ଯାଜପୁର: ଯାଜପୁର ଜିଲ୍ଲାରେ ଭୟଙ୍କର ସଡକ ଦୁର୍ଘଟଣା । ଏକ ତେଲ ଟ୍ୟାଙ୍କର ବାଇକକୁ ଧକ୍କା ଦେବା ଫଳରେ ମା’-ପୁଅଙ୍କର ମୃତ୍ୟୁ ଘଟିଛି । ଦୁର୍ଘଟଣାରେ ଜଣେ ମିହଳା ବର୍ତ୍ତି ଯାଇଛନ୍ତି । ତାଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରାଯାଇଛି ।
ସୂଚନା ଅନୁସାରେ, ଗୁରୁବାର ଦିନ ବୁରୁହାଁ ଗ୍ରାମର ସୁଦର୍ଶନ ବେହେରା ପତ୍ନୀ ପୂର୍ଣ୍ଣିମା ଓ ମା’ ବକଟିଙ୍କୁ ନେଇ ଏକ ବାଇକରେ ଯାଉଥିଲେ । ଯାଜପୁର ୨୦ ନମ୍ବର ଜାତୀୟ ରାଜପଥର ବରୁହାଁ ଛକ ନିକଟରେ ତାଙ୍କ ବାଇକକୁ ସାମ୍ନାରୁ ଏକ ତେଲ ବୋଝେଇ ଟ୍ରକ ଧକ୍କା ଦେଇଥିଲା । ଫଳରେ ବାଇକରୁ ତିନିଜଣ ଯାକ ଛିଟିକି ପଡିଥିଲେ ।
ଦୁଘଟଣାସ୍ଥଳରେ ସୁଦର୍ଶନଙ୍କ ମା’ଙ୍କର ମୃତ୍ୟୁ ଘଟିଥିଲା । ସୁଦର୍ଶନ ଏବଂ ତାଙ୍କ ପତ୍ନୀ ବକଟିଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ସୁଦର୍ଶନଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିଲା । ପତ୍ନୀ ପୂର୍ଣ୍ଣିମା ଏବେ ବି ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ତାଙ୍କର ଅବସ୍ଥା ମଧ୍ୟ ଗୁରୁତର ଅଛି । ତେବେ ବର୍ତ୍ତମାନ ପୋଲିସ୍ ଏହି ମାମଲାର ତଦନ୍ତ କରୁଛି।
Comments are closed.