ଲକ୍ଷ୍ନୌ: ବିଭତ୍ସ ଏବଂ ଲୋମଟାଙ୍କୁରା ହତ୍ୟାକାଣ୍ଡ । ନିଜ ହାତରେ ଉଜାଡିଲା ନିଜର ସୁନାର ସଂସାର । ପରିବାରର ୫ ଜଣଙ୍କୁ ହତ୍ୟାକଲା ପରେ ନିଜେ ନିଜକୁ ଶେଷ କରିଦେଲା ଯୁବକ । ଉତ୍ତରପ୍ରଦେଶ ସୀତାପୁର ଜିଲ୍ଲାର ରାମପୁର ମଥୁରା ଅଞ୍ଚଳରେ ଜଣେ ମଦ୍ୟପ ଯୁବକ ତାଙ୍କ ମା’, ପତ୍ନୀ ଏବଂ ୩ ଛୁଆକୁ ହତ୍ୟା କରିବା ପରେ ଶେଷରେ ନିଜେ ଆତ୍ମହତ୍ୟା କରିଛନ୍ତି । ହତ୍ୟାକାଣ୍ଡ ପରେ ସମଗ୍ର ଗାଁ ସ୍ତଗ୍ଧ ହୋଇ ଯାଇଛି।
ସୂଚନା ଅନୁସାରେ, ମୃତ ଅଭିଯୁକ୍ତଙ୍କ ନାଁ ଅନୁରାଗ ସିଂହ । ଅନୁରାଗ ସବୁବେଳେ ନିଶାରେ ବୁଡି ରହୁଥିବା ବେଳେ ତା’ର ମାନସିକ ସ୍ଥିତି ମଧ୍ୟ ଠିକ୍ ରହୁନଥିଲା। ତେବେ ଗତକାଲି ରାତିରେ ଅନୁରାଗ ନିଶାରେ ଥିବା ବେଳେ କୌଣସି କାରଣରୁ ପରିବାର ଲୋକଙ୍କ ସହ ବଚସା ହୋଇଥିଲା । ଶେଷରେ ନିଶାସକ୍ତ ଅବସ୍ତାରେ ପ୍ରଥମେ ନିଜ ମା’କୁ ଗୁଳି ମାରି ହତ୍ୟା କରଥିଲା । ପତ୍ନୀ ଅଟକାଇବାରୁ ପରେ ତାଙ୍କୁ ମଧ୍ୟ ପିଟିପିଟି ହତ୍ୟା କରିଥିଲା ଦାନବ ସ୍ଵାମୀ । ସେଥିରେ ବି ମନ ପୁରିନଥିଲା ଯେ ଶେଷରେ ନିଜର ୩ ଛୁଆଙ୍କୁ ଛାତ ଉପରୁ ତାଳକୁ ଫୋପାଡି ହତ୍ୟା କରିଥିଲେ । ଫଳରେ ଘଟଣାସ୍ଥଳରେ ସମସ୍ତଙ୍କର ମୃତ୍ୟୁ ହୋଇଥିଲା । ନିଶା ଛାଡିଲା ବେଳକୁ ପୁରା ପରିବାରକୁ ମୃତ ଦେହ ଦେଖି ଶେଷରେ ନିଜେ ନିଜକୁ ଗୁଳି କରି ହତ୍ୟା କରିଥିଲା ଅନୁରାଗ । ମୃତ ପୁରା ପରିବାରଙ୍କ ନାଁ ହେଉଛି ମା’ ସାବିତ୍ରୀ(୬୨), ପତ୍ନୀ ପ୍ରିୟଙ୍କା(୪୦), ଏବଂ ତିନି ସନ୍ତାନ ଅରନା (୧୨), ଆଦ୍ବିକ(୮) ଏବଂ ଆରବି(୭) । ଖବର ପାଇ ପୋଲିସ ନିଜ ଆଡୁ ଏକ ମାମଲା ରୁଜୁ କରି ବିଭିନ୍ନ ଦିଗକୁ ନେଇ ତଦନ୍ତ ଆରମ୍ଭ କରିଛି ।
Comments are closed.