ସମ୍ବାଦ ଯୋଗ୍ୟ” ବୋଲି ଦର୍ଶାଇଥିଲା।