ଗାଡ଼ି ଚାବିରେ ଖେଳି ଖେଳି ଯିବା ଅନେକଙ୍କର ଅଭ୍ୟାସ । ହେଲେ ଏହା ବଦ୍ଅଭ୍ୟାସ ଅନେକ ସମୟରେ ପ୍ରମାଣିତ ହୁଏ । ଏମିତି ଏକ ବଦଅଭ୍ୟାସ ଜଣେ ମହିଳାଙ୍କ ପାଇଁ ଘାତକ ସାବ୍ୟସ୍ତ ହୋଇଛି । ନିଜ କାର ଚାବିରେ ଅନ୍ୟମନସ୍କ ଭାବେ ଖେଳି ଖେଳି ଯାଉଥିବା ସମୟରେ ଚାବି ତାଙ୍କ ମୁହଁରେ ପଶିଯିବା ସହ ସେ ରକ୍ତାକ୍ତ ହୋଇ ପଡ଼ିଥିଲେ । ଏମିତି କି ଏଥିପାଇଁ ତାଙ୍କୁ ମେଡ଼ିକାଲରେ ଭର୍ତ୍ତି ହେବାକୁ ପଡ଼ିଲା । ଘଟଣା ଘଟିଛି କାନାଡ଼ାରେ ।
କାନାଡାରେ ରହୁଥିବା ୨୪ ବର୍ଷୀୟ ଯୁବତୀ ରେନି ଲୋରିଭିଆର୍ ମ୍ୟାକଡୋନାଲ୍ଡ ଖାଇବା ପାଇଁ ବାହାରି ଥିଲେ । ସେ ତାଙ୍କର ଜଣେ ସାଙ୍ଗକୁ ନେଇ କାର ଆଣିବା ପାଇଁ ଆପାର୍ଟମେଣ୍ଟର ତଳେ ଥିବା ପାର୍କିଂ ଏରିଆକୁ ଆସିଲେ । କାର ଚାବିକୁ ଉପରକୁ ଫିଙ୍ଗି ଫିଙ୍ଗି ସାଙ୍ଗ ସହ କଥା ହୋଇ ତଳକୁ ଆସୁଥିବା ସମୟରେ ଚାବି ପେନ୍ଥାଟି ତାଙ୍କ ମୁହଁରେ ପଶି଼ିଯାଇଥିଲା । ଦେଖୁ ଦେଖୁ ତାଙ୍କ ମୁହଁ ସାରା ରକ୍ତ ଜୁଡ଼ୁୁବୁଡ଼ୁ ହୋଇଗଲା । ଚାବିଟି ତାଙ୍କ ମୁହଁରେ ଏମିତି ପଶିଯାଇଥିଲା ଯେ, ତାଙ୍କୁ ହସପିଟାଲ ଯିବାକୁ ପଡ଼ିଥିଲା । ଏକ୍ସ-ରେ ଦେଖାଗଲା ଯେ ତାଙ୍କ ନାକ ନିକଟରେ ଥିବା ଅନେକ ଶିରା ମଧ୍ୟ ଚିରି ହୋଇଯାଇଛି । ପରେ ପ୍ଲାଷ୍ଟିକ୍ ସର୍ଜରୀ ମାଧ୍ୟମରେ ତାଙ୍କର କ୍ଷତ ଠିକ୍ କରାଗଲା । ଏନେଇ ରେନି କୁହନ୍ତି, ମୋର ଟିକିଏ ଅସାବଧାନତା ଯୋଗୁ ମୁହଁ ପୁରା ବିଗିଡ଼ି ଗଲା । ମୁଁ କେବେ ଭାବି ନ ଥିଲେ ଚାବିଟି ଏତେ ଭିତରକୁ ପଶିଯିବ । ମୋର ଏପରି ଅବସ୍ଥା ଦେଖି ମୋର ସାଙ୍ଗ ଆମ୍ବୁଲାନ୍ସ ଡ଼କାଇ ମୋତେ ତୁରନ୍ତ ହସପିଟାଲରେ ଭର୍ତ୍ତି କଲେ । ହସପିଟାଲରେ ପହଞ୍ôଚବା ବରେ ଡ଼ାକ୍ତର ଓ ନର୍ସ ମୋର ଏପରି ଅବସ୍ଥା ଦେଖି ପ୍ରଥମେ ତାଜୁବ୍ ହୋଇଗଲେ । ଖବର ଧୀରେ ଧୀରେ ପୁରା ହସପିଟାଲ ପ୍ରଚାର ହୋଇଗଲା । ବିଭିନ୍ନ ବିଭାଗର ଡାକ୍ତରମାନେ ମୋତେ ଦେଖିବାକୁ ଆସୁଥିଲେ, କାରଣ ସେମାନେ ଏହାକୁ ବିଶ୍ୱାସ କରିପାରି ନ ଥିଲେ ।
BREAKING NEWS
- ଆସନ୍ତାକାଲିଠୁ ବିଧାନସଭା ଶୀତ ଅଧିବେଶନ, ଆଜି ସର୍ବଦଳୀୟ ବୈଠକ
- ସୋନିଆଙ୍କ ଆତ୍ମଜୀବନୀ ଉନ୍ମୋଚନରେ କେମ୍ବ୍ରିଜ୍ ସ୍ମୃତି ବଖାଣିଲେ ରାହୁଲ, କହିଦେଲେ ନିଜ ପ୍ରେମିକାଙ୍କ କଥା
- ଆଜି ଭୀଷଣ ବାତ୍ୟା, ଓଡ଼ିଶା-ଆନ୍ଧ୍ର ଉପକୂଳକୁ ଆଲର୍ଟ
- ୱାରେନ୍ ବଫେଟ୍ଙ୍କ ବଡ଼ ବଦାନ୍ୟତା: ୪ଟି ପାରିବାରିକ ଟ୍ରଷ୍ଟକୁ ଦାନ କଲେ ୫.୫ ବିଲିୟନ ଡଲାର
- ୩୧୪ ବ୍ଲକରେ ହେବ ଷ୍ଟାଡ଼ିୟମ୍ ;୪,୧୨୪ କୋଟି ଟଙ୍କା ବ୍ୟୟରେ…
- ଓଡିଶାର ୨୦ ଛାତ୍ରଛାତ୍ରୀ ସିଙ୍ଗାପୁର ଫିନଟେକ୍ ଫେଷ୍ଟିଭାଲ୍ରେ ଦେବେ ଯୋଗ
- Cyclone ‘Akvan’:ସୃଷ୍ଟି ହେଲା ବାତ୍ୟା;ଏଥର ମଧ୍ୟ ଆନ୍ଧ୍ରରେ ଲ୍ୟାଣ୍ଡଫଲ
- ଆମେରିକା ନେତୃତ୍ୱାଧୀନ ଘୋଷଣାନାମାରେ ସ୍ୱାକ୍ଷର କଲା ଭାରତ, AI ସପ୍ଲାଏ ଚେନକୁ ସୁରକ୍ଷିତ ରଖିବା ଉଦ୍ଦେଶ୍ୟ
- କୋଟିଆରେ ଟିପିଏସ୍ଓଡିଏଲ୍ ତରଫରୁ ମାଗଣା ସ୍ୱାସ୍ଥ୍ୟ ପରୀକ୍ଷା ଓ ପରାମର୍ଶ ଶିବିର
- Bhaskar Rao Bail Rejected:ଏନ୍ ଭାସ୍କର ରାଓଙ୍କ ଜାମିନ ଆବେଦନ ଖାରଜ
Comments are closed.