ଭାଗଲପୁର: ଭାଗଲପୁରର ଏକ ବାହାଘର ସୋସିଆଲ ସାଇଟରେ ଚର୍ଚ୍ଚାର କାରଣ ସାଜିଛି । ବାହାଘର ବେଳେ ଏଥିରେ ନିମନ୍ତ୍ରିତ ଅତିଥିମାନେ ବରବଧୂଙ୍କ ସହ ସେଲଫି ନେବା ପାଇଁ ଧସ୍ତାଧସ୍ତି ହୋଇଥିଲେ । ତେବେ ସେମାନେ କାହିଁକି ସେଲଫି ନେବା ପାଇଁ ଏତେ ବ୍ୟଗ୍ର ହେଉଥିଲେ ଆସନ୍ତୁ ଜାଣିବା । ମସାରୁର ବିନ୍ଦେଶ୍ୱରୀ ମଣ୍ଡଳଙ୍କ ପୁତ୍ର ମୁନ୍ନା ଭାରତୀଙ୍କ ବିବାହ ନେଇ ପରିବାର ଲୋକ ସର୍ବଦା ଚିନ୍ତାରେ ଥିଲେ । ଏହାର କାରଣ ହେଲା ମୁନ୍ନାର ଉଚ୍ଚତା ମାତ୍ର ୩୬ ଇଂଚ । ୨୬ ବର୍ଷୀୟ ମୁନ୍ନା ମନ ସେତେବେଳେ ଖୁସିରେ ନାଚିରେ ଉଠିଥିଲା ଯେତେବେଳେ ସେ ଜାଣିଲା ତାର ବାହାଘର ପାଇଁ ସମସ୍ତ ଉଦ୍ୟମ ଆରମ୍ଭ ହୋଇଛି ।
ସବୁଠାରୁ ମଜା କଥା ହେଲା ଅଭିୟା ବଜାର ଅଂଚଳର କିଶୋରୀ ମଣ୍ଡଳଙ୍କ କନ୍ୟା ମମତା କୁମାରୀଙ୍କ ଉଚ୍ଚତା ମଧ୍ୟ ୩୪ ଇଂଚ ଥିଲା । ୨୪ ବର୍ଷୀୟା ମମତାଙ୍କୁ ଦେଖିବା ପରେ ମୁନ୍ନା ମଧ୍ୟ ଭଗବାନଙ୍କୁ ଧନ୍ୟବାଦ ଜଣାଇଥିଲେ । ଏହି ନିଆରା ବିବାହକୁ କ୍ୟାମେରା ଏବଂ ମୋବାଇଲରେ କୈଦ କରିବା ପାଇଁ ଏକପ୍ରକାର ପ୍ରତିଦ୍ୱନ୍ଦ୍ୱିତା ହୋଇଥିଲେ କହିଲେ ଭୁଲ ହେବନି ।
Comments are closed.