ନୂଆଦିଲ୍ଲୀ: ବିଚାରପତି ଉଦୟ ଉମେଶ ଲଳିତ ହେବେ ଦେଶର ୪୯ତମ ମୁଖ୍ୟ ବିଚାରପତି । ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏଥିନେଇ ବିଧିବଦ୍ଧ ଭାବେ ମୋହର ମାରିଛନ୍ତି । ଅଗଷ୍ଟ ୨୬ରେ ଏନଭି ରମନ୍ନାଙ୍କ କାର୍ଯ୍ୟକାଳ ସମ୍ପୂର୍ଣ୍ଣ ହେବ ଏବଂ ଏହା ପରେ ୨୭ରୁ ସେ ଦାୟିତ୍ୱ ଗ୍ରହଣ କରିବେ । ଜଷ୍ଟିସ ଲଳିତ ୭୪ ଦିନ ଏହି ଗୁରୁତ୍ୱପୂର୍ଣ୍ଣ ଦାୟିତ୍ୱରେ ରହିବା ପରେ ନଭେମ୍ବର ୮ରେ ଅବସର ନେବେ । ୧୯୫୭ ନଭେମ୍ବର ୯ରେ ଜନ୍ମ ଗ୍ରହଣ କରିଥିବା ବିଚାରପତି ଲଳିତ ୧୯୮୩ରେ ବମ୍ବେ ହାଇକୋର୍ଟରେ କ୍ୟାରିୟର ଆରମ୍ଭ କରିଥିଲେ । ୨୦୦୪ରେ ସୁପ୍ରିମକୋର୍ଟଙ୍କ ପକ୍ଷରୁ ତାଙ୍କୁ ବରିଷ୍ଠ ଓକିଲ ଭାବେ ନିଯୁକ୍ତ କରାଯାଇଥିଲା । ଏହା ପରେ ସେ ସୁପ୍ରିମକୋର୍ଟ ବାର ପକ୍ଷରୁ ତାଙ୍କୁ ବିଚାରପତି ଭାବେ ଦାୟିତ୍ୱ ପ୍ରଦାନ କରାଯାଇଥିଲା । ୧୦ ଜାନୁୟାରୀ ୨୦୧୯ରେ ଅଯୋଧ୍ୟା କେସରୁ ସେ ସ୍ୱତଃ ପ୍ରବୃତ ଓହରି ଯାଇଥିଲେ । ୟୁପିର ପୂର୍ବତନ ମୁଖ୍ୟମନ୍ତ୍ରୀ କଲ୍ୟାଣ ସିଂଙ୍କ ପାଇଁ ସେ ଓକିଲ ଭାବେ ଏକ କେସ ଲଢ଼ିଥିବାରୁ ୫ ବିଚାରପତି ବେଂଚରୁ ଓହରିଥିଲେ ।
Comments are closed.