ସମ୍ୱଲପୁର: ନବରାତ୍ରୀ ନେଇ ବିିଭନ୍ନ ଦେବୀ ପୀଠ ସବୁ ଚଳଚଞ୍ଚଳ ହୋଇଉଠିଛି । ଅନ୍ୟ ସ୍ଥାନ ଭଲି ମାଆ ସମଲେଶ୍ବରୀଙ୍କ ପୀଠରେ ଚାଲିଛି ଷୋହଳ ପୂଜା । ଅନ୍ୟଶକ୍ତି ପୀଠ ପରି ଏଠାରେ ମାଆଙ୍କ ନବ ଦିନରେ ନବଦୁର୍ଗା ବେଶ ନଥାଏ । ଷୋହଳ ଦିନରେ ଷୋହଳ ଜ୍ୟୋତିରୂପା ରୂପେ ଦର୍ଶନ ଦିଅନ୍ତି ମାଆ । ଆଜି ପଞ୍ଚମୀ ଅବସରରେ ମାଆ ବୈଷ୍ଣବୀ ରୂପରେ ଦର୍ଶନ ଦେଉଛନ୍ତି ।
ମାଆଙ୍କ ଏହି ରୂପକୁ ଅନ୍ୟଠି ବେଶ କୁହାଯାଉଥିବାବେଳେ ଏଠାରେ କିନ୍ତୁ ଏହାକୁ ଶୃଙ୍ଗାର ବେଶ କୁହାଯାଏ । ଆସନ୍ତାକାଲି ଉଭୟ ଷଷ୍ଠୀ ଓ ସପ୍ତମୀ ପାଳନ କରାଯିବ । ସେପଟେ ମାଆଙ୍କ ଦର୍ଶନ ପାଇଁ ପୀଠରେ ଲାଗିଛି ଭକ୍ତଙ୍କ ଗହଳି । କୋଭିଡ କଟକଣାକୁ ଦୃଷ୍ଟିରେ ରଖି ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।