ପୋଚେଫଷ୍ଟ୍ରୁମ: ୧୯ ବର୍ଷରୁ କମ ମହିଳା ଟି୨୦ ବିଶ୍ୱକପର ଫାଇନାଲ ମ୍ୟାଚ ରବିବାର ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯିବ । ପ୍ରଥମ ସେମିଫାଇନାଲରେ ଭାରତ ଚମତ୍କାର ପ୍ରଦର୍ଶନ କରି ୮ ୱିକେଟରେ ନ୍ୟୁଜିଲାଣ୍ଡକୁ ପରାସ୍ତ କରିଥିଲା । ସେହିପରି ଦ୍ୱିତୀୟ ସେମିଫାଇନାଲରେ ଅଷ୍ଟ୍ରେଲିଆ ବିପକ୍ଷରେ ଇଂଲଣ୍ଡ ୩ ରନର ଅବିଶ୍ୱସନୀୟ ବିଜୟ ହାସଲ କରିଥିଲା । ଟୁର୍ଣ୍ଣାମେଂଟର ପ୍ରଥମ ସଂସ୍କରଣର ଟାଇଟଲ ହାସଲ କରି କୀର୍ତିମାନ ସ୍ଥାପନ କରିବା ଲକ୍ଷ୍ୟରେ ଉଭୟ ଟିମ ରହିବେ । ୧୪ ଜାନୁୟାରୀରୁ ଆରମ୍ଭ ହୋଇଥିବା ଏହି ଟୁର୍ଣ୍ଣାମେଂଟରେ ୪୦ ମ୍ୟାଚ ଖେଳାଯିବା ପରେ ଫାଇନାଲ ଲାଇନ ଅପ ଚୂଡାନ୍ତ ହୋଇଛି ।
ଫାଇନାଲରେ ଭେନେସା ଡି ସିଲଭା ମ୍ୟାଚ ରେଫରୀ ଓ କ୍ୟାଣ୍ଡେସ ଲ ବୋର୍ଡେ ଓ ସାରା ଦବନେୱାନା ଫିଲ୍ମ ଅମ୍ପାୟର ଦାୟିତ୍ୱ ତୁଲାଇବେ । ଷ୍ଟାର ସ୍ପୋର୍ଟ୍ସ ନେଟୱର୍କରେ ମ୍ୟାଚର ଲାଇଭ ଟେଲିକାଷ୍ଟ ହେବ ।
Comments are closed.