ଉମରିଆ: କୁହାଯାଏ ଯଦି ଜଣେ ନାରୀ କିଛି କରିବା ପାଇଁ ମନସ୍ଥ କରିନିଏ ତାହେଲେ ସେ ତାହା କଳେ ବଳେ କୌଶଳେ କରିକି ହିଁ ଦେଖାଇଥାଏ। ସେ ଗୃହ ହେଉ କି କର୍ମକ୍ଷେତ୍ର ସବୁଠି କିପରି ସନ୍ତୁଳନ ରଖାଯିବ ତାହାର କୌଶଳ ନାରୀଟିକୁ ବେଶ୍ ଜଣା। ସବୁ ବାଧାବିଘ୍ନ ସହ ଲଢ଼ି ସେ ତାର କର୍ତ୍ତବ୍ୟକୁ ସୁଚାରୁରୂପେ ଚଳାଇଥାଏ।ସେହିପରି ନିଜ କର୍ତ୍ତବ୍ୟ ଆଗରେ ନିଜର ଗର୍ଭାବସ୍ଥା ଯନ୍ତ୍ରଣାକୁ ତୁଚ୍ଛ କରିଦେଇଛନ୍ତି ଜଣେ ମହିଳା ଏସପି। ୮ ମାସର ଗର୍ଭବତୀ ଥାଇ ମଧ୍ୟ ନିର୍ବାଚନ ରେ କିପରି କିଛି ଅସୁବିଧା ନହେଉ ସେଥିପାଇଁ ଡ୍ୟୁଟି ମୋଡ୍ ରେ ଉମାରିଆ ଏସପି ନିବେଦିତା ନାଇଡୁ।
ଦେଶ ତଥା ରାଜ୍ୟରେ ଚାଲିଛି ଅନ୍ତିମ ପର୍ଯ୍ୟାୟ ଭୋଟ ଗ୍ରହଣ। ଏଥିରେ ଯେଭଳି କିଛି ଅସୁବିଧା ନହେଉ, ଯେଭଳି କିଛି ହିଂସାକାଣ୍ଡ ନଘଟୁ, ଭୋଟର ବିନା ବାଧାରେ ନିଜର ମତଦାନ କରିପାରିବେ ସେ ପ୍ରତି ପୁରା ତତ୍ପର ନିବେଦିତା। ସେଥିପାଇଁ ସେ ସେ ପେଟରେ ତାଙ୍କର ୮ ମାସର ଛୁଆକୁ ଧରି ନିଜର ଡ୍ୟୁଟି ପୂରଣ କରୁଛନ୍ତି। ନିଜ ଏରିଆର ଗଳିକନ୍ଦି ସବୁ ବୁଲୁଛନ୍ତି। କିଛି ବି ଅଶାନ୍ତିକର ପରିସ୍ଥିତି ଉପୁଜିଲେ ସେ ସଙ୍ଗେ ସଙ୍ଗେ ଯାଇଁ ଘଟଣାସ୍ଥଳରେ ପହଂଚି ଯାଉଛନ୍ତି। ୧୦ ଘଣ୍ଟା ନିଜର ଡ୍ୟୁଟି କରୁଛନ୍ତି। ଏହା ସହିତ ନାଇଟ ପାଟ୍ରୋଲିଂ ବି କରୁଛନ୍ତି । ଅପରାଧୀଙ୍କ ଉପରେ ବି କଡ ନଜର ରଖିଛନ୍ତି ନିବେଦିତା। କାମ ଆଗରେ ସେ ତାଙ୍କର ଗର୍ଭାବସ୍ଥାର ଯନ୍ତ୍ରଣାକୁ ତୁଚ୍ଛ କରିଦେଇଛନ୍ତି।
ଆମେ କହୁଛୁ ମଧ୍ୟପ୍ରଦେଶ ଉମରିଆର ଏସପି ନିବେଦିତା ନାଇଡୁ କଥା, ୮ ମାସର ଗର୍ଭବତୀ ହୋଇ ମଧ୍ୟ ସେ ନିର୍ବାଚନ ଡ୍ୟୁଟିରେ ନିୟୋଜିତ ଅଛନ୍ତି। ଖାଲି ସେତିକି ନୁହେଁ ସ୍ଵାମୀଙ୍କର ପୋଷ୍ଟିଙ୍ଗ ଅନାୟ ଜାଗାରେ ହୋଇଥିବାରୁ ଘରେ ୩ ବର୍ଷର ଝିଅର ବି ଖିଆଲ ରଖିଛନ୍ତି ନିଜେ ନିବେଦିତା। ଟିକେ ବି ଥକୁନାହାନ୍ତି କି ବସୁନାହାନ୍ତି। ଡ୍ୟୁଟିରେ ପୁରା ଆକ୍ଟିଭ। ତେବେ ମାତୃତ୍ୟକାଳୀନ ଛୁଟି ଥାଇ ମଧ୍ୟ ସେ କିନ୍ତୁ ନିଜର ଦେଶ ପ୍ରତି କର୍ତ୍ତବ୍ୟକୁ ବାଛିଛନ୍ତି। ଯାହାକୁ ସବୁ ମହଲରୁ ପ୍ରଶଂସା କରାଯାଇଛି। ଏହା ସହିତ ନିବେଦିତା ଏଭଳି ଅଦମ୍ୟ ସାହସ ଆଜି ଅନେକଙ୍କ ପାଇଁ ପ୍ରେରଣା ପାଲଟିଛି।
BREAKING NEWS
- ମସ୍କୋରେ ମୋଦୀଙ୍କୁ ଆଲିଙ୍ଗନ କରି ସ୍ୱାଗତ କଲେ ପୁଟିନ୍, ବିଜୟୀ ପାଇଁ ଜଣାଇଲେ ଶୁଭେଚ୍ଛା
- ଆଶ୍ୱସ୍ତି ପାଇଁ ଯାଇଥିଲେ, କିନ୍ତୁ କଡ଼ା ପ୍ରଶ୍ନ ପଚାରି ମମତା ସରକାରକୁ ଘାଇଲା କଲେ ସୁପ୍ରିମକୋର୍ଟ
- ଭଲ ଖବର: ଦିଲ୍ଲୀପ ବରାଳଙ୍କ ବିହନ ପ୍ରକ୍ରିୟାକରଣ ଉପକରଣକୁ ମିଳିଲା ପେଟେଣ୍ଟ
- ଆମେରିକା ରାଷ୍ଟ୍ରପତି ରେସ୍: ପ୍ରାର୍ଥୀ ହେବେ ବୋଲି ଦୋହରାଇଲେ ବାଇଡେନ୍
- ହେମନ୍ତ ସୋରେନଙ୍କ ଜାମିନ ବାତିଲ କରିବାକୁ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହେଲା ଇଡ଼ି
- କଟକ ବିଜେଡିରେ କନ୍ଦଳ! ସିବିଆଇ ଭୟରେ କଡ଼ ଲେଉଟାଛନ୍ତି କି ପ୍ରଭାତ ବିଶ୍ୱାଳ?
- ବେଆଇନ ଖଣି ଖନନ ଓ କ୍ରସର ୟୁନିଟ୍ ବିରୋଧରେ କାର୍ଯ୍ୟାନୁଷ୍ଠାନ ଦାବି କଲେ ଧର୍ମଶାଳା ବିଧାୟକ
- ରଣବୀର, ମାଧବନ, ସଞ୍ଜୟଙ୍କ ପରେ ଧୂରନ୍ଧରରେ ସାମିଲ ହେଲେ ଅକ୍ଷୟ
- ବୃତଙ୍ଗ ଜଳସେଚନ ପ୍ରକଳ୍ପ ପାଇଁ ମିଳିଲା ଅନୁମୋଦନ
- ଜମ୍ମୁ-କଶ୍ମୀରର କଠୁଆରେ ସେନା ଗାଡ଼ି ଉପରକୁ ଆତଙ୍କବାଦୀଙ୍କ ଆକ୍ରମଣ, ୪ ଯବାନ ସହିଦ