ଲକ୍ଷ୍ନୌ: ଉତ୍ତରପ୍ରଦେଶରେ ସୋନବର୍ସା-ସର୍ଦ୍ଦାରନଗର ସ୍ଥିତ ବିଷ୍ଣୁପୁର ଖର୍ଡ ଗ୍ରାମ ନିକଟରେ ଏକ ବାଇକରେ ଯାଉଥିବା ବେଳେ ବାପା, ଝିଅ ଏବଂ ଭାଣିଜୀଙ୍କର ମୃତ୍ୟୁ ଘଟିଛି।
ସୂଚନା ଅନୁଯାୟୀ, ହାଇଭୋଲଟେଜ ବିଦ୍ୟୁତ ତାର ଉପରେ ମାଙ୍କଡ ଡେଇଁବା କାରଣରୁ ତାରଟି ଛିଡି ଯାଇଥିଲା।
ବିଷ୍ଣୁପୁର ଖର୍ଡର ଜଣେ ବ୍ଯକ୍ତି ତାଙ୍କ ତିନି ବର୍ଷର ଝିଅ ଏବଂ ଭାଣିଜୀ ସହ ବାଇକ ଯୋଗେ ସୋନବର୍ସା ବଜାରକୁ ଯାଇଥିଲେ। ସନ୍ଧ୍ଯା ପ୍ରାୟ ୫ଟା ୩୦ମି. ସମୟରେ ଘରକୁ ଫେରୁଥିଲେ। ସୋନବର୍ସା-ସର୍ଦ୍ଦାରନଗର ରାସ୍ତାରେ ୧୧,୦୦୦ ଭୋଲ୍ଟ ହାଇଟେସନ୍ ତାର ହଠାତ୍ ଛିଡି ଯାଇ ସେମାନଙ୍କ ଉପରେ ପଡିଯାଇଥିଲା। ଫଳରେ ସେମାନେ ଜଳି ଯାଇଥିଲେ। ଏହି ଘଟଣାରେ ଉତ୍ତେଜିତ ଗ୍ରାମବାସୀ ରାସ୍ତାରୋକ କରିଥିଲେ।
ତେବେ ଏହି ଘଟଣାର ତଦନ୍ତ ପାଇଁ ପ୍ରଶାସନ ପକ୍ଷରୁ ଏକ ତିନିଜଣିଆ କମିଟି ଗଠନ କରାଯାଇଥିବା ବେଳେ ପରିବାରକୁ ୫-୫ ଲକ୍ଷ ଟଙ୍କା ଆର୍ଥିକ ସହାୟତା ପ୍ରଦାନ କରିବା ପାଇଁ ଆଶ୍ବାସନା ଦିଆଯାଇଥିଲା।
Comments are closed.