ମୁମ୍ବାଇ: ଅଭିନେତା ଅକ୍ଷୟ କୁମାର ଗତ ବର୍ଷରେ ଗୋଟିଏ ପରେ ଗୋଟିଏ ଫ୍ଲପ୍ ଫିଲ୍ମ ଦେଇଛନ୍ତି । ଫିଲ୍ମ ବଚ୍ଚନ ପାଣ୍ଡେଠାରୁ ସେଲଫି ପର୍ଯ୍ୟନ୍ତ ଚଳିତ ବର୍ଷ ସମସ୍ତ ଫିଲ୍ମ ଫ୍ଲପ ତାଲିକାରେ ରହିଛି । ଏବେ ଅକ୍ଷୟ ତାଙ୍କର ଆଗାମୀ ଫିଲ୍ମ ଓଏମଜି-୨ କୁ ନେଇ ଚର୍ଚ୍ଚାରେ ଅଛନ୍ତି । ଏହି ଫିଲ୍ମ ପ୍ରେକ୍ଷାଳୟ ନା ଓଟିଟିରେ ରିଲିଜ୍ ହେବ ସେନେଇ ଆଲୋଚନା ଜୋରସୋର ଚାଲିଛି । ହେଲେ ବର୍ତ୍ତମାନ ପର୍ଯ୍ୟନ୍ତ ପ୍ରଯୋଜନା ସଂସ୍ଥା ପକ୍ଷରୁ କୌଣସି ନିଷ୍କର୍ସ ବାହାରି ପାରିନାହିଁ ।
ଓଏମଜି-୨ର ନିର୍ମାତା ଫିଲ୍ମକୁ କେଉଁଠାରେ ରିଲିଜ୍ କରିବେ ତାହା ଏପର୍ଯ୍ୟନ୍ତ ସ୍ଥିର କରିନାହାଁନ୍ତି । ପ୍ରଥମେ ଏହା ପ୍ରେକ୍ଷାଳୟରେ ମୁକ୍ତିଲାଭ କରାଯିିବ ଓ ତା’ପରେ ଓଟିଟିରେ ରିଲିଜ୍ ହେବ ବୋଲି ଆଲୋଚନା ହୋଇଛି । କିନ୍ତୁ ଏନେଇ ଅଭିନେତା ଅକ୍ଷୟ ଏବଂ ନିର୍ମାତା ରାଜି ନ ହେବା ପର୍ଯ୍ୟନ୍ତ କୌଣସି ନିଷ୍ପତ୍ତି ନିଆଯାଇପାରିବ ନାହିଁ । କାରଣ ଅକ୍ଷୟ ଏବେ ସ୍କଟଲ୍ୟାଣ୍ଡରେ ଅଛନ୍ତି । ସେଠାରେ ସେ ଫିଲ୍ମ ବଡେ ମିୟାଁ ଛୋଟେ ମିୟାଁ ସୁଟିଂରେ ବ୍ୟସ୍ତ ଅଛନ୍ତି । ସେ ମୁମ୍ବାଇ ଫେରିବା ପରେ ହିଁ ଏହି ନିଷ୍ପତ୍ତି ନିଆଯିବ ବୋଲି ଜଣାଯାଇଛି । ଫିଲ୍ମ ଓଏମଜି ୨ରେ ଅମିତ ରାୟ ନିର୍ଦ୍ଦେଶନା ଦେଇଛନ୍ତି ।
Comments are closed.