୨ଲସ୍କର ହାଇବ୍ରିଡ୍ ଆତଙ୍କବାଦୀ କଲେ ଆତ୍ମସମର୍ପଣ, ବିପୁଳ ପରିମାଣର ଅସ୍ତ୍ରଶସ୍ତ୍ର ଉଦ୍ଧାର

ଶ୍ରୀନଗର: ଜମ୍ମୁ ଓ କାଶ୍ମୀରର ଶୋପିଆନରେ ଦୁଇ ଜଣ ଲସ୍କର ଆତଙ୍କବାଦୀ ଭାରତୀୟ ସେନା ଓ ପୋଲିସ ନିକଟରେ ଆତ୍ମସମର୍ପଣ କରିଛନ୍ତି। ଏହି ଆତଙ୍କବାଦୀମାନଙ୍କୁ ଇରଫାନ ବଶିର ଏବଂ ଉଜୈର ସଲାମ ଭାବରେ ଚିହ୍ନଟ କରାଯାଇଛି।

ଗତକାଲି ସୁରକ୍ଷା ବାହିନୀ ଜିଲ୍ଲାର ବାସ୍କୁଚାନ ଅଞ୍ଚଳରେ ଏକ ସର୍ଚ୍ଚ ଅପରେସନ ଆରମ୍ଭ କରିଥିଲେ । ଏହି ସମୟରେ ସୁରକ୍ଷା ବାହିନୀ ସମ୍ମୁଖରେ ଦୁଇଜଣ ଆତଙ୍କବାଦୀ ଆତ୍ମସମର୍ପଣ କରିଛନ୍ତି। ଏହି ଆତଙ୍କବାଦୀମାନଙ୍କଠାରୁ ବିପୁଳ ପରିମାଣର ଅସ୍ତ୍ରଶସ୍ତ୍ର ମଧ୍ୟ ଉଦ୍ଧାର କରାଯାଇଛି। ସେମାନଙ୍କଠାରୁ ଦୁଇଟି AK-56 ରାଇଫଲ୍, ୪ଟି ମାଗାଜିନ୍, ୧୦୨ ରାଉଣ୍ଡ (7.62×39 mm), ଦୁଇଟି ହ୍ୟାଣ୍ଡ ଗ୍ରେନେଡ୍, ଦୁଇଟି ପାଉଚ୍ ଇତ୍ୟାଦି ଜବତ କରାଯାଇଛି।

Shopian, Jammu and Kashmir | Two LeT hybrid terrorists identified as Irfan Bashir and Uzair Salam surrendered following an operation launched by security forces in Baskuchan area yesterday. Two AK-56 rifles, 4 magazines, 102 rounds (7.62x39mm), 2 hand grenades, 2 pouches etc were… pic.twitter.com/IkJVl4fPXs

— ANI (@ANI) May 29, 2025

ଅପରେସନ୍ ବିଷୟରେ ବିବରଣୀ ଦେଇ ଅଧିକାରୀମାନେ କହିଛନ୍ତି ଯେ, ନିର୍ଦ୍ଦିଷ୍ଟ ସୂଚନା ପରେ ବୁଧବାର ରାତିରେ ବାସ୍କୁଚାନ ଅଞ୍ଚଳରେ ସୁରକ୍ଷା ବାହିନୀ ଏକ କର୍ଡନ୍ କରିଥିଲେ ଏବଂ ସର୍ଚ୍ଚ ଅପରେସନ୍ (CASO) ଆରମ୍ଭ କରିଥିଲେ। ସେ କହିଛନ୍ତି ଯେ ଅଞ୍ଚଳକୁ ଘେରାବନ୍ଦୀ କରାଯାଇଥିଲା ଏବଂ ନିକଟସ୍ଥ ଏକ ବଗିଚାରେ ଆତଙ୍କବାଦୀ କାର୍ଯ୍ୟକଳାପ ପରିଲକ୍ଷିତ ହୋଇଥିଲା। ସୁରକ୍ଷାବାହିନୀର ଦ୍ରୁତ ଏବଂ ରଣନୈତିକ କାର୍ଯ୍ୟାନୁଷ୍ଠାନ ଯୋଗୁଁ, ଦୁଇ ଜଣ ଏଲଇଟି ହାଇବ୍ରିଡ୍ ଆତଙ୍କବାଦୀ ସଫଳତାର ସହ ଆତ୍ମସମର୍ପଣ କରିଥିଲେ ।