ଭୁବନେଶ୍ୱର: ଓଲଟିଲା କାଙ୍କଡ଼ ବୋଝେଇ ଟ୍ରକ୍ । ଭୁବନେଶ୍ୱର ପଳାଶୁଣୀ ଓଭରବ୍ରିଜ ନିକଟରେ ଏକ ଟ୍ରକଟି ଭାରସାମ୍ୟ ହରାଇ ଓଲଟି ପଡ଼ିଲା । ସେଥିଲେ ଥିବା କାଙ୍କଡ ବୋଝେଇ ବସ୍ତା ସବୁ ଏଣେତେଣେ ପଡ଼ିଲା । ଏହାର ଫାଇଦା ନେଇ ରାସ୍ତାରେ ଯାଉଥିବା ଲୋକମାନେ ଘରକୁ ବୋହି ନେଲେ କାଙ୍କଡ଼ । କିଏ ବ୍ୟାଗରେ ଭର୍ତ୍ତି କରୁଥିଲା ତ କିଏ ବସ୍ତାରେ ବୋହି ଘରକୁ ନେଇଗଲେ । ଏଭଳି ଚିତ୍ର ଆଜି ସକାଳୁ ସକାଳୁ ପଳାଶୁଣୀ ଓଭରବ୍ରିଜ ନିକଟରେ ଦେଖିବାକୁ ମିଳିଥିଲା ।
କାଙ୍କଡ଼ ନେବାକୁ ବିଚ୍ ରାସ୍ତାରେ ଯେମିତି ଲୋକଙ୍କ ଭିତରେ ପ୍ରତିଯୋଗିତା ଚାଲିଥିଲା । କିଏ କେତେ ଅଧିକ କାଙ୍କଡ଼ ନେଇ ପାରିବ । କାଙ୍କଡ଼ ମୋହରେ ସମସ୍ତେ ଭୁଲି ଯାଇଥିଲେ ସାମାଜିକ ଦୂରତା । ଏତିକିବେଳେ ପୋଲିସ ସାଜିଥିଲା ଦେଖଣାହାରୀ । ଲୋକଙ୍କୁ ବାରଣ କରିବେ କଣ, ପୋଲିସ କର୍ମଚାରୀ ବି ନିଜ ବ୍ୟାଗରେ କାଙ୍କଡ଼ ଭର୍ତ୍ତି କରିବାରେ ବ୍ୟସ୍ତ ଥିବା ଦେଖିବାକୁ ମିଳିଥିଲା ।
Comments are closed.