ମୁମ୍ବାଇ: ପ୍ରଥମଥର ପାଇଁ ସ୍କ୍ରିନ୍ ସେୟାର କରିିବେ ବଲିଉଡ଼ ଅଭିନେତା ସଞ୍ଜୟ ଦତ୍ତ ଓ ଟାଇଗର ଶ୍ରଫ । ବଲିଉଡର ଦୁଇ ଭିନ୍ନ ପିଢିର ଆକ୍ସନ ହିରୋଙ୍କୁ ଏକାଠି ନେଇ ଫିଲ୍ମ ନିର୍ମାଣ କରିବାକୁ ଯୋଜନା କରିିଛନ୍ତି ନିର୍ମାତା ଫିରୋଜ ଏ ନାଡିଆଡୱାଲା । ଏହାକୁ ନେଇ ଚର୍ଚ୍ଚା ଜୋର ଧରିଛି । ନିକଟରେ ଫିରୋଜ ଏହି ଘୋଷଣା କରିଛନ୍ତି । ଏହି ଖବର ପାଇବା ପରେ ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ଉତ୍ସାହ ଦେଖାଦେଇଛି ।
‘ହେରା ଫେରି’, ‘ଆୱାରା ପାଗଲ ଦିୱାନା’, ‘ୱେଲକମ ଫ୍ରାଞ୍ଚାଇଜ’ ଭଳି ହିଟ୍ ଫିଲ୍ମ ନିର୍ମାଣ କରିଥିବା ଫିରୋଜ ଏ ନାଡିଆଡୱାଲା ପୁଣି ଥରେ ଦର୍ଶକଙ୍କ ମନୋରଞ୍ଜନ ପାଇଁ ପ୍ରସ୍ତୁୂତ ହେଉଛନ୍ତି । ଅଭିନେତା ସଞ୍ଜୟ ଓ ଟାଇଗରଙ୍କ ଯୋଡ଼ିକୁ ନେଇ ସେ ଫିଲ୍ମ ନିର୍ମାଣ କରିବେ ବୋଲି ଘୋଷଣା କରିଛନ୍ତି, ଯାହା ଦର୍ଶକଙ୍କ ବେଶ ମନୋରଞ୍ଜନ କରିବ ବୋଲି କହିଛନ୍ତିି । ଫିରୋଜ ତାଙ୍କର ଆଗାମୀ ପ୍ରୋଜେକ୍ଟ ପାଇଁ ଏହି ଯୋଡ଼ିଙ୍କୁ ସାଇନ କରିଛନ୍ତି । ସିନେମାର ନାମ ହେଉଛି ‘ମାଷ୍ଟର ବ୍ଲାଷ୍ଟର’ । ଏଥିରେ କମେଡି ସହିତ ଆକ୍ସନ ମଧ୍ୟ ଦେଖିବାକୁ ମିଳିବ । ଫିଲ୍ମର ସୁଟିଂ ହଂକଂ, ମକାଉ ଏବଂ ଚୀନ୍ରେ ହେବ ।
Comments are closed.