Maoist leaders join mainstream: ଆତ୍ମସମର୍ପଣ କଲେ ୨ ମାଓ ନେତା;ମୁଣ୍ଡରେ ଥିଲା ଦେଢ କୋଟିରୁ ଅଧିକ ଟଙ୍କା

ମାଲକାନଗିରି:ମାଓ ସଂଗଠନକୁ ଆଉ ଏକ ବଡ଼ ଧକ୍କା । ତେଲେଙ୍ଗାନାରେ ଆତ୍ମସମର୍ପଣ କଲେ ୨ ମାଓ ନେତା । ୨ ମାଓ ନେତାଙ୍କ ନାଁରେ ଦେଢ କୋଟିରୁ ଅଧିକ ଟଙ୍କାର ପୁରସ୍କାର ଥିଲା । ମାଓ ସଙ୍ଗଠନର ସେଣ୍ଟ୍ରାଲ କମିଟି ମେମ୍ବର ପୁଲୁରି ପ୍ରସାଦ ରାଓ ଓରଫ ଚନ୍ଦ୍ରନ୍ନା, ଷ୍ଟେଟ କମିଟି ସଦସ୍ୟ ବି.ପ୍ରକାଶ ଓରଫ ପ୍ରଭାତ ଆତ୍ମସମର୍ପଣ କରିଛନ୍ତି । ଚାରୋଟି ରାଜ୍ୟରେ ଏମାନେ ମୋଷ୍ଟ ଓ୍ୱାଣ୍ଟେଡ୍‌ ରହିଥିଲେ।

ଏହି ସମୟରେ, ଛତିଶଗଡ଼ରେ ଭୈରମଗଡ଼ ଅଞ୍ଚଳର ଆଠ ଲକ୍ଷ ଟଙ୍କାର ପୁରସ୍କାର ବହନ କରିଥିବା ଡିଭିଜନାଲ୍ କମିଟି ସଦସ୍ୟ (ଡିଭିସିଏମ୍) ପ୍ରଭାରୀ କମାଲୁ ମଧ୍ୟ ଆତ୍ମସମର୍ପଣ କରିଛନ୍ତି।

ସୁରକ୍ଷା ଏଜେନ୍ସିଗୁଡ଼ିକ କହିଛନ୍ତି ଯେ ଭୂପତି, ବାସଭ ରାଜୁ ଏବଂ ବର୍ତ୍ତମାନ ଚନ୍ଦ୍ରାନ୍ନାଙ୍କ ପରି ନେତାଙ୍କ ଆତ୍ମସମର୍ପଣ ଦ୍ବାରା, ସଂଗଠନ ଭୁଶୁଡ଼ି ପଡ଼ିବା ଦ୍ୱାରରେ ପହଞ୍ଚିଛି।

ସିସି ମେମ୍ବର ପୁଲୁରି ପ୍ରସାଦ ରାଓର ଘର ତେଲେଙ୍ଗାନାରେ ହୋଇଥିବା ବେଳେ ସେ ୪୫ ବର୍ଷ ଧରି ମାଓ ସଂଗଠନ ସହିତ ଜଡିତ ଥିଲେ। ପ୍ରସାଦ ୧୭ ବର୍ଷ ଧରି ସିସି ମେମ୍ବର ରହିଥିଲେ।

ପୋଲିସ ମହାନିର୍ଦ୍ଦେଶକଙ୍କ ଉପସ୍ଥିତିରେ ହୋଇଥିବା ଏହି ଆତ୍ମସମର୍ପଣକୁ ମାଓ ସଂଗଠନ ପାଇଁ ଏକ ବଡ଼ ଝଟକା ବୋଲି ବିବେଚନା କରାଯାଉଛି।