୨ ରାଜସ୍ଥାନୀ ବ୍ୟବସାୟୀ ଇବ୍‌ ନଦୀରେ ବୁଡ଼ି ନିଖୋଜ

ଝାରସୁଗୁଡ଼ା: ଇବ୍‌ ନଦୀରେ ବୁଡ଼ି ଦୁଇ ଜଣ ବ୍ୟକ୍ତି ନିଖୋଜ ଅଛନ୍ତି। ନିଖୋଜ ବ୍ୟକ୍ତି ଦ୍ୱୟ ରାଜସ୍ଥାନର ସୋହନ ପାଲେୱାଲ ଓ ମଙ୍ଗିଲାଲ ପାଲେୱାଲ ବୋଲି ପୋଲିସ ସୂତ୍ରରୁ ସୂଚନା ମିଳିଛି।  ସୂଚନା ଅନୁଯାୟୀ, ସୋହନ ଓ ମଙ୍ଗିଲାଲ କିଛି ସାଙ୍ଗଙ୍କ ସହ ଇବ୍ ନଦୀକୁ ଗାଧେଇବା ପାଇଁ ଯାଇ ଭାସିଯାଇ ନିଖୋଜ ଅଛନ୍ତି। ଏମାନେ ରାଜସ୍ଥାନରୁ ଆସି ଝାରସୁଗୁଡ଼ାର ଗାନ୍ଧୀଛକ ଅଞ୍ଚଳରେ  ଜିଲାପି ବିକ୍ରି କରୁଥିବା ପୋଲିସ ସୂଚନା ଦେଇଛି। ଘଟଣା ସ୍ଥଳରେ ଗାନ୍ଧୀଛକ ଫାଣ୍ଡି ପୋଲିସ ଏବଂ ଅଗ୍ନିଶମ ବିଭାଗ ସେମାନଙ୍କୁ ଖୋଜାଖୋଜି ଜାରି ରଖିଛନ୍ତି।