ନୂଆଦିଲ୍ଲୀ: ମାର୍ଚ୍ଚ ୨୮ ରେ ଆୟୋଜିତ ଏକ କାର୍ଯ୍ୟକ୍ରମରେ ଆମେରିକାର ନୌସେନାର ସଦସ୍ୟମାନେ ଶାହରୁଖ ଖାନଙ୍କ ଅଭିନୀତ ୨୦୦୪ରେ ମୁକ୍ତିଲାଭ କରିଥିବା ଚଳଚ୍ଚିତ୍ରର’ସ୍ବଦେଶ’ର ଲୋକପ୍ରିୟ ଗୀତ ‘ୟୈ ଜୋ ଦେଶ୍ ହୈ ତେରା’ ଗାଇଥିବାର ଏକ ଭିଡିଓ ବେଶ୍ ଭାଇରାଲ ହେବାରେ ଲାଗିଛି। ଆମେରିକାରେ ଭାରତର ରାଷ୍ଟ୍ରଦୂତ ତରନଞ୍ଜିତ ସିଂ ସନ୍ଧୁ ଏହି କ୍ଲିପ୍କୁ ଟ୍ୱିଟ୍ କରିଛନ୍ତି ଏବଂ ଏହି ଭିଡିଓରେ ଏ ଆର୍ ରହମାନ ଏବଂ ଶାହରୁଖ ଖାନ ମଧ୍ୟ ପ୍ରତିକ୍ରିୟା ପ୍ରକାଶ କରିଛନ୍ତି।
ଆମେରିକାର ନୌସେନା ଅପରେସନ୍ ମୁଖ୍ୟଙ୍କ ଏକ ରାତ୍ରୀ ଭୋଜନରେ ଆମେରିକାର ନୌସେନାର ଚାରିଜଣ ସଦସ୍ୟଙ୍କ ସଙ୍ଗୀତ ଭିଡିଓକୁ ପୋଷ୍ଟ କରି ତରନଞ୍ଜିତ ସିଂ ସନ୍ଧୁ ଟ୍ୱିଟ୍ କରି କହିଛନ୍ତି ଯେ ‘ୟେ ୱୋ ବନ୍ଧନ୍ ହୈ ଯୋ କଭି ଟୁଟ୍ ନୈହି ସକତା’।
ଆମେରିକାର ନୌସେନା ବ୍ୟାଣ୍ଡ ଏହି କ୍ଲିପକୁ ରିଟ୍ୱିଟ କରି ଲେଖିଛନ୍ତି ଯେ, ୧୯୨୫ ପରଠାରୁ ନୌସେନା ବ୍ୟାଣ୍ଡ @USNavy କୁ ଆମର ସହଭାଗୀ ରାଷ୍ଟ୍ର ସହିତ ସଂଯୋଗ କରିଆସୁଛି! # ହାପି ହୋଲି। ”
ଏହି କ୍ଲିପ୍ ଦେଖିବା ପରେ ଏ ଆର୍ ରହମାନ ଏବଂ ଶାହରୁଖ ଖାନ ଆନନ୍ଦିତ ହୋଇଥିଲେ ଏବଂ ଶାହାରୁଖ୍ ତରନଞ୍ଜିତ ସିଂ ସାନ୍ଧୁଙ୍କୁ ଏହି ଭିଡିଓ ସେୟାର କରିଥିବାରୁ ଧନ୍ୟବାଦ ଅର୍ପଣ କରିଥିଲେ।
ଏହି ଭିଡିଓ ବର୍ତ୍ତମାନ ପର୍ଯ୍ୟନ୍ତ ତିନି ଲକ୍ଷରୁ ଅଧିକ ଥର ଦେଖାସରିଲାଣି। ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ସହ ବ୍ୟବହାରକାରୀଙ୍କୁ ଭାବପ୍ରବଣ କରିଥିବା ମଧ୍ୟ ଦେଖିବାକୁ ମିଳିଛି।
'ये वो बंधन है जो कभी टूट नहीं सकता! This is a friendship bond that cannot be broken ever.' ????
US Navy singing a popular Hindi tune @USNavyCNO 's dinner last night! pic.twitter.com/hfzXsg0cAr
— Taranjit Singh Sandhu (@SandhuTaranjitS) March 27, 2021