ଋଷର କ୍ଷେପଣାସ୍ତ୍ର ମାଡ଼ରେ ୟୁକ୍ରେନର ହାଭରଶୋଭକା ବିମାନବନ୍ଦର ନଷ୍ଟ

ଭୁବନେଶ୍ୱର: ଋଷ ପକ୍ଷରୁ ୟୁକ୍ରେନ ଉପରେ ଆକ୍ରମଣ ଜାରି ରହିଛି । ଆଜି ଋଷର କ୍ଷେପଣାସ୍ତ୍ର ମାଡ଼ରେ କେନ୍ଦ୍ରୀୟ ୟୁକ୍ରେନର ଭିନ୍ୟତସିଆରେ ଥିବା ହାଭରଶୋଭକା ବିମାନ ବନ୍ଦର ନଷ୍ଟ ହୋଇଛି । ଏନେଇ ୟୁକ୍ରେନର ରାଷ୍ଟପତି ଭୋଲଦିମିର ଜେନେଲକ୍ସି ସୂଚନା ଦେଇଛନ୍ତି ।

ଏହି ପରିପ୍ରେକ୍ଷୀରେ ୟୁକ୍ରେନ ଆକାଶକୁ ପୁଣି ଥରେ ନୋ ଫ୍ଲାଏ ଜୋନ ଲାଗୁ କରିବାକୁ ବିଶ୍ୱ ନିକଟରେ ଦାବି କରିଛି । ବିମାନ ବନ୍ଦର ଉପରେ ବିସ୍ଫୋରଣ ଦୃଶ୍ୟର ଭିଡିଓ ଜାରି କରି ଜେଲେନସ୍କି କହଛନ୍ତି ଋଷର ଏୟାରଷ୍ଟ୍ରାଇକରେ ଆମର ଏକ ବିମାନ ବନ୍ଦର ଜଳିଗଲା ।

ୟୁକ୍ରେନ୍ର ବୈଦେଶିକ ମନ୍ତ୍ରୀ ଟ୍ୱିଟ୍ କରି କହିଛନ୍ତି ଯେ, ଭିନ୍ୟତସିଆ ସହରରେ ରୁଷର ୮ଟି ମିଶାଇଲ ମାଡ଼ କରାଯାଇଛି। ୟୁକ୍ରେନ୍ର ଏହା ହେଉଛି ଏକ ପ୍ରମୁଖ ସହର। ପୁଟିନ୍ କାପୁରଷ ଏବଂ ବର୍ବୋଚରିତ ଭାବେ ମିସାଇଲ ଆକ୍ରମଣ ଜାରି ରଖିଛନ୍ତି । ସାଧାରଣ ନାଗରିକଙ୍କ ଉପରେ ବୋମା ବର୍ଷଣ କରୁଛନ୍ତି। ଆମକୁ ରକ୍ଷା କର। ତୁରନ୍ତ ୟୁକ୍ରେନ୍ ଆକାଶକୁ ନୋ ଫ୍ଲାଏ ଜୋନ୍ ଲାଗୁ କର। ଆମ ଜୀବନକୁ ବଞ୍ଚାଅ କହି ନିବେଦନ କରିଛନ୍ତି।

#Vinnytsia was attacked

Presumably Havryshovka airport pic.twitter.com/BqwIzu8iSz

— NEXTA (@nexta_tv) March 6, 2022

ଏଥିସହ ସେ ସାମରିକ ସହାୟତା ମାଗିଛନ୍ତି। ଆମକୁ ଯୁଦ୍ଧ ବିମାନ ଏବଂ କ୍ଷେପଣାସ୍ତ୍ର ଓ କମ୍ବାଟ ଏୟାର କ୍ରାଫ୍ଟ ଦିଅ। ରୁଷର ଆତଙ୍କବାଦକୁ ବନ୍ଦ କର ବୋଲି ସେ ନିବେଦନ ଜକରିଛନ୍ତି।