US Places 10 Million Dollar Bounty on Iran Leaders: ଇରାନୀ ନେତାଙ୍କ ଉପରେ ୧୦ ନିୟୁତ ଡଲାର ପୁରସ୍କାର ରଖିଲା ଆମେରିକା, ଅଛି ମୋଜତାବା ଖାମେନେଇଙ୍କ ନାଁ
ନୂଆଦିଲ୍ଲୀ: ଆମେରିକାର ବୈଦେଶିକ ବିଭାଗ ଇରାନର ଇସଲାମିକ ରିଭୋଲ୍ୟୁସନରୀ ଗାର୍ଡ କର୍ପସ (IRGC)ର ପ୍ରମୁଖ ନେତାଙ୍କ ବିରୁଦ୍ଧରେ ‘ନ୍ୟାୟ ପାଇଁ ପୁରସ୍କାର’ କାର୍ଯ୍ୟକ୍ରମ ଅଧୀନରେ ୧୦ ନିୟୁତ ଡଲାର, ଭାରତୀୟ ମୁଦ୍ରାରେ ପ୍ରାୟ ୯୨-୯୩ କୋଟି ଟଙ୍କା ପର୍ଯ୍ୟନ୍ତ ପୁରସ୍କାର ଘୋଷଣା କରିଛି। ଏହି ତାଲିକାରେ ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନେଇଙ୍କ ପୁଅ ମୋଜତାବା ଖାମେନେଇ ମଧ୍ୟ ଅଛନ୍ତି। ଯାହାଙ୍କୁ ତାଙ୍କର ସମ୍ଭାବ୍ୟ ଉତ୍ତରାଧିକାରୀ ଭାବରେ ଦୀର୍ଘ ସମୟ ଧରି ଆଲୋଚନା କରାଯାଉଛି।
ଏହି ନିଷ୍ପତ୍ତି ବିଶ୍ୱ ଆତଙ୍କବାଦକୁ ଦମନ କରିବା ପାଇଁ ତେହେରାନ ବିରୁଦ୍ଧରେ ଆମେରିକାର “ସର୍ବାଧିକ ଚାପ” ନୀତିର ଏକ ଅଂଶ ବୋଲି କୁହାଯାଇଛି। ପ୍ରମୁଖ ଇସଲାମିକ୍ ରିଭୋଲ୍ୟୁସନରୀ ଗାର୍ଡ କର୍ପସ IRGC ନେତାଙ୍କ କାର୍ଯ୍ୟକଳାପ ସହିତ ଜଡିତ ବିଶ୍ୱସନୀୟ ଗୁପ୍ତଚର ସୂଚନା ପ୍ରଦାନ କରୁଥିବା ବ୍ୟକ୍ତିମାନଙ୍କୁ ପୁରସ୍କାର ଦିଆଯିବ। ଯାହାକୁ ନେଇ ଆମେରିକାର ବୈଦେଶିକ ବିଭାଗ “ନ୍ୟାୟ ପାଇଁ ପୁରସ୍କାର” କାର୍ଯ୍ୟକ୍ରମ ଅଧୀନରେ ୧୦ ନିୟୁତ ଡଲାର ପର୍ଯ୍ୟନ୍ତ ପୁରସ୍କାର ଘୋଷଣା କରିଛି। ଆମେରିକାର ଷ୍ଟେଟ୍ ଡିପାର୍ଟମେଣ୍ଟର ସରକାରୀ ୱେବସାଇଟରେ ଘୋଷଣା ଅନୁଯାୟୀ, ପ୍ରମୁଖ IRGC ନେତାଙ୍କ କାର୍ଯ୍ୟକଳାପ ସହିତ ଜଡିତ ବିଶ୍ୱସନୀୟ ଗୁପ୍ତ ସୂଚନା ପ୍ରଦାନ କରୁଥିବା ବ୍ୟକ୍ତିମାନଙ୍କୁ ଏହି ପୁରସ୍କାର ଦିଆଯିବ।
ତାଲିକାରେ ମୋଟ ୧୦ ଜଣ ପ୍ରମୁଖ ବ୍ୟକ୍ତିତ୍ୱଙ୍କ ନାମ ରହିଛି, ଯେଉଁଥିରେ ମୋଜତାବା ଖାମେନେଇ (ସର୍ବୋଚ୍ଚ ନେତାଙ୍କ କାର୍ଯ୍ୟାଳୟର ମୁଖ୍ୟ), ଅଲି ଅସଗର ହେଜାଜି (ସର୍ବୋଚ୍ଚ ନେତାଙ୍କ କାର୍ଯ୍ୟାଳୟର ଡେପୁଟି ଚିଫ୍ ଅଫ୍ ଷ୍ଟାଫ୍), ୟାହ୍ୟା ରହିମ ସଫାଭି (ମେଜର ଜେନେରାଲ ଏବଂ ସାମରିକ ପରାମର୍ଶଦାତା), ଏସକାନ୍ଦର ମୋମେନି (ଆଭ୍ୟନ୍ତରୀଣ ମନ୍ତ୍ରୀ ଏବଂ ବ୍ରିଗେଡିୟର ଜେନେରାଲ), ଇସମାଇଲ ଖାତିବ (ଗୋଇଣ୍ଟାଲ ମନ୍ତ୍ରୀ), ଅଲି ଲାରିଜାନି (ସର୍ବୋଚ୍ଚ ଜାତୀୟ ସୁରକ୍ଷା ପରିଷଦର ସଚିବ), ଏବଂ ପ୍ରତିରକ୍ଷା ପରିଷଦର ସଚିବ, ସର୍ବୋଚ୍ଚ ନେତାଙ୍କ ପରାମର୍ଶଦାତା, ସାମରିକ କାର୍ଯ୍ୟାଳୟର ମୁଖ୍ୟ ଏବଂ IRGC କମାଣ୍ଡର ଅନ୍ତର୍ଭୁକ୍ତ।
ବିଭାଗ ସ୍ପଷ୍ଟ କରିଛି ଯେ ଏହି ସମସ୍ତ ବ୍ୟକ୍ତି IRGCର ବିଭିନ୍ନ ଉପାଦାନଗୁଡ଼ିକୁ ନିର୍ଦ୍ଦେଶ ଦିଅନ୍ତି, ଯେଉଁମାନେ ବିଶ୍ୱବ୍ୟାପୀ ଆତଙ୍କବାଦୀ ଆକ୍ରମଣର ଯୋଜନା, ସଂଗଠନ ଏବଂ କାର୍ଯ୍ୟକାରୀ କରିବାରେ ଜଡିତ। ୧୯୭୯ ଇସଲାମିକ୍ ବିପ୍ଳବ ପରେ ପ୍ରତିଷ୍ଠିତ ଇରାନର ସରକାରୀ ସାମରିକ ଶାଖା IRGCକୁ ଦୀର୍ଘ ଦିନ ଧରି ଆମେରିକା ଦ୍ୱାରା ଏକ ବିଦେଶୀ ଆତଙ୍କବାଦୀ ସଂଗଠନ (FTO) ଭାବରେ ନାମିତ କରାଯାଇଛି।