ଗଜପତି / କୋରାପୁଟ / ନବରଙ୍ଗପୁର: ମହାମାରୀକୁ ୨ ବର୍ଷ ବିତି ଯାଇଥିଲେ ସୁଦ୍ଧା ଓଡିଶାର କିଛି ଗାଁକୁ ଏଯାଏ ଛୁଇଁପାରିନି କରୋନା। ଏଠାରେ ଏପର୍ଯ୍ୟନ୍ତ ଗୋଟିଏ ବି କରୋନା ଆକ୍ରାନ୍ତ ଚିହ୍ନଟ ହୋଇ ନାହାନ୍ତି।
ଗଜପତି ଜିଲ୍ଲାର ଗୁମ୍ମା ବ୍ଲକ ଅନ୍ତର୍ଗତ ତରଙ୍ଗଡା ପଞ୍ଚାୟତର ଚାରୋଟି ଗାଁର ଜନସଂଖ୍ୟା ୫୦୦ ରୁ ଅଧିକ।କରୋନା ମହାମାରୀର ପ୍ରଥମ ତରଙ୍ଗ ଏବଂ ଦ୍ୱିତୀୟ ତରଙ୍ଗରେ ସମୟରେ ବି ଏଠାରେ ରହୁଥିବା କୌଣସି ଲୋକ କରୋନା ସଂକ୍ରମିତ ହୋଇ ନଥିବା ସୂଚନା ମିଳିଛି।
ଏହି ଗାଁର କିଛି ଲୋକ ବାହାରକୁ ମଧ୍ୟ ଯାଉଛନ୍ତି ଏବଂ ବାହାର ଲୋକ ମଧ୍ୟ ଗାଁକୁ ଆସୁଛନ୍ତି ତଥାପି, ସେମାନେ ସେମାନଙ୍କର ଆତ୍ମ ଶୃଙ୍ଖଳା ପାଇଁ ଭୂତାଣୁ ଦ୍ୱାରା ପ୍ରଭାବିତ ହୋଇନାହାଁନ୍ତି। ଗ୍ରାମବାସୀମାନେ କଡାକଡି ଭାବେ ସୁରକ୍ଷା ପ୍ରୋଟୋକଲ ଅନୁସରଣ କରୁଛନ୍ତି।
ସେହିଭଳି କୋରାପୁଟ ଜିଲ୍ଲାର ଲାମାଟାପୁଟ ବ୍ଲକ ଅନ୍ତର୍ଗତ ହନୁମାଲା ଗ୍ରାମ ଏପର୍ଯ୍ୟନ୍ତ ଏହି କରୋନା ଦ୍ୱାରା ପ୍ରଭାବିତ ହୋଇନାହିଁ। ଏହି ଆଦିବାସୀ ପ୍ରାଧାନ୍ୟ ଗ୍ରାମରେ ୧୬୦ ରୁ ଅଧିକ ପରିବାର ଅଛନ୍ତି। ସେମାନେ ପ୍ରାୟତଃ ଜୀବିକା ନିର୍ବାହ ପାଇଁ ଚାଷ ଉପରେ ନିର୍ଭରଶୀଳ।
ଯଦିଓ ଏହି ଗାଁର ଲୋକମାନେ ଉଚ୍ଚଶିକ୍ଷିତ ନୁହଁନ୍ତି, ସେମାନେ କଠୋର ଭାବରେ କରୋନା ନିର୍ଦ୍ଦେଶାବଳୀ ଅନୁସରଣ କରୁଛନ୍ତି। ଏହି ଗାଁରେ ପିଲାଠୁ ବୃଦ୍ଧ ଯାଏ ସମସ୍ତେ ସମେତ ଫେସ୍ ମାସ୍କ ବ୍ୟବହାର କରୁଛନ୍ତି।
ସେହିଭଳି, ନବରଙ୍ଗପୁର ଜିଲ୍ଲାର କୋଶାଗୁମୁଦା ବ୍ଲକ ଅନ୍ତର୍ଗତ ବାଲେଙ୍ଗା ଗାଁର ୧୫୦୦ ବାସିନ୍ଦା ଏପର୍ଯ୍ୟନ୍ତ କରୋନା ଦ୍ବାରା ପ୍ରଭାବିତ ହୋଇନାହାଁନ୍ତି।
ଅଧିକାଂଶ ଗ୍ରାମବାସୀ କାମ ଖୋଜିବା ପାଇଁ ଆନ୍ଧ୍ରପ୍ରଦେଶ ଯାଉଥିଲେ। ଗ୍ରାମବାସୀଙ୍କୁ ସଚେତନ କରିବା ପାଇଁ ଏହି ଗାଁର ଆଶା ଏବଂ ଅଙ୍ଗନୱାଡି ସ୍ୱାସ୍ଥ୍ୟ କର୍ମୀମାନେ ବାରମ୍ବାର ସଭା ଆୟୋଜନ କରିଥିଲେ।
ବାସିନ୍ଦାମାନେ ଗାଁର ମୁଖ୍ୟ ପ୍ରବେଶ ପଥକୁ ସିଲ୍ କରିଥିଲେ ଏବଂ ଗାଁ ଭିତରକୁ ଆସିବାକୁ କାହାକୁ ଅନୁମତି ଦିଆଯାଇନଥିଲା। ନିର୍ଦ୍ଦେଶାବଳୀ ଅନୁଯାୟୀ ସେମାନେ ନିଜ ଗାଁକୁ କରୋନାଭାଇରସରୁ ରକ୍ଷା କରିବାକୁ ଚେଷ୍ଟା କରୁଥିବା ଜଣାପଡ଼ିଛି।