Policemen found shot dead: ASI ଓ ହୋମଗାର୍ଡଙ୍କୁ ଗୁଳି କରି ହତ୍ୟା ; ଆତଙ୍କବାଦୀ-ଗ୍ୟାଙ୍ଗଷ୍ଟର ଏଙ୍ଗଲରୁ ତଦନ୍ତ
ନୂଆଦିଲ୍ଲୀ:ପଞ୍ଜାବର ଗୁରୁଦାସପୁର ଜିଲ୍ଲାରେ ଭାରତ-ପାକିସ୍ତାନ ଅନ୍ତର୍ଜାତୀୟ ସୀମା ନିକଟରେ ଅବସ୍ଥିତ ଆଦିୟା ପୋଲିସ ପୋଷ୍ଟରେ ନିୟୋଜିତ ଦୁଇ ପୋଲିସ କର୍ମଚାରୀଙ୍କୁ ଗୁଳି କରି ହତ୍ୟା । ମୃତକମାନେ ହେଲେ ASI ଗୁରନାମ ସିଂହ ଏବଂ ହୋମଗାର୍ଡ ଅଶୋକ କୁମାର। ରବିବାର ସକାଳେ ପୋଷ୍ଟ ଭିତରେ ଅଲଗା ଅଲଗା ସ୍ଥାନରେ ସେମାନଙ୍କ ମୃତଦେହ ମିଳିଥିଲା। କିଏ ଗୁଳି ଚଳାଇଛି ତାହା ତୁରନ୍ତ ସ୍ପଷ୍ଟ ହୋଇନାହିଁ।
ସୂତ୍ର ଅନୁଯାୟୀ, ଉଭୟ ପୋଲିସ କର୍ମଚାରୀଙ୍କ ସେବା ଅସ୍ତ୍ରଶସ୍ତ୍ର ଉଦ୍ଧାର କରାଯାଇଛି।
ପୋଷ୍ଟମର୍ଟମ ପାଇଁ ଉଭୟଙ୍କ ମୃତଦେହକୁ ଗୁରଦାସପୁରର ସିଭିଲ୍ ହସ୍ପିଟାଲକୁ ପଠାଯାଇଛି। ତଦନ୍ତରେ ନିୟୋଜିତ ପୋଲିସ ଦଳ କହିଛନ୍ତି ଯେ ମୃତକଙ୍କ ମୋବାଇଲ୍ ହିଷ୍ଟ୍ରୀ ମଧ୍ୟ ଯାଞ୍ଚ କରାଯାଉଛି।
ପ୍ରାଥମିକ ତଦନ୍ତରୁ ଏହାକୁ ହତ୍ୟା ମାମଲା ବୋଲି ବିବେଚନା କରାଯାଉଛି । ପୋଲିସ ସମସ୍ତ ସମ୍ଭାବ୍ୟ ଦୃଷ୍ଟିକୋଣରୁ ତଦନ୍ତ କରୁଛି। ଏହି ଘଟଣାର ତଦନ୍ତ ଗ୍ୟାଙ୍ଗଷ୍ଟର ଏବଂ ଆତଙ୍କବାଦୀ ଦୃଷ୍ଟିକୋଣରୁ ମଧ୍ୟ କରାଯାଉଛି । ଏହି ଆଉଟପୋଷ୍ଟ ଅନ୍ତର୍ଜାତୀୟ ସୀମାଠାରୁ ମାତ୍ର ଦେଢ଼ କିଲୋମିଟର ଦୂରରେ ଅବସ୍ଥିତ। ଘଟଣାର ଗମ୍ଭୀରତାକୁ ଦୃଷ୍ଟିରେ ରଖି, ସମଗ୍ର ଅଞ୍ଚଳକୁ ଘେରାବନ୍ଦୀ କରାଯାଇଛି ଓ ସୀମା ସୁରକ୍ଷା ବାହିନୀ (BSF)କୁ ମଧ୍ୟ ଆଲର୍ଟରେ ରଖାଯାଇଛି।
ପୋଲିସକର୍ମୀଙ୍କ ହତ୍ୟା ସମ୍ପର୍କରେ ସୂଚନା ପାଇବା ପରେ, ଗୁରୁଦାସପୁର ଏସଏସପି ଆଦିତ୍ୟ ଶର୍ମା ଏବଂ ବିଏସଏଫ ଡିଆଇଜି ମଧ୍ୟ ଘଟଣାସ୍ଥଳରେ ପହଞ୍ଚିଥିଲେ। ଏସଏସପି କହିଛନ୍ତି ଯେ ଉଭୟ ଯବାନଙ୍କୁ ଆଉଟପୋଷ୍ଟ ରୁମରେ ମୃତ ଅବସ୍ଥାରେ ପାଇଥିଲେ। ପୋଲିସ ବିଭିନ୍ନ ଦୃଷ୍ଟିକୋଣରୁ ମାମଲାର ତଦନ୍ତ କରୁଛି।